មេដឹកនាំប្រទេសជាប់ព្រំដែនកម្ពុជាចូលរួមគោរពព្រះវិញ្ញាណក្ខន្ធព្រះមហាវីរក្សត្រ
h101912in.mp3
នាយករដ្ឋមន្ត្រីនៃបណ្ដាប្រទេសជាប់ព្រំដែនកម្ពុជា ចូលរួមគោរពវិញ្ញាណក្ខន្ធព្រះករុណា ព្រះមហាវីរក្សត្រ សម្ដេចព្រះ នរោត្ដម សីហនុ។
នាយករដ្ឋមន្ត្រីនៃសាធារណរដ្ឋប្រជាមានិត ប្រជាធិបតេយ្យឡាវ លោក ថងស៊ីង ថាំម៉ាវង់ (Thongsing Thammavong) នាយករដ្ឋមន្ត្រីនៃសាធារណរដ្ឋសង្គមនិយមវៀតណាម លោក ង្វៀន តាន់យុង (Nguyen Tan Dung) និងនាយករដ្ឋមន្ត្រីនៃព្រះរាជាណាចក្រថៃ លោកស្រី យីងឡាក់ ស៊ីណាវ៉ាត (Yingluck shinawatra) បានដឹកនាំគណៈប្រតិភូជាបន្តបន្ទាប់មកកាន់ព្រះបរមរាជវាំងកម្ពុជា នៅរសៀលថ្ងៃសុក្រ ទី១៩ ខែតុលា ដើម្បីគោរពព្រះវិញ្ញាណក្ខន្ធ និងចូលរួមរំលែកទុក្ខពលរដ្ឋកម្ពុជា ចំពោះការបាត់បង់ព្រះករុណា សម្ដេចព្រះ នរោត្តម សីហនុ។
ឆ្លៀតក្នុងឱកាសនេះដែរ នាយករដ្ឋមន្ត្រីនៃប្រទេសជិតខាងកម្ពុជា បានជួបពិភាក្សាទ្វេភាគីជាមួយលោកនាយករដ្ឋមន្ត្រី ហ៊ុន សែន នៅវិមានសន្តិភាពនៅថ្ងៃដដែលនេះដែរ។
ជំនួយការផ្ទាល់លោកនាយករដ្ឋមន្ត្រី ហ៊ុន សែន គឺលោក អ៊ាង សុផាល្លែត មានប្រសាសន៍ប្រាប់អ្នកយកព័ត៌មាននៅក្រោយជំនួបនិមួយៗនោះថា នាយករដ្ឋមន្ត្រីនៃប្រទេសជិតខាងទាំងបី សោកស្ដាយចំពោះការបាត់បង់វីរក្សត្ររបស់កម្ពុជា។ លោក អ៊ាង សុផល្លែត បន្តថា ដោយឡែក លោកនាយករដ្ឋមន្ត្រី ហ៊ុន សែន និងលោកស្រី យីងឡាក់ ស៊ីណាវ៉ាត ក៏បានពិភាក្សាពីបញ្ហាអ្នកយកព័ត៌មានទូរទស្សន៍ប៉ុស្តិ៍លេខ៣ ថៃ ដែលត្រូវសាធារណជនខ្មែរចោទប្រកាន់ថា បានប្រមាថដល់ព្រះមហាវីរក្សត្រខ្មែរ។
លោក អ៊ាង សុផាល្លែត៖ «លោកជំទាវក៏បានគោរពជូនសម្ដេច នូវសាររំលែកទុក្ខរបស់រាជរដ្ឋាភិបាលថៃ ហើយក៏គោរពជម្រាបជូនសម្ដេចអគ្គមហាសេនាបតីតេជោ ហ៊ុន សែន នូវការសោកស្ដាយយ៉ាងសង្រេង ចំពោះការបាត់បង់ព្រះបិតាជាតិរបស់កម្ពុជា។ សម្ដេចអគ្គសេនាបតីតេជោ ហ៊ុន សែន ក៏បានថ្លែងអំណរគុណចំពោះលោកជំទាវ យីងឡាក់ ស៊ីណាវ៉ាត ដែលបានទូរស័ព្ទមកលោកនាយករដ្ឋមន្ត្រី ដើម្បីបំភ្លឺពាក់ព័ន្ធនឹងបញ្ហារបស់អ្នកយកព័ត៌មានប៉ុស្តិ៍លេខ៣ ថៃ»។
អតីតទីប្រឹក្សាអមព្រះរាជខុទ្ទកាល័យ ព្រះមហាក្សត្រ ព្រះអង្គម្ចាស់ ស៊ីសុវត្ថិ ធម្មិកោ មានប្រសាសន៍ថា ការចូលរួមគោរពវិញ្ញាណក្ខន្ធព្រះករុណា ព្រះមហាវីរក្សត្រ គឺជាប្រការធម្មតាសម្រាប់ទំនាក់ទំនងការទូត នៅពេលដែលមេដឹកនាំសំខាន់នៃប្រទេសជាមិត្តណាមួយ ត្រូវបាត់បង់ជីវិត៖ «ពេលមានប្រមុខរដ្ឋនៃរដ្ឋ នៃប្រទេសនីមួយៗអនិច្ចកម្មហ្នឹង ជាទម្លាប់ ជាប្រពៃណី នៅក្នុងទំនាក់ទំនងអន្តរជាតិ។ ហើយមានថ្នាក់ដឹកនាំប្រទេសនិមួយៗគេមកគោរពសព ឬមួយ គោរពវិញ្ញាណក្ខន្ធ។ ដូច្នេះ បើនិយាយអំពីការទូត អត់មានអីភ្ញាក់ផ្អើលទេ»។
ទាក់ទិននឹងការចូលរួមគោរពព្រះវិញ្ញាណក្ខន្ធ សម្ដេចព្រះ នរោត្ដម សីហនុ ពីសំណាក់អ្នកដឹកនាំប្រទេសនេះ តាមគម្រោងនាយករដ្ឋមន្ត្រីសិង្ហបុរី នឹងមកកាន់កម្ពុជា នៅថ្ងៃទី២១ ខែតុលា៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
CheyVorman007
ពី AngKor Watបើតាមស្មាន ក្នុងលិខិតលោកសមរង្ស៊ីមានតែពាក្យសុំចូលខ្លួន
ក្នុងរឿងសពសម្តេចតាតែមិនមានពាក្យសុំចូលខ្លួនមកអោនក្បាលជាចំណុះទើបគេសោះអង្គើយនឹងសំណើរលោក។សុំអោយ
លោកសមរង្ស៊ីតស៊ូរដើម្បីប្រទេសជាតិដោយចិត្តស្មោះត្រង់លុះ
ថ្ងៃអវសាន្តនៃជីវិតនៅស្រុកគេដូចសម្តេចតាធើ្វជាគំរូ.....
Oct 20, 2012 09:27 PM
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
