មន្ត្រីក្រសួងមហាផ្ទៃបដិសេធសំណើបក្សប្រឆាំងលើការកែទម្រង់ គ.ជ.ប
h092012ts.mp3
ការចរចានោះ គឺភាគីទាំងពីរមិនបានចុះសម្រុងគ្នាទេ ដោយសារតែភាគីនីមួយៗមានហេតុផលរៀងៗខ្លួន និងជំហរដាច់ខាតរៀងៗខ្លួនដែរ។
មន្ត្រីជាន់ខ្ពស់ក្រសួងមហាផ្ទៃ បានបដិសេធសំណើរួមគ្នារបស់គណបក្ស សម រង្ស៊ី និងគណបក្ស សិទ្ធិមនុស្ស ដែលបានស្នើសុំឲ្យរដ្ឋមន្ត្រីក្រសួងមហាផ្ទៃ លោក ស ខេង កែទម្រង់សមាសភាពរបស់ គ.ជ.ប ដោយសំអាងថា គឺជាសំណើដដែលដូចពេលមុនៗដែរ និងជាការមិនចាំបាច់ឡើយ។
ការបដិសេធនេះ គឺក្រោយពីរដ្ឋលេខាធិការក្រសួងមហាផ្ទៃ លោក ព្រំ សុខា តំណាងឲ្យលោក ស ខេង បានទទួលជួបចរចាជាមួយលោក យឹម សុវណ្ណ និងលោក គួយ ប៊ុនរឿង មកពីគណបក្ស សម រង្ស៊ី និងលោក ម៉ៅ មុន្នីវណ្ណ និងលោក អ៊ូ ច័ន្ទរិទ្ធិ មកពីគណបក្ស សិទ្ធិមនុស្ស នៅឯក្រសួងមហាផ្ទៃ។
គោលបំណងដែលគណបក្ស សម រង្ស៊ី និងគណបក្ស សិទ្ធិមនុស្ស សុំឲ្យកែទម្រង់ គ.ជ.ប នោះ គឺចង់ឲ្យ គ.ជ.ប មានភាពឯករាជ្យ អព្យាក្រឹត្យ និងទុកចិត្តពីមជ្ឈដ្ឋានជាតិ និងអន្តរជាតិ។
ចំណុចសំខាន់ៗដែលភាគីទាំងពីរមិនចុះសម្រុងគ្នានោះ គឺភាគីក្រសួងមហាផ្ទៃ បានចោទប្រកាន់ថា សំណើសុំឲ្យកែទម្រង់សមាសភាព គ.ជ.ប នោះ គឺបង្កឲ្យមានហានិភ័យខ្ពស់ ដូចជាអស្ថិរភាពជាតិ និងអស្ថិរភាពនយោបាយ និងរាំងស្ទះដល់ការបោះឆ្នោតជាដើម។ ចំណែកឯភាគីគណបក្ស សម រង្ស៊ី និងគណបក្ស សិទ្ធិមនុស្ស ក៏បានចោទប្រកាន់វិញថា ការមិនព្រមកែទម្រង់ គ.ជ.ប នោះ គឺបង្កឲ្យមានអស្ថិរភាពជាតិ មិនមានការឯកភាពជាតិ និងបង្កជម្លោះហិង្សានយោបាយជាដើម។
រដ្ឋលេខាធិការក្រសួងមហាផ្ទៃ លោក ព្រំ សុខា បានមានប្រសាសន៍នៅក្នុងសន្និសីទកាសែតនៅក្រសួងមហាផ្ទៃថា ក្រសួងមហាផ្ទៃបានកែទម្រង់សមាសភាព គ.ជ.ប នោះជាច្រើនលើករួចមកហើយ តាមសំណើគណបក្សប្រឆាំង តាំងពីឆ្នាំ១៩៩៨ មក។ សំណើថ្មីៗនេះ គឺរឿងដដែលៗ៖ «ឲ្យមានការកែលំអ គ.ជ.ប តាមបែបហ្នឹង គឺធ្វើឲ្យ គ.ជ.ប ហ្នឹងគាំង ធ្វើឲ្យដំណើរការបោះឆ្នោតគាំង ធ្វើឲ្យមានផលប៉ះពាល់ដល់ស្ថិរភាពនយោបាយ ស្ថិរភាពសង្គម។ មកដល់ថ្ងៃនេះ ប្រជាពលរដ្ឋយល់ថា ការបោះឆ្នោត ដូចអត់មានអ្វីរាំងស្ទះទេ»។
ផ្ទុយពីការអះអាងនេះ អ្នកនាំពាក្យគណបក្ស សម រង្ស៊ី លោក យឹម សុវណ្ណ និងជាតំណាងរាស្ត្រដែលបានដឹកនាំគណៈប្រតិភូចូលរួមចរចានោះ បានមានប្រសាសន៍នៅគណបក្ស សម រង្ស៊ី ថា គណបក្សប្រឆាំងទាំងពីរ នឹងពិចារណាអំពីការដកខ្លួនចេញពីការបោះឆ្នោតឆ្នាំ២០១៣ បើសិនណាមិនមានការសម្របសម្រួល ឬដំណោះស្រាយនយោបាយណាមួយទេ៖ «ឥឡូវនេះ ប្រជាពលរដ្ឋភាគច្រើន អន្តរជាតិ គណបក្សនយោបាយភាគច្រើន លើកលែងតែគណបក្សកាន់អំណាច ហើយនិងសង្គមស៊ីវិល បាត់ជំនឿទៅលើស្ថាប័ន គ.ជ.ប នេះ អ៊ីចឹងយើងត្រូវតែកែទម្រង់ ដើម្បីបង្កនូវជំនឿការទុកចិត្តមកលើស្ថាប័នមួយនេះ ហើយយើងនឹងកាត់បន្ថយជម្លោះថែមទៀត»។
