ពលរដ្ឋខ្មែររបួសម្នាក់និងបាត់ខ្លួនម្នាក់ក្នុងករណីទាហានថៃបាញ់ប្រហារ
h083112mn.mp3
ជនរងគ្រោះទាំងពីរនាក់ ត្រូវបានភាគីថៃ បាញ់ប្រហារខណៈដែលប្រជាពលរដ្ឋខ្មែរមានគ្នា១៩នាក់ បានឆ្លងដែនចូលស៊ីឈ្នួលអូសឈើ នៅក្នុងទឹកថៃ ត្រង់ចំណុចបង្គោលព្រំដែនលេខ២៨ ស្ថិតនៅភូមិប្រាសាទត្បែង ឃុំបន្ទាយឆ្មារ ស្រុកថ្មពួក ខេត្តបន្ទាយមានជ័យ។
លោក ហីរ នុល អាយុ៣០ឆ្នាំ រស់នៅភូមិប្រាសាទត្បែង ឃុំបន្ទាយឆ្មារ ស្រុកថ្មពួក ខេត្តបន្ទាយមានជ័យ បានថ្លែងកាលពីថ្ងៃសុក្រ ទី៣១ ខែសីហា ថា ហេតុការណ៍បាញ់ប្រហារនេះ បានកើតឡើងកាលពីវេលាម៉ោង១២:៣០នាទី យប់ថ្ងៃទី២៨ ខែសីហា ឆ្នាំ២០១២។ លោកបន្តថា ពួកគាត់មានគ្នា១៩នាក់ បានចូលទៅស៊ីឈ្នួលអូសឈើគ្រញូងឲ្យគេ។ ប៉ុន្តែ នៅពេលកំពុងអូសឈើចុះពីលើខ្នងភ្នំដងរែក នៅចំណុចក្បែរបង្គោលព្រំដែនខ្មែរ-ថៃ លេខ២៨ នោះ ស្រាប់តែមានសូរកាំភ្លើងផ្ទុះឡើង។
ពួកគាត់មើលពុំឃើញអ្នកបាញ់ប្រហារទេ ប៉ុន្តែសន្និដ្ឋានថា គឺសមត្ថកិច្ចថៃ៖ «ខ្ញុំចុះមកក្រោមផុតទៅ អ្នកនៅលើភ្នំនៅប្រហែល៥ទៅ៦នាក់ នៅជុំប្អូនមួយដែលថាបាត់ខ្លួន វាមិនដឹងថាមានមូលហេតុអី បានជាបាញ់មនុស្សរបួសម្នាក់បាត់ខ្លួនម្នាក់។ បាញ់ប្រហែល៤ទៅ៥គ្រាប់ទេ ក្រោយមកមានការបាញ់រះចំៗតែម្ដង។ ពួកខ្ញុំនាំគ្នារត់រៀងខ្លួន ធ្វើម៉េចឲ្យបានរួចខ្លួន ចូលដុបចូលព្រៃ ធ្វើម៉េចឲ្យតែបានគេចផុត»។
អ្នកភូមិប្រាសាទត្បែង ឈ្មោះ សុរិយា បានថ្លែងថា ប្រជាពលរដ្ឋខ្មែរឈ្មោះ វ៉ុន វន អាយុ៤៥ឆ្នាំ បាត់ខ្លួនតាំងពីថ្ងៃកើតហេតុបាញ់ប្រហារ រហូតមកដល់ពេលនេះនៅពុំទាន់រកឃើញទេ។ ចំណែកឯអ្នករបួសម្នាក់ឈ្មោះ ឡេង ត្រូវបានគេបញ្ជូនយកទៅសង្គ្រោះនៅមន្ទីរពេទ្យមិត្តភាពកម្ពុជា-ជប៉ុន ស្រុកមង្គលបុរី។ អ្នកភូមិ១៧នាក់ផ្សេងទៀត បានវិលត្រឡប់ចូលក្នុងទឹកដីខ្មែរវិញ។ លោកបន្តថា លំហូរប្រជាពលរដ្ឋខ្មែរនាំគ្នាចូលទៅកាប់ឈើនៅក្នុងទឹកដីថៃ នៅតំបន់នោះនៅតែកើតមានបន្ត៖ «មកពីខាងឧត្តរមានជ័យ នៅអូស្មាច់ ក៏មានមកដែរ ខាងសៀមរាប ក៏មានមកដែរ។ អ្នកអត់ការងារធ្វើចូលទៅក្នុងដីថៃ ចូលកាប់ផង ស៊ីឈ្នួលគេផង មួយថ្ងៃជួនកាលមាន២០០នាក់ ប៉ុន្តែក្រោយពីមានការតឹងតែងមករាងស្រាក់មនុស្សនៅសល់មួយក្រុមពីរក្រុមតូច នៅចុងក្រោយដែលទៅ»។
មន្ត្រីនាំពាក្យសាលាខេត្តបន្ទាយមានជ័យ លោក អ៊ុក កែវរនតៈ បានមានប្រសាសន៍ថា អាជ្ញាធរខេត្តកំពុងចាត់វិធានការស្រាវជ្រាវរកមន្ត្រីខ្មែរពាក់ព័ន្ធ ដែលការពារនៅទីនោះ បើកច្រកឲ្យប្រជាពលរដ្ឋខ្មែរឆ្លងចូលទៅក្នុងទឹកដីថៃ៖ «បើកច្រកចេញចូលរបៀបហ្នឹង វាជាការឃុបឃិតគ្នា វាតឹងទ្រូងណាស់សម្រាប់សមត្ថកិច្ចក្នុងខេត្ត ដែលខំប្រឹងទប់ស្កាត់អំពើហ្នឹង ក៏ប៉ុន្តែ ពួកបុគ្គលវាធ្វើអំពើផ្ដេសផ្ដាស ដើម្បីផលប្រយោជន៍ពួកវាហ្នឹង ហើយធ្វើអំពើបំពានច្បាប់។ ខេត្តកំពុងមានវិធានការស្រាវជ្រាវរកឃើញ ដក បកសក្ដិចាប់ដាក់គុកថែមទៀត។ អាមេបញ្ជាការណាក៏ដោយ ពាក់ព័ន្ធឈរជើងនៅទីតាំងហ្នឹង បើមិនធ្វើក្តៅទេ វាអត់បានទេ»។
