គណៈប្រតិភូព្រឹទ្ធសភាថៃមកទស្សនកិច្ចនៅកម្ពុជា

សមាជិកព្រឹទ្ធសភាថៃ លោក ផៃយ៉ាប់ ថងជឿន (Phayap Thongchuen) និងជាប្រធានក្រុមមិត្តភាពសភាកម្ពុជា និងថៃ បានដឹកនាំគណៈប្រតិភូព្រឹទ្ធសភាថៃ ចំនួន ៦នាក់ មកទស្សនកិច្ចនៅប្រទេសកម្ពុជា រយៈពេល ៣ថ្ងៃ ដើម្បីរឹតចំណងមិត្តភាពរវាងប្រទេសទាំងពីរ។

ដោយ សុខ សេរី
2012-09-28

h092812ts1.mp3

សមាជិកព្រឹទ្ធសភាថៃ លោក ផៃយ៉ាប់ ថងជឿន (Phayap Thongchuen) (ឆ្វេង) និងជាប្រធានក្រុមមិត្តភាពកម្ពុជា-ថៃ ជួបជាមួយប្រធានសភាជាតិកម្ពុជា លោក ហេង សំរិន (ស្ដាំ) នាវិមានសន្តិភាព កាលពីថ្ងៃទី២៨ ខែកញ្ញា ឆ្នាំ២០១២។

RFA/Sok Serey

នៅក្នុងឱកាសនេះ ភាគីថៃ ក៏បានអញ្ជើញប្រធានរដ្ឋសភាខ្មែរ ទៅទស្សនកិច្ចនៅប្រទេសថៃ វិញដែរ នៅពេលខាងមុខ ប៉ុន្តែមិនទាន់មានការឆ្លើយតបភ្លាមៗពីភាគីកម្ពុជា នៅឡើយ។

លោក ផៃយ៉ាប់ ថងជឿន នៅថ្ងៃទី២៨ ខែកញ្ញា បានជួបជាមួយប្រធានសភាជាតិកម្ពុជា លោក ហេង សំរិន នៅឯសភាជាតិកម្ពុជា ដើម្បីជូនលិខិតរបស់ប្រធានសភាថៃ លោក ឆៃ ឆិតឈុត (Chai Cidchod) ទៅលោក ហេង សំរិន។

សារលិខិតនោះ បានអញ្ជើញប្រធានរដ្ឋសភាកម្ពុជា ទៅទស្សនកិច្ចនៅប្រទេសថៃ រយៈពេល ៣ថ្ងៃ ដើម្បីរឹតចំណងមិត្តភាពរវាងសភានៃប្រទេសទាំងពីរ។

លោក ហេង សំរិន បានទទួលយកលិខិតអញ្ជើញនោះជាផ្លូវការហើយ ប៉ុន្តែមិនទាន់កំណត់កាលបរិចេ្ឆទជាក់លាក់នៅឡើយ ដើម្បីទៅទស្សនកិច្ចនៅប្រទេសថៃ នោះ។

ទីប្រឹក្សាផ្ទាល់របស់ប្រធានសភាជាតិកម្ពុជា លោក ហេង សំរិន គឺលោក គាំម កុសល្យ បានមានប្រសាសន៍ប្រាប់អ្នកកាសែត ក្រោយពីជំនួបជាង ៣០នាទីនោះថា ភាគីថៃ មានបំណងចង់ពង្រឹងកិច្ចសហប្រតិបត្តិការជាមួយសភាកម្ពុជា ឲ្យបានជិតស្និទ្ធជាងមុន៖ «ហើយក៏បានជម្រាបជូនសម្ដេចផងដែរ (សម្ដេច ហេង សំរិន) ថា លោកក៏មានគោលបំណងធ្វើយ៉ាងណា ដើម្បីឲ្យកិច្ចសហប្រតិបត្តិការរវាងថៃ និងកម្ពុជា ឲ្យកម្ពុជាទៅមកដូចជាបងប្អូនជាមួយគ្នា ប្រជាជន ក៏ដូចជាថ្នាក់ដឹកនាំរដ្ឋាភិបាល»។