ការស្នើសុំឲ្យកែទម្រង់សមាសភាព គ.ជ.ប នោះ គឺផ្នែកតាមច្បាប់បោះឆ្នោតដែលតម្រូវឲ្យក្រសួងមហាផ្ទៃធ្វើការកែទម្រង់ គ.ជ.ប ក្នុងរយៈពេល៩ខែ មុនការបោះឆ្នោតសកល នៅថ្ងៃទី២៨ ខែកក្កដា ឆ្នាំ២០១៣ ខាងមុខនេះ។
ស្របពេលនេះដែរ លោក ព្រំ សុខា បានឲ្យដឹងថា រដ្ឋមន្ត្រីក្រសួងមហាផ្ទៃ លោក ស ខេង និងជាឧបនាយករដ្ឋមន្ត្រី បានធ្វើបញ្ជីឈ្មោះសមាសភាព ដើម្បីកែទម្រង់ គ.ជ.ប នោះហើយ ដើម្បីដាក់បញ្ជីនោះជូនរដ្ឋាភិបាលសម្រេច។
កន្លងមក មេដឹកនាំគណបក្ស សម រង្ស៊ី លោក សម រង្ស៊ី និងមេដឹកនាំគណបក្ស សិទ្ធិមនុស្ស លោក គឹម សុខា បានធ្វើយុទ្ធនាការនៅក្រៅប្រទេសកម្ពុជា ដើម្បីសុំការគាំទ្រពីសហភាពអឺរ៉ុប អង្គការសហប្រជាជាតិ និងសហរដ្ឋអាមេរិក ជាដើម ឲ្យគាំទ្រឲ្យមានការកែទម្រង់ គ.ជ.ប និងបើកផ្លូវឲ្យលោក សម រង្ស៊ី វិលចូលប្រទេសកម្ពុជា វិញ ដើម្បីចូលរួមការបោះឆ្នោតនៅឆ្នាំ២០១៣៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
ភ្នែកទិព្វត្រចៀកទិព្វនិងមាត់ទិព្វ
ពី ឥន្ទបត្តបូរីគជបជាសន្លឹកអាត់ទី១និងប្រជាជនយួនជាសន្លឹកអាត់ទិ២សំរាប់គណៈបក្សប្រជាជនលេងនៅពេលបោះឆ្នោត!មិនមែនល្បិចបួនសន្លឹកទេគឺ៥សន្លឹក មិនបាច់សង្ឃឹមការបោះឆ្នោតវាមិនខុសពិតុលារការខ្មែរក្រហម
ជាគំរូស្រាប់!!!
Sep 22, 2012 08:11 PM
អ្នកឈរមើល
គជបជាសន្លឹកអាត់ទី១និងប្រជាជនយួនជាសន្លឹកអាត់ទិ២សំរាប់គណៈបក្ស
ប្រជាជនលេងនៅពេលបោះឆ្នោត!!!មិនមែនល្បិចបួនសន្លឹកទេគឺ៥សន្លឹក មិនបាច់សង្ឃឹមការបោះឆ្នោតវាមិនខុសពិតុលារការខ្មែរក្រហម
ជាគំរូស្រាប់!!!
Sep 22, 2012 08:07 PM
Sk
ពី LVការផ្តូរពីអាក្រក់មកល្អ រឿងអីដែលមានបញ្ហា! រឺមួយ ស ខេង ខ្លាចមិនបានធ្វើឧបនាយករដ្ឋមន្រី្តរបស់លោកហ៊ុន សែន តទៅទៀត។ ពួកស្រលាញ់អំណាចផ្កាប់មុខ។
Sep 22, 2012 06:57 AM
Kosal
ពី Phnom Penhសូមលោក ស ខេង មេត្តាពិចារណាឡើងវិញ។ សូមលោកក្រលេកមើលបណ្តាលប្រទេសលោកខាងលិចផង។ តើអ្វីទៅជាលទ្ឋិប្រជាធិប្បតេយ្យ?
Sep 21, 2012 11:34 PM
Vuth Lee
ពី Lowell, Massachusetts,U.S.AHun Sen! Mam Sonando is illegally imprisoned by you. Sam Rainsi is self-exiled in France because you. Chhuth Vuthy is killed for trying to protect our forest, that's you. Bun Ratha is escaped, that's also you. Hun Sen! I'm pretty sure, you are going to win this coming election-2013. Hun Sen! Reform the election body now, you will be re-elected and your family-styled-government will be absolutely belong to you anyway. Don't be afread, because those who were againsted you either escaped, killed, and self-exiled in France. Hun Sen! if you are a real strong man, please have this corrupted national election committee replaced now. Don't be so coward like chicken.
Sep 21, 2012 06:03 AM
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
