ពលរដ្ឋខ្មែរបីនាក់ដែលរងការបាញ់រះពីទាហានថៃជៀសផុតពីការស្លាប់
h092212hs.mp3
ការបាញ់រះនោះ បណ្ដាលឱ្យទាហានខ្មែរ ២នាក់ស្លាប់ និងប្រជាពលរដ្ឋ ៣នាក់ទៀត ដែលរួមដំណើរបានបាត់ខ្លួនជាច្រើនថ្ងៃ។
ប្រភពពីក្រុមគ្រូពេទ្យនៅជាប់តំបន់ព្រំដែនកម្ពុជា-ថៃ នៃខេត្តឧត្តរមានជ័យ បានឱ្យដឹងថា ប្រជាពលរដ្ឋខ្មែរ ៣នាក់ ដែលបាត់ខ្លួនក្នុងទឹកដីថៃ ៣ថ្ងៃមកហើយ បានជៀសផុតពីការស្លាប់ បន្ទាប់ពីពួកគេ បានទទួលរងការបាញ់រះពីកងទាហានការពារព្រំដែនថៃ នៃខេត្តសុរិន្ទ ក្នុងពេលលួចឆ្លងព្រំដែន ទៅរកកាប់ឈើខុសច្បាប់នោះ។
គ្រូពេទ្យប្រចាំមណ្ឌលសុខភាព សង្កាត់សំបួរ ក្រុងសំរោង មួយរូប ដែលសុំមិនបញ្ចេញឈ្មោះ បានមានប្រសាសន៍កាលពីរសៀលថ្ងៃសៅរ៍ ទី២២ ខែកញ្ញា ថា ក្រុមប្រជាពលរដ្ឋចំនួន ៣នាក់ ដែលបាត់ខ្លួននោះ បានវិលត្រឡប់មកដល់លំនៅឋានវិញអស់ហើយ។ ក៏ប៉ុន្តែ ពួកគេទាំង ៣នាក់ បានរងរបួសនៅលើរាងកាយ ដោយសារគ្រាប់មីន នៅពេលដែលព្យាយាមរត់គេចចេញពីការបាញ់រះ របស់កងទាហានថៃ៖ «របួសគ្នា ៣នាក់ អាចលូនគេចផុតពីមីនប្រភេទ DH គ្រាប់កង់។ ត្រូវជើងទាំងអស់ ប៉ុន្តែ អត់ទាន់មានយកគ្រាប់ចេញទេ។ ឥឡូវ កំពុងយកទៅមន្ទីរពេទ្យបង្អែកខេត្ត (ឧត្តរមានជ័យ)។ ត្រូវគ្រាប់មីន។ ប្រជាពលរដ្ឋទាំងនោះ មានទីលំនៅភូមិអូរបាត់ដាវ ក្នុងសង្កាត់បន្សាយរក្ស ក្រុងសំរោង»។
ប្រភពច្បាស់ការ បានអះអាងថា កាលពីថ្ងៃទី១៩ ខែកញ្ញា កន្លងទៅ មានក្រុមប្រជាពលរដ្ឋ និងទាហានខ្មែរចំនួន ៦នាក់ បាននាំគ្នាលួចឆ្លងដែនចូលទៅកាប់ឈើខុសច្បាប់ ក្នុងទឹកដីថៃ នៅម្តុំចំណុចអូរទឹកចោល ជិតបង្គោលឡាក់ព្រំដែនលេខ២១ ក្នុងភូមិសាស្ត្រជិតប្រាសាទខ្នា។ បន្ទាប់មក កងទាហានដែលការពារព្រំដែនថៃ ខេត្តសុរិន្ទ បានបាញ់រះទៅលើក្រុមអ្នកឆ្លងដែនខុសច្បាប់ទាំងនោះ បណ្ដាលឱ្យទាហានខ្មែរចំនួន ២នាក់ស្លាប់ និងប្រជាពលរដ្ឋចំនួន ៣នាក់បាត់ខ្លួន។
មន្ត្រីក្រុមការងារទំនាក់ទំនងព្រំដែនកម្ពុជា-ថៃ ប្រចាំច្រកអូរស្មាច់ បានឱ្យដឹងថា កាលពីរាត្រីថ្ងៃទី២០ ខែកញ្ញា កន្លងទៅ ទាហានថៃ នៃខេត្តសុរិន្ទ បានដឹកសាកសពទាហានខ្មែរទាំងពីរនាក់ មកប្រគល់ឱ្យអាជ្ញាធរខ្មែរវិញ។ ទាហានទាំង ២នាក់នោះ ម្នាក់ឈ្មោះ ចាប ជឹម អាយុ ២១ឆ្នាំ និងម្នាក់ទៀតឈ្មោះ ណន ធា អាយុ ២៩ឆ្នាំ។ អ្នកទាំងពីរ ជាទាហាននៃតំបន់ប្រតិបត្តិការសឹករងក្រុងសំរោង ចំណុះឱ្យអង្គភាព គ៨។
លោក ថុន ណុល ជាអភិបាលក្រុងសំរោង មិនបានធ្វើការអធិប្បាយយ៉ាងណាទេ ចំពោះបញ្ហានេះ ដោយលោកជំរុញឱ្យសួរទៅមេបញ្ជាការអង្គភាព នៃកងយោធានោះ។ ចំណែក លោក ហ៊ាន សុខ ជាមេបញ្ជាការអង្គភាព គ៨ បានមានប្រសាសន៍ថា លោកពុំបានដឹងច្បាស់ឡើយ ជុំវិញបញ្ហានោះ ដោយសារតែលោកបានចាកចេញពីអង្គភាពទៅរៀនជំនាញផ្នែកយោធាជាច្រើនថ្ងៃមកហើយ៖ «ខ្ញុំអត់ច្បាស់ទេបង។ ខ្ញុំអត់នៅ ខ្ញុំមករៀននៅឯសៀមរាប ប៉ុន្មានថ្ងៃទៅហើយ វាអត់ច្បាស់អាកន្លែងហ្នឹង ទាល់តែសួរទៅកន្លែងផ្សេងៗ»។
