ប្រទេសថៃអាចនឹងបាត់បង់ភាពនាំមុខក្នុងការនាំអង្ករចេញ
ដោយ មឿង ទុម
2012-02-25
អ្នកឯកទេសផ្នែកកសិកម្មនៃប្រទេសថៃមើលឃើញថា ប្រទេសថៃអាចនឹងបាត់បង់ភាពនាំមុខក្នុងការនាំអង្ករចេញលក់ទៅក្រៅស្រុក ហើយថាប្រទេសវៀតណាមអាចនឹងជំនួសតំណែងនេះវិញ។
ប្រធានសមាគមនាំអង្ករថៃចេញ អ្នកស្រី កបស៊ុក អៀមសុរី (Korbsuk Iamsuree) មានប្រសាសន៍ប្រាប់កាសែត Bangkok Post ផ្សាយនៅថ្ងៃសុក្រនេះថា ការណ៍ដែលថៃបាត់បង់ភាពជាប្រទេសនាំមុខក្នុងការនាំអង្ករចេញនេះ គឺបណ្ដាលមកពីផែនការរបស់រដ្ឋាភិបាលថៃក្នុងការផ្ដល់ប្រាក់កម្ចីដែលតម្រូវឲ្យអ្នកខ្ចីមានវត្ថុមានតម្លៃកក់ជាមុន។
អ្នកស្រីមើលឃើញថាវ ប្រទេសវៀតណាម ឥណ្ឌា និងប្រទេសថៃ ឈានមុខគេក្នុងការនាំអង្ករចេញដាក់លក់នៅតាមទីផ្សារអន្តរជាតិ។ ប៉ុន្តែបច្ចុប្បន្នប្រទេសវៀតណាមកំពុងបង្ហាញសមត្ថភាពខ្លាំងជាងគេ ក្នុងការនាំអង្ករចេញលក់នៅជុំវិញពិភពលោក។ អ្នកស្រី កបស៊ុក បញ្ជាក់ថា ៥ឆ្នាំខាងមុខ វៀតណាមអាចឈ្នះប្រទេសថៃ។
ក្រសួងកសិកម្ម និងសហប្រតិបត្តិការនៃប្រទេសថៃ បានឲ្យដឹងបន្ថែមថា ជារៀងរាល់ឆ្នាំ ប្រទេសថៃ និងវៀតណាមនាំអង្ករចេញទៅលក់ឯបរទេសបានជាង ៦លាន ៥សែនតោនរៀងៗខ្លួន។ តែកាលពីឆ្នាំ២០១០ តួលេខនេះមានការធ្លាក់ចុះ ព្រោះប្រទេសឥណ្ឌាលក់ចេញបានច្រើន៕
កំណត់ចំណាំ៖ ចំពោះអ្នកបញ្ចូលមតិនៅក្នុងអត្ថបទនេះ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណាដែលមិនជេរប្រមាថដល់អ្នកដទៃតែប៉ុណ្ណោះ។
អត្ថបទដែលទាក់ទង
ប្រភពកំណើនសេដ្ឋកិច្ចកម្ពុជា ឆ្នាំ២០១១ និង២០១២
ការវិនិយោគលើការសាងសង់កើន ៥% ក្នុងត្រីមាសទីមួយ
សេដ្ឋកិច្ចកម្ពុជាបន្តឡើងខណៈសេដ្ឋកិច្ចពិភពលោកធ្លាក់ចុះ
អ្នកស្រី មួរ សុខហួរ ស្វាគមន៍ការផ្អាកគម្រោងផ្ដល់ដីសម្បទានសេដ្ឋកិច្ច
តំបន់សេដ្ឋកិច្ចពិសេសក្រុងព្រះសីហនុត្រូវសម្ពោធឲ្យប្រើប្រាស់ជាផ្លូវការ
ខ្មែរអនុញ្ញាតឲ្យចិនមកសង់ម៉ាស៊ីនកែច្នៃផលិតផលកសិកម្មទំនើប
ជប៉ុនផ្ដល់ជំនួយជិត ១៩លានដុល្លារ ឲ្យកម្ពុជា
អ្នកទីរួមខែត្រកំពង់ធំត្អូញពីអគ្គិសនីដាច់ញឹក
កត្តាសំខាន់នៃការប្រើប្រាស់ប្រាក់រៀល និងប្រាក់ដុល្លារនៅកម្ពុជា
មតិ
Click here to add your own comment