ប្រធានសម្របសម្រួលសមាគមអាដហុក (Adhoc) ប្រចាំខេត្តបន្ទាយមានជ័យ លោក ស៊ុំ ច័ន្ទគា បានថ្លែងថា សមាគមអាដហុក សុំថ្កោលទោសអាជ្ញាធរថៃ ក្នុងការប្រើអំពើហិង្សាបាញ់សម្លាប់ប្រជាពលរដ្ឋខ្មែរនេះ។ ទោះបីប្រជាពលរដ្ឋខ្មែរមានទោសកំហុសយ៉ាងណាក៏ដោយ ភាគីថៃគួរចាត់វិធានការទៅតាមនីតិវិធីច្បាប់៖ «កន្លងមក ដែលយើងបានកត់ចំណាំឃើញថា ថៃនៅតែបន្តបាញ់សម្លាប់ប្រជាពលរដ្ឋខ្មែរ។ សូម្បីតែប្រមុខរដ្ឋាភិបាលខ្មែរ និងអាជ្ញាធរខេត្ត បានធ្វើការទំនាក់ទំនងទាំងពាណិជ្ជកម្ម ទាំងការអំពាវនាវ សុំឲ្យឈប់ការបាញ់ ហើយសុំឲ្យអនុវត្តទៅតាមនីតិវិធីច្បាប់ ប៉ុន្តែថៃ ហាក់បីដូចជាបញ្ឈឺដល់រាជរដ្ឋាភិបាលខ្មែរ ខ្លួនឯងដំឡើងសាច់ដុំមើលងាយជីវិតប្រជាពលរដ្ឋខ្មែរ ដូចសំរាម»។
បន្ថែមលើនេះ សមាគមអាដហុក សុំឲ្យអាជ្ញាធរខ្មែរត្រូវពង្រឹងការទប់ស្កាត់លំហូរប្រជាពលរដ្ឋខ្មែរចូលដីថៃខុសច្បាប់ ហើយជៀសវាងការឃុបឃិតគ្នាបើកច្រកឲ្យប្រជាពលរដ្ឋខ្មែរចូលទៅកាប់ឈើ ឬក៏ទៅស៊ីឈ្នួលកាប់ឈើនៅក្នុងដីថៃទៀត។ កន្លងមក ប្រជាពលរដ្ឋខ្មែរចូលទៅកាប់ឈើនៅក្នុងទឹកដីថៃ ត្រូវបានថៃបាញ់សម្លាប់អស់ជាច្រើននាក់ ប៉ុន្តែពុំមានការប្ដឹងភាគីថៃ ឲ្យទទួលទោសតាមច្បាប់នោះទេ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
KHMER
ពី BOTHELL,WASHINGTON USADoes Khmer government care about Khmer people?
Sep 02, 2012 01:50 AM
អាគួយសំរែ
ពី កាលោមប៊ុសភាពខុសគ្នារវៀងសៀមនិងខ្មែរគឺ៖
ពួសៀមវាទុកព្រៃឈើសំខាន់ជាងជីវិតមនុស្ស ចំណែកខ្មែរ
បាញ់និងចាប់ឃាត់ខ្លួនសកម្មជនការពារព្រៃយកទៅដាក់គុក
ដើម្បីនាំគ្នាលួចកាប់ឈើលក់ធឺអ្នកមានខ្លួនឯង។
សុំដាក់បណ្ដាសារឱ្យពួកអ្នកឯងកាន់តាមាន!អឺស!សាធុ
Sep 01, 2012 09:56 PM
កូនខ្មែររហូត
ពី ូសហរដ្ឋខ្ញុំមិនទម្លាក់កំហុសលើប្រជាពលរដ្ឋទេ ដោយសារតែលោក
ក្រ ដើម្បីក្រពះគឺលោកហ៊ានប្រឈមនឹងការគ្រោះថ្នាក់បែប
នេះ តែខ្ញុំសុំថ្កោលទោសប្រមុខដឹកនាំទាំងសងខាង ព្រោះ
ហ៊ុន សែនគ្មានសមត្ថភាពបង្កើតឬបង្កើនការងារជូនពល
រដ្ឋទើបគាត់នាំគ្នាចូលព្រៃដូច្នេះ ចំនែកយីងឡាក់ គឺគ្មានការ
ទទួលខុសត្រូវទាំងការដឹកនាំលើទាហ៊ានខ្លួន និងការទូត
ភាគីខែ្មរបានសំណូមពរជាច្រើនលើកច្រើនសារអំពីបញ្ហា
នេះ តែហាក់គ្មានសមត្ថភាពទេ។។។។។
Sep 01, 2012 12:30 PM
អ្នកអានអនាមិក
The ways Thai treat us is not human,but Khmer people need to stop crossing into Thailand.I know they need to support family,but if they are shot dead, their family will be in more troubles.Thai don't want illegal foreigner in their land like we don't want illegal Vietnamese in our land.Thai don't want their country to be like Cambodia,which is full of Vietnamese.
Sep 01, 2012 10:06 AM
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
