អាជ្ញាធរថៃពង្រាយទាហានឈុតខ្មៅតាមព្រំដែនកម្ពុជាថៃនិងបិទច្រករបៀង
h101312mn.mp3
មន្ត្រីទំនាក់ទំនងព្រំដែនកម្ពុជា-ថៃ បានឲ្យដឹងនៅថ្ងៃសៅរ៍ ទី១៣ ខែតុលា ថា សកម្មភាពនេះបានកើតមានក្នុងរយៈពេលប៉ុន្មានថ្ងៃចុងក្រោយនេះ។ គោលដៅសំខាន់របស់ភាគីថៃ គឺទប់ស្កាត់ជនជាតិខ្មែរឥស្លាម ពីប្រទេសកម្ពុជា ដែលពួកគេសង្ស័យថាអាចច្រៀបចូល ឆ្ពោះទៅភាគខាងត្បូងប្រទេសថៃ។
កងទាហានថៃ ចាប់ខ្លួនជនជាតិឥស្លាម ទាំងអស់ នៅពេលពួកគេ រកឃើញប្រជាពលរដ្ឋខ្មែរណាថា ជាជនជាតិចាម នៅក្នុងប្រទេសកម្ពុជា។ ក្នុងនោះ ក៏មានជនជាតិចាម ដែលមានលិខិតឆ្លងដែនត្រឹមត្រូវ នឹងបញ្ជូនមកកម្ពុជា វិញដែរ ប៉ុន្តែ សម្រាប់ជនជាតិចាម មិនមានលិខិតឆ្លងដែន ទាហានឈុតខ្មៅចាប់បញ្ជូនទៅក្នុងប្រទេសថៃ។
ប្រភពពីប្រជាពលរដ្ឋខ្មែរ ដែលចូលទៅក្នុងទឹកដីថៃ បានឲ្យដឹងថា ទាហានឈុតខ្មៅថៃ បានដើរចាប់ប្រជាពលរដ្ឋខ្មែរ ដែលបានចូលទៅប្រទេសថៃ ខុសច្បាប់ដាក់រថយន្តទ្រុង ដឹកបញ្ជូនតាមច្រកទ្វារអន្តរជាតិប៉ោយប៉ែត ប្រគល់ឲ្យអាជ្ញាធរខ្មែរ៖ «ទាហានឈុតខ្មៅថៃ រឹតបន្តឹងមក អ្នកខ្លះគេនិយាយថា ខាងខ្មែរឥស្លាមមួយចំនួនទៅធ្វើភេរវកម្មនៅភាគខាងត្បូងប្រទេសថៃ ជាប់ប្រទេសភូមា។ ពេលអ៊ីចឹង វារឹតបន្តឹងគ្រប់កន្លែង តាំងពីខ្មែរយើងចូលទៅ វាអត់ចង់ឲ្យចូល អត់មានឯកសារត្រឹមត្រូវ ជាក់ស្ដែង ឃើញអ៊ីចឹងមែន ប្រជាពលរដ្ឋយើងមកពីផ្សារថៃ វិញ នាំគ្នារអ៊ូស្រែកថា ឥឡូវថៃ តឹងម៉ាំណាស់ ដើរមិនបានទេ។ យើងមានគ្នា ១០នាក់ វាខឹង វាក្រពុលមុខ វាខឹងប្រមូលដាក់ឡានទាំងអស់។ វាខឹងមិននិយាយអីទេ»។
មន្ត្រីនាំពាក្យសាលាខេត្តបន្ទាយមានជ័យ លោក អ៊ុក កែវរតនៈ បានថ្លែងថា ទាហានឈុតខ្មៅថៃ កំពុងពង្រឹងសកម្មភាពត្រួតពិនិត្យច្បាប់ ទៅលើការឆ្លងដែនរបស់ប្រជាពលរដ្ឋខ្មែរ។ ជនជាតិខ្មែរដែលឆ្លងដែនខុសច្បាប់ ត្រូវថៃ ចាប់បញ្ជូនមកកម្ពុជា វិញទាំងអស់។ នៅក្នុងស្រុកអារ៉ាញ ខេត្តស្រះកែវ ទាហានឈុតខ្មៅថៃ បានដាក់បម្រាមមិនឲ្យអាជីវករខ្មែរទាំងអស់ ដែលជាអ្នកលក់ដូរនៅផ្សាររុងក្លឿ ដើរចេញពីបរិវេណផ្សារនោះទេ ទោះបីពួកគាត់មានលិខិតស្នាមស្របច្បាប់ក៏ដោយ៖ «យើងក៏ក្ដាប់មិនបានអំពីបញ្ហាផ្ទៃក្នុងនយោបាយរបស់ថៃ យ៉ាងម៉េចទេ ប្រហែលវាពាក់ព័ន្ធវិបត្តិខ្លះនៅភាគខាងត្បូងប្រទេសថៃ បានជាពង្រឹងសកម្មភាពតឹងតែងសម្រាប់ប្រជាពលរដ្ឋយើង»។
ក្នុងរយៈពេលពេញមួយសប្ដាហ៍ ទាហានថៃ មានផែនការបិទច្រករបៀងទាំងអស់នៅតាមខ្សែបន្ទាត់បណ្ដោយព្រំដែន ចាប់ពីខេត្តបន្ទាយមានជ័យ ដល់ខេត្តឧត្តរមានជ័យ។ នាយកការិយាល័យទំនាក់ទំនងព្រំដែនកម្ពុជា-ថៃ លោក ពេជ្រ វណ្ណា បានបញ្ជាក់ថា ប្រជាពលរដ្ឋដែលឆ្លងដែនខុសច្បាប់ ទាហានថៃ ចាប់បញ្ជូនមកកម្ពុជា វិញទាំងអស់៖ «ជនជាតិចាម ហ្នឹង បើមានលិខិតឆ្លងដែនត្រឹមត្រូវ អត់អីទេ ប្រសិនអត់មាន គាត់ចាប់ជាច្រើនលើកច្រើនសារហើយ ប៉ុន្តែពលរដ្ឋយើងអ្នកគ្មានលិខិតស្នាមច្បាស់លាស់ គ្មានលិខិតឆ្លងដែន ក៏ពួកគាត់ហ្នឹង ចាប់បញ្ជូនមកតាមច្រកប៉ោយប៉ែត វិញ»។