ទាក់ទងនឹងទំនាក់ទំនងរវាងកម្ពុជា និងថៃ នេះ សមាជិកព្រឹទ្ធសភាថៃ លោក ផៃយ៉ាប់ ថងជឿន និងជាប្រធានក្រុមមិត្តភាពសភាកម្ពុជា និងថៃ បានមានប្រសាសន៍ជាភាសាខ្មែរថា លោករីករាយមកទស្សនកិច្ចនៅកម្ពុជានេះ ដើម្បីស្វែងយល់ស្ថានការណ៍នៅប្រទេសកម្ពុជា៖ «ចង់មកសិក្សា មកមើលរាជការ។ រដ្ឋសភាកម្ពុជា ល្អណាស់ ធំណាស់ សប្បាយចិត្ត បានមកនេះ ស្ថានភាពមិត្តភាព ចង់បងប្អូនស្រឡាញ់គ្នាតទៅ។ ខ្ញុំគិតថា បីឆ្នាំតទៅនេះ បង្កើតអាស៊ានហើយ (នៅឆ្នាំ២០១៥) បងប្អូនថៃ កម្ពុជា ទៅមកៗបាន ស្រឡាញ់គ្នា កុំឲ្យបៀតបៀនគ្នា»។

លោក ផៃយ៉ាប់ ថងជឿន គឺជាសមាជិកព្រឹទ្ធសភាថៃ នៅមណ្ឌលខេត្តស្រះកែវ (Sakeo) ប្រទេសថៃ ជាប់ព្រំដែនកម្ពុជា-ថៃ។ លោកគ្រោងទៅទស្សនាប្រាសាទអង្គរវត្តខ្មែរ នៅក្នុងអំឡុងទស្សនកិច្ចនេះដែរ។

អ្នកវិភាគឯករាជ្យ លោកបណ្ឌិត សុខ ទូច បានមានប្រសាសន៍ប្រតិកម្មថា ការពង្រឹងចំណងមិត្តភាពនេះ នៅគ្រាដែលបញ្ហាព្រំដែនមិនទាន់បានដោះស្រាយនៅឡើយ៖ «ការបន្តបាញ់ប្រជាជនកម្ពុជា នៅតែដដែល ដែលធ្វើឲ្យប្រជាជនកម្ពុជា បាត់បង់ជីវិតក្រៅប្រព័ន្ធតុលាការ»។

គេបានកត់សម្គាល់ថា ការពង្រឹងចំណងមិត្តភាពរវាងកម្ពុជា និងថៃ នោះ បានធ្វើឡើងយ៉ាងឆាប់រហ័ស ក្រោយពីប្អូនស្រីរបស់លោក ថាក់ស៊ីន ស៊ីណាវ៉ាត់ (Thaksin Sinawatra) គឺអ្នកស្រី យ៉ីង ឡាក់ ស៊ីណាវ៉ាត់ (Yingluck Sinawatra) បានឈ្នះឆ្នោតធ្វើជានាយករដ្ឋមន្ត្រីថៃ នៅក្នុងការបោះឆ្នោត កាលពីខែកក្កដា ឆ្នាំ២០១១ កន្លងទៅនេះ។

ក្រៅពីនេះ រដ្ឋាភិបាលកម្ពុជា បានសម្រេចកែសម្រួលកងទ័ពដោយឯកតោភាគីជំហានទី១ ចំនួន ៤៨៥នាក់ នៅតំបន់ប្រាសាទព្រះវិហារ កាលពីថ្ងៃទី១៨ ខែកក្កដា ឆ្នាំ២០១២ កន្លងទៅនេះ តាមដីកាបង្គាប់របស់តុលាការយុត្តិធម៌អន្តរជាតិ អាយ.ស៊ី.ជេ ( ICJ ) ដើម្បីសម្រួលដល់ស្ថានការណ៍តានតឹងនៅតាមព្រំដែនកម្ពុជា-ថៃ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។

អត្ថបទដែលទាក់ទង

មតិ (3)

ចុចត្រង់នេះដើម្បីបន្ថែមយោបល់របស់អ្នក

អ្នកអានអនាមិក

Don't forget the history of Longvek Mr. PM President and a recently Preah Vihear.

Oct 02, 2012 06:01 PM

អ្នកអានអនាមិក

KHMERS SHOULD CLEARLY KNOW SIAMS AND YOUNS, AND HOW MUCH LAND WE HAVE LOST TO BOTH THEIVES

Sep 28, 2012 11:08 PM

botkhmersot

ពី Fresno, Cali

I agree to engage a strong and long lasting friendship that is a positive goal but Thai needs to stop killing khmers when they went to thailand legal or illegal. That is a must STOP killing, Many khmers were killed during displace as refugees, I witnessed the cruelty of thai soldiers toward Khmers. I am trying to forget but I couldn't. And now they continue to kill Khmer innocent almost every month I heard from the news. I am sad, mad, and angry and wish to revenge.

Sep 28, 2012 02:04 PM