សេចក្ដីថ្លែងការណ៍ជំទាស់បទសម្ភាសន៍វិទ្យុអាស៊ីសេរីជាមួយលោក សៀ ភារម្យ

សហព័ន្ធសិទ្ធិមនុស្ស និងអភិវឌ្ឍន៍កម្ពុជា តំណាងឲ្យអង្គការយុវជន អង្គការសមាគម ៣១ មានបេសកកម្មតស៊ូមតិ និងលើកស្ទួយយុត្តិធម៌សង្គម នៅថ្ងៃ៦ សីហា ចេញសេចក្ដីថ្លែងការណ៍ជំទាស់ទៅនឹងបទសម្ភាសន៍របស់វិទ្យុអាស៊ីសេរីជាមួយលោក សៀ ភារម្យ នាយកលេខាធិការដ្ឋានក្រុមការងារពិសេសសិទ្ធិលំនៅឋាន កាលពីថ្ងៃទី១ ខែសីហា ឆ្នាំ២០១២ អំពីក្រុមនិស្សិតចុះវាស់ដីពលរដ្ឋមិនមានប្រសិទ្ធភាព និងនិរន្តរភាព។

ដោយ ទីន ហ្សាការីយ៉ា
2012-08-06

សេចក្ដីថ្លែងការណ៍នោះបានហៅបទសម្ភាសន៍នោះថា «មានចរិតញុះញង់ បំបែកបំបាក់ក្នុងចំណោមមន្ត្រីរាជការសាធារណៈ ពិសេសមន្ត្រីជំនាញដីធ្លី និងមន្ត្រីពាក់ព័ន្ធដទៃទៀត»។

សេចក្ដីថ្លែងការណ៍ដដែលសរសេរថា បទសម្ភាសន៍នោះមានលក្ខណៈមិនគ្រប់ជ្រុងជ្រោយ មានភាពលំអៀងបំរើឲ្យគណបក្សប្រឆាំង គ្មានមូលដ្ឋានចំណេះដឹង និងអគតិ សំដៅមើលស្រាលពលិកម្មដ៏ធំធេងចំពោះយុវជនស្ម័គ្រចិត្តក្នុងចំណោមនិស្សិតបញ្ញវន្ត ចុះវាស់វែងដីជូនប្រជាពលរដ្ឋ។

ជាចុងបញ្ចប់ សេចក្ដីថ្លែងការណ៍ដែលចុះហត្ថលេខាដោយលោក ថៅ វាសនា ជាប្រធានអង្គការសហព័ន្ធសិទ្ធិមនុស្សកម្ពុជា បានកោតសរសើរលោកនាយករដ្ឋមន្ត្រី ហ៊ុន សែន ថា គោលនយោបាយចាស់សកម្មភាពថ្មីរបស់រដ្ឋាភិបាល បានអនុវត្តកំណែទម្រង់ដីធ្លីប្រកបដោយប្រសិទ្ធភាព៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។

អត្ថបទដែលទាក់ទង

មតិ (5)

ចុចត្រង់នេះដើម្បីបន្ថែមយោបល់របស់អ្នក

Phalla

ពី Phnom Penh

ប្រទេសយើងមិនមែនជានិតិរដ្ឋពិតប្រាកដទេ ពីព្រោះ គ្រប់មន្ត្រីទាំងធ្វើការងារតាមតែបទបញ្ជារបស់មនុស្សម្នាក់ ។ ក្រុមនិស្សិតដែលជាអ្នកវាស់វែងដី គ្រាន់តែបំពេញការងារ បែបពលកម្មប៉ុណ្ណោះ តែមិនមែនជាអ្នកសំរេចនោះទេ ដូច្នេះផលប្រយោជន៍ សំរាប់ប្រជាជនក្រីក្រ និងអ្នកមានបញ្ហាដីធ្លីគឺមានតិចតួច ណាស់ ។ គាំទ្រលោក Sir Phearum

Aug 07, 2012 10:20 PM

តាក្របី

ពី ឧត្តរមានជ័យ

តើក្រសួងដែនដីមានផែនការប្រចំាឆ្នំាវាស់ដីជូនពលរដ្ឋដែររឺទេ? បើយុវជនចុះវាស់ដី មន្រ្តីជំនាញមិនគួរស៊ីប្រាក់ខែទេ

Aug 07, 2012 07:39 PM

អ្នកអានអនាមិក

យើងសូមហៅសេចក្ដីថ្លែងការណ៏ជំទាស់នោះថាជាទឹកលើស្លឹកឈូកតែប៉ុណ្ណោះ ដែលតែងតែងាករេចុះឡើងតាមអំណាចលាភសក្ការះបន្តិចបន្តួចហើយមិនបានគិតគូរពីទុក្ខវេទនារបស់មនុស្សឡើយ។

Aug 07, 2012 04:34 AM

Justice

ពី Phnom Penh

I support Mr. Sear Phirum's interview with RFA. What he said is right, but I REGRET for the statement of a group of persons who work for a benefit of a group of powerful elites in Cambodia.

Aug 07, 2012 06:27 AM

អ្នកអានអនាមិក

ខំបំរើផលប្រយោជន៌ប្រជាពលរដ្ឋដល់ថ្នាក់ហ្នឹងហើយ ថានៅយល់ថាមិនទាន់បានល្អ និងមិនមាននិរន្តភាពទៀត ចុះបើអ្នកថាអោយគេវិញ អាចមានសម្ថភាពទាក់ទាញអោយ
និស្សិតស្ម័គ្គចិត្តបំពេញការងារនោះបានដែរឬអត់? សូមមេត្តាទទួលស្គាល់ការពិតផងម្តងបានទេ!ប្រជាពលរដ្ឋក្រីក្រ សប្បាយចិត្តនិងអបអរសាទរគ្រប់គ្នា ពីគោលនយោបាយចាស់ សកម្មភាពថ្មី លើវិស័យដីធ្លីរបស់ប្រមុខរាជរដ្ឋាភិបាល។ បើធ្វើមិនកើត សូមមេត្តាកុំយកជើងរាទឹក ទុកអោយទូត ទៅតាមសំរួលផង

Aug 07, 2012 02:52 AM

ពពកវិល

ពី ព្រះវិហារ

មិនមែនគេធ្វើមិនកើតទេ។ គឺអ្នកទេដែលរារាំងគេមិនឲ្យគេបញ្ចេញសមត្ថភាពបានដោយប្រើគ្រប់មធ្យោបាយដែលមតិទូទៅ(តែពួកលោកហៅថា"អគតិ"នោះ)យល់ថា"ផ្ដាច់ការ" "យោធានិយម" "បក្សពួកនិយម" និង "ចង្អៀតចង្អល់ប្រកបដោយការភ័យខ្លាច"។

Aug 07, 2012 08:24 AM