កន្លងទៅនេះ មេបញ្ជាការយោធាថៃ ធ្លាប់បានចោទប្រកាន់ជនជាតិចាម នៅក្នុងប្រទេសកម្ពុជា ថា នាំគ្នាចូលទៅក្នុងទឹកដីថៃ ដើម្បីគាំទ្រដល់ក្រុមឥស្លាមថៃ ដែលកំពុងនាំគ្នាបះបោរនៅភាគខាងត្បូងប្រទេសថៃ ជាប់ប្រទេសភូមា (មីយ៉ាន់ម៉ា) ប៉ុន្តែ រដ្ឋាភិបាលកម្ពុជា បានចេញសេចក្ដីថ្លែងការណ៍ច្រានចោលភ្លាមៗចំពោះការចោទប្រកាន់នេះ។ ទោះយ៉ាងណា នៅក្នុងរយៈពេលប៉ុន្មានថ្ងៃជាប់គ្នានេះ គេសង្កេតឃើញប្រជាពលរដ្ឋខ្មែររាប់ពាន់នាក់ ត្រូវអាជ្ញាធរថៃ ចាប់ដាក់ក្នុងរថយន្តទ្រុង ដឹកបញ្ជូនមកកម្ពុជា វិញនៅច្រកទ្វារអន្តរជាតិប៉ោយប៉ែត ខេត្តបន្ទាយមានជ័យ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អ្នកអានអនាមិក
Khmer and Thai love democracy ,we love Buddhism ,we share the same culture,custom and language .Khmer Surin and millions of Thais have Khmer ancestors's blood in their veins,and they know that ! Thais and Khmer used to fight solders to solders against Youns. Many Khmer in the past and present have always sought refuges inThailand,and we know why !
Our king,Ang Doung 1845-1859,after seeking refuge in Thailand,he cam back with Thais support and kicked Viets out of Khmer Land
Oct 17, 2012 12:33 PM
អ្នកអានអនាមិក
ថៃគេធ្វើបែបនេះ 1-ដើម្បីបង្រៀន លោក ហ៊ុន សែន ឲចេះធ្វើការ។ 2-ដើម្បីឲ លោក ហ៊ុន សែន ចេះមានកេរ្តិ៍ខ្មាសផង ក្នុងនាមជាអ្នកដឹកនាំប្រទេស នៅជិតព្រំដែនគ្នា គឺគេធ្វើអញ្ចឹង ។
Oct 14, 2012 09:33 AM
អ្នកអានអនាមិក
ថៃធ្វើបែបនេះ គឺសមមុខសម្រាប់បុរសផ្កាប់មុខនឹងអំណាចនេះហើយ! គេមិនដែលខ្វល់នឹងជីវភាពប្រជាជនទេ តែគេខ្វល់តែ នឹងអំណាចប៉ុណ្ណោះ!
Oct 13, 2012 05:35 PM
អ្នកអានអនាមិក
បើរដ្ធាភិបាលខ្មែរមានការរិតបន្តឹងនៅតាមព្រំដែនខ្មែរយួន អោយបានល្អត្រឹមត្រូវដូចជាថៃ ប្រទេសខ្មែរមិនមានយួនដល់ទៅរាប់លាននាក់ដូចជាសព្វថ្ងៃនេះទេ។
ប្រទេសថៃមិនសូវភ័យនឹងពួកចាមប៉ុន្មាទេ តែគេកំពុងភ័យយ៉ាងខ្លាំង
ព្រោះមានចារជនយួនច្រើនណាស់ ដែលលួចចូលទៅខ្ចីដៃថៃសម្លាប់ថៃ ដូចវាខ្ចីដៃខ្មែរសម្លាប់ខ្មែរអីចឹង!
Oct 13, 2012 10:34 AM
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