កាលពីចុងខែកុម្ភៈ កន្លងទៅ ទាហានថៃ នៃស្រុកភ្នំដងរែក ខេត្តសុរិន្ទ បានបាញ់សម្លាប់ប្រជាពលរដ្ឋខ្មែរ ៣នាក់ ដែលជាអ្នកភូមិត្រពាំងទូង សង្កាត់កូនក្រៀល ក្រុងសំរោង ខេត្តឧត្តរមានជ័យ ដែរ នៅពេលដែលក្រុមអ្នកភូមិមានគ្នាចំនួន ១៧នាក់ នាំគ្នាឡើងភ្នំលួចឆ្លងដែនទៅកាប់ឈើគ្រញូង ក្នុងទឹកដីថៃ នៅម្ដុំប្រាសាទខ្នារ ជិតតំបន់ព្រំដែន នៃប្រាសាទតាមាន់ធំ ក្នុងស្រុកបន្ទាយអំពិល ដែរនោះ។
កាលពីពាក់កណ្ដាលខែកញ្ញា ក្រុមសកម្មជនការពារសិទ្ធិមនុស្ស ធ្លាប់បានជំរុញឲ្យរដ្ឋាភិបាលកម្ពុជា ខិតខំប្រឹងប្រែងបន្ថែមទៀត នៅលើឆាកអន្តរជាតិ ដើម្បីជំរុញឲ្យបញ្ឈប់ការសម្លាប់ពលរដ្ឋខ្មែរក្រៅច្បាប់ ពីក្រុមយោធាថៃ ដែលការពារនៅតាមជាយដែនថៃ-កម្ពុជា នោះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
បូរិន
ពី អន្លង់វែងសូមអោយលោកមេបញ្ជាការអង្គភាពកុំនិយាយថាមិនដឹងព្រោះកំហុសទាំងនេះជាកំហុសរបស់លោកទាំងអស់ ខុសក៏នៅលើលោក ត្រូវក៏នៅលើលោក នេះជាកាតព្វកិច្ចរបស់លោកទាំងស្រុង នេះជាកាតព្វកិច្ចរបស់លោកផ្ទាល់ ពាក្យលោកដែលថាមិនច្បាស់ សូមលោកធ្វើការជាថ្មី កុំនិយាយថាមិនដឹង។
Sep 27, 2012 12:53 AM
Lee Theang chek
ពី Phnom Penhកាលពីខ្ញុំនៅរៀនស្រុកសៀមៗធ្លាប់ធ្វើចំពោះជនជាតិភូមិដូច្នោះដែរ។ គ្រានោះដោយមានការសងសឹក ពីទាហានភូមិមាៗ បានចាំស្ទាក់ចាប់ទាហានឈុតខ្មៅចំនួន១០នាក់ រួចកាត់ក្បាលទាហារឈុតខ្មៅ(ថាក់ហានប្រាន)នោះយកដោតនឹងបំពង់ឬស្សីនៅតាមព្រំដែន។ ចាប់តាំងពីនៅមកទាហានសៀមឈប់បាញ់ពលរដ្ឋភូមិមាទៀតទៅ។ នៅជំនាន់ខ្មែរក្រហម នៅតាមព្រំដែនក៏ដូច្នេះដែរ ពួកទាហានសៀមមិនហានធ្វើអ្វីដល់ពួកខ្មែរក្រហមទេ សូម្បីតែទាហានកូនក្មេងស្ពាយកាំភ្លើងអូសដីក៏វាហៅ ហួណា (លោកប្រធាន/ចៅហ្វាយនាយ)ដែរ។ ពួកទាហានសៀមវាខ្លាចណាស់ បើសិននរណាជាឃៅឃៅដាក់វាមុន!!!
Sep 23, 2012 11:26 PM
CheyVorman007
ពី AngKor Watខ្មុំឆ្ងល់ថាម៉េចបានសៀមវារាយគ្នាចាំយាមត្បាតគ្មានចន្លោះ
ត្រង់ណាបាន?ចុះស្មែរយើនម៉េចមិនមានទាហានយាមដូច
គេចាំហាមឃាត់ពលរដ្ឆខ្លួន?មកពីខ្វះទាហាន?មកពីដីស្មែរ
ធំពេក?តាមជាយដែនសៀមគេចាក់ថ្នល់កៅស៊ូភ្លឹងៗ ឯង
មើលមិនយល់។អោយតែភ្លេចខ្លួន អាសៀមចាក់ចូលមក
ទៀត។នយោបាយសៀមមិនអោយខ្មែរសិ្នទស្នាលនឹងខ្មែរ
សុរិនងាយៗទេ។
Sep 22, 2012 10:25 AM
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
