កម្ពុជា-វៀតណាម៖ ពាណិជ្ជកម្មទ្វេភាគីអាចនឹងកើនដល់៣ពាន់លានដុល្លារ
h082412in.mp3
កម្ពុជា និងវៀតណាម បានរំពឹងទុកថា ពាណិជ្ជកម្មទ្វេភាគីរវាងប្រទេសទាំងពីរ អាចនឹងកើនដល់៣ពាន់លានដុល្លារ នៅក្នុងឆ្នាំ២០១២។
រដ្ឋលេខាធិការក្រសួងពាណិជ្ជកម្ម លោក ម៉ៅ ថូរ៉ា ថ្លែងនៅក្នុងពិធីសម្ពោធពិព័រណ៍ពាណិជ្ជកម្មទំនិញគុណភាពខ្ពស់របស់វៀតណាម ឆ្នាំ២០១២ នេះថា ក្នុងរយៈពេល៧ខែដើមឆ្នាំ២០១២ នេះ តួលេខពាណិជ្ជកម្មរវាងកម្ពុជា និងវៀតណាម មានទឹកប្រាក់ប្រហែល១.៩៦០លានដុល្លារ ក្នុងនោះទំនិញនាំចូលពីវៀតណាម មកកម្ពុជា មានតម្លៃប្រហែល១.៦៣១លាន ហើយទំនិញនាំចេញពីកម្ពុជា ទៅវៀតណាម មានទឹកប្រាក់ប្រហែល៣២៩លានដុល្លារ។ លោក ថូរ៉ា បន្តថា តួលេខទាំងនេះជាភស្តុតាង នៃការរីកចម្រើនជាវិជ្ជមានខាងវិស័យពាណិជ្ជកម្មរវាងកម្ពុជា និងវៀតណាម។
អ្នកស្រី វូ គឹមហាញ នាយិកាសមាគមអង្គភាពអាជីវកម្មទំនិញគុណភាពខ្ពស់វៀតណាម មានប្រសាសន៍ថា ការរំពឹងចំពោះការកើនឡើងនៃពាណិជ្ជកម្មរវាងប្រទេសទាំងពីរនេះ គឺបន្ទាប់ពីបានមើលឃើញពីតួលេខនៃពាណិជ្ជកម្មក្នុងឆ្នាំ២០១១ ដែលមានទំហំទឹកប្រាក់២.៨០០លានដុល្លារអាមេរិក៖ «មកដល់ចុងឆ្នាំ២០១១ គឺមានជាង៦០សហគ្រាសវៀតណាម ដែលមកវិនិយោគនៅកម្ពុជា សរុបទឹកប្រាក់វិនិយោគមានចំនួនជាង១ម៉ឺនកោដិដុល្លារ។ ធ្វើអោយវៀតណាម ស្ថិតលំដាប់ទី៦ ក្នុងចំណោម១០ប្រទេស ដែលដាក់ទុនវិនិយោគមកកម្ពុជា។ ទន្ទឹមនឹងនេះ ផលិតផលវៀតណាម ក៏តែងបង្កើនការប្រកួតប្រជែង ក្នុងនោះមានទាំងការធានានូវគុណភាព បច្ចេកទេស និងតម្លៃសមរម្យ»។
ក្នុងការតាំងពិព័រណ៍ទំនិញវៀតណាម គុណភាពខ្ពស់នៅឆ្នាំ២០១២ ដែលចាប់ផ្ដើមធ្វើពីថ្ងៃទី២៣ ដល់ថ្ងៃទី២៧ ខែសីហា ឆ្នាំ២០១២ នៅមជ្ឈមណ្ឌលម៉ុងឌីយ៉ាល់ រាជធានីភ្នំពេញ គឺមានការតាំងលក់ផលិតផលពីប្រទេសវៀតណាម ជាង២ពាន់ប្រភេទ។
អ្នកស្រាវជ្រាវសេដ្ឋកិច្ច នៃសមាគមសេដ្ឋកិច្ចកម្ពុជា លោក ហេង ឌីណា មានប្