លោក សួន សេរីរដ្ឋា បដិសេធថាមិនពាក់ព័ន្ធជាមួយលោក ម៉ម សូណង់ដូ
np.mp3
សវនាការជំនុំជម្រះក្តីសំណុំរឿង លោក ម៉ម សូណង់ដូ បានប្រើប្រាស់រយៈពេល ៣ថ្ងៃកន្លះ ហើយបានបញ្ចប់កាលពីថ្ងៃទី១៤ ខែកញ្ញា។ កាលពីថ្ងៃបញ្ចប់នៃសវនាការ ព្រះរាជអាជ្ញាបានចោទថា លោក ម៉ម សូណង់ដូ ជាមេខ្លោងបង្កើតតំបន់អបគមន៍ក្នុងគោលដៅផ្ដួលរំលំរដ្ឋាភិបាលដោយសហការជាមួយលោក សួន សេរីរដ្ឋា។
លោក សួន សេរីរដ្ឋា កាលពីថ្ងៃទី១៣ កញ្ញា បានថ្កោលទោសតុលាការកម្ពុជា និងចោទថា បានធ្វើតាមបញ្ជារបស់លោកនាយករដ្ឋមន្ត្រី ហ៊ុន សែន ចំពោះការចោទប្រកាន់ថា រូបលោកជាប់ពាក់ព័ន្ធជាមួយលោក ម៉ម សូណង់ដូ ក្នុងការបង្កើតតំបន់អបគមន៍នៅខេត្តក្រចេះ។
វិទ្យុអាស៊ីសេរី មិនអាចទាក់ទងតាមទូរស័ព្ទទៅលោក សួន សេរីរដ្ឋា ដើម្បីបញ្ជាក់ប្រាប់ពីការចោទប្រកាន់របស់តុលាការថា លោកមានជាប់ពាក់ព័ន្ធជាមួយលោក ម៉ម សូណង់ដូ បង្កើតតំបន់អបគមន៍នៅក្នុងឃុំកំពង់ដំរី ខេត្តក្រចេះ បានទេ នៅថ្ងៃសៅរ៍ ទី១៥ ខែកញ្ញា នេះ។
ប៉ុន្តែសេចក្ដីថ្លែងការណ៍របស់លោក សួន សេរីរដ្ឋា បានអះអាងថា លោក ម៉ម សូណង់ដូ នៅពេលដែលលោកធ្វើទស្សនកិច្ចនៅក្រៅប្រទេស បានទៅចូលរួមយកព័ត៌មានពីសកម្មភាពរបស់ចលនាអំណាចពលរដ្ឋខ្មែរ ដែលបានដាក់ពាក្យបណ្ដឹងប្ដឹងរដ្ឋាភិបាលកម្ពុជា ដឹកនាំដោយលោក ហ៊ុន សែន ទៅតុលាការឧក្រិដ្ឋកម្មអន្តរជាតិ (ICC) កាលពីថ្ងៃទី២២ ខែមិថុនា ឆ្នាំ២០១២ នាទីក្រុងឡាអេ ប្រទេសហុឡង់ដ៍។ ចលនានេះចោទរដ្ឋាភិបាលកម្ពុជា ពីបទឧក្រិដ្ឋកម្មប្រឆាំងនឹងមនុស្សជាតិដោយការបង្ខំបណ្ដេញពលរដ្ឋពីលំនៅឋាន។
ក្នុងបទសម្ភាសន៍ជាមួយវិទ្យុអាស៊ីសេរី កាលពីចុងខែសីហា ឆ្នាំ២០១២ ប្រធានចលនាអំណាចពលរដ្ឋខ្មែរ លោក សួន សេរីរដ្ឋា បានឲ្យដឹងថា បន្ទាប់ពីតុលាការព្រហ្មទណ្ឌអន្តរជាតិទទួលពាក្យបណ្ដឹង ការិយាល័យរាជអាជ្ញាក៏បានបង្គាប់អោយលោកផ្តល់ភស្តុតាងបន្ថែម៖ «បន្ទាប់ពីយើងដាក់ពាក្យបណ្ដឹងនៅថ្ងៃទី២២ ខែមិថុនា ឆ្នាំ២០១២ ទាមទារអោយតុលាការឧក្រិដ្ឋកម្មអន្តរជាតិនេះ ធ្វើការអង្កេតអំពីបទឧក្រិដ្ឋ អំពីបទឧក្រិដ្ឋកម្មប្រឆាំងមនុស្សជាតិ ដែលប្រព្រឹត្តដោយរដ្ឋាភិបាលក្រុងភ្នំពេញ ហើយមកដល់ថ្ងៃនេះ ក្រុមមេធាវីរបស់យើង កំពុងធ្វើកិច្ចការនេះជាមួយខាងផ្នែករដ្ឋអាជ្ញា នៃតុលាការឧក្រិដ្ឋកម្មអន្តរជាតិ ហើយគេបានស្នើសុំឯកសារភស្តុតាងបន្ថែមទៀត ដើម្បីជំរុញលើការស៊ើបអង្កេត…»។
ក្នុងសវនាការលោក ម៉ម សូណង់ដូ បានប្រាប់ចៅក្រមថា លោកស្គាល់លោក សួន សេរីរដ្ឋា ក្នុងឋានៈជាអ្នកសារព័ត៌មានតែប៉ុណ្ណោះ។
ពាក់ព័ន្ធនឹងការចោទប្រកាន់លោក ម៉ម សូណង់ដូ នេះ លោក អៀ ចាន់ណា បញ្ញវន្តខ្មែរម្នាក់រស់នៅប្រទេសន័រវេសន៍ (Norway) បានមានប្រសាសន៍ថា តុលាការកម្ពុជា មិនមានឯករាជភាព និងគ្មានក្រមសីលធម៌វិជ្ជាជីវៈត្រឹមត្រូវ។
លោកអះអាងថា ការចោទប្រកាន់ទាំងនេះ ពុំមានមូលដ្ឋានច្បាស់លាស់៖ «ទង្វើរបស់រដ្ឋាភិបាលនេះ ដោយចាប់លោក ម៉ម សូណង់ដូ និងចោទប្រកាន់ប្រជាពលរដ្ឋស្លូតត្រង់ គឺជាការព្យាយាមការពារជនខិលខូច ការពារកំហុសផ្ទាល់ខ្លួនលោកនាយករដ្ឋមន្ត្រី ហ៊ុន សែន និងរដ្ឋាភិបាលកម្ពុជា ដែលបានផ្ដល់ឲ្យក្រុមហ៊ុនយួន ទៅវិនិយោគនៅទីនោះ ប៉ះពាល់ដីប្រជាពលរដ្ឋ។ ប្រជាពលរដ្ឋទ្រាំអត់បានក៏នាំគ្នាតវ៉ាឡើង។ ប្រជាពលរដ្ឋដែលត្រូវគេចោទប្រកាន់ថា ធ្វើអបគមន៍ បំបែករដ្ឋក្នុងរដ្ឋនោះ ថាតើគាត់មានអ្វី? ការដែលបំបែករដ្ឋក្នុងរដ្ឋ គឺឈរលើមូលដ្ឋាន ទី១ ផ្នែកសេដ្ឋកិច្ច និងទី២ ផ្អែកលើកងកម្លាំងប្រដាប់អាវុធ…»។
ទោះជាយ៉ាងណាក៏ដោយ គេនៅមិនទាន់បានដឹងអំពីជោគវាសនារបស់លោក ម៉ម សូណង់ដូ ប្រធានវិទ្យុសំបុកឃ្មុំ និងជាប្រធានសមាគមអ្នកប្រជាធិបតេយ្យនៅឡើយទេ ពីព្រោះតុលាការនឹងប្រកាសសាលក្រមកាត់ទោសករណីលោក នៅថ្ងៃ១ ខែតុលា ឆ្នាំ២០១២។
ប៉ុន្តែក្នុងសេចក្ដីថ្លែងការណ៍របស់លោក សួន សេរីរដ្ឋា ក៏បានបញ្ជាក់ផងដែរថា ចលនាអំណាចពលរដ្ឋខ្មែរ គឺជាចលនានយោបាយស៊ីវិល ហើយបច្ចុប្បន្ននេះកំពុងប្រមូលស្នាមមេដៃ និងហត្ថលេខាចំនួន ៣៦ម៉ឺននាក់ នៅក្នុងប្រទេសកម្ពុជា និងនៅក្រៅប្រទេស ដើម្បីគាំទ្រលោក ម៉ម សូណង់ដូ ប្រឆាំងនឹងការចោទប្រកាន់របស់តុលាការកម្ពុជា៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
MISS MALARY
ពី WASHINGTON DC, USAWhy all parties do not work together for building countries to be stronger and stronger. We will lose territory if KHMERS are weak, WATCH THAI. Dreaming to be winner over HUN SEN'S regime, is never going to happen, read my lips. This is the perfect example: million students and businesses guys were out of SOUTH VN to live in western countries, are very brighr with very high and high education, can they bring SOUTH VN back to life? Of course NOT!!! How about KHMER? NO WAY !!! I honestly speak the true, I do not take side.
Sep 18, 2012 12:19 AM
KHMER
ពី USAAre you sure you can claim against Mr HUN SEN to the International World Justice Court? Is it real or just playing your GAME? How many people beleive you? What for? People live in peace in Cambodia!!!
Sep 17, 2012 09:17 PM
អ្នកអានអនាមិក
បរទេស វាធ្វើឲ្យមេដឹកនាំខ្មែរឈ្លោះជាមួយខ្មែរគ្នាឯង វាធ្វើរឿងឲ្យកើតមានមិនចេះចប់ ដើម្បីកុំឲ្យមេដឹកនាំមានពេលពីបរទេសឈ្លានពាន ខាំគ្នាឯង យួន សៀមអង្គុយសើចសប្បាយ អ្នកដឹកនាំខ្មែរពូកែរៀនលាបពណ៌ខ្មែរតាមយួន វាលាបពណ៌ឲ្យខ្មែរខំាគ្នាឯង លោកនយកហ៊ុន សែន ល្មមឈប់សប្បាយនឹងអណាច ធ្វើបាបជាតិសាសន៍ឯង
Sep 17, 2012 06:28 AM
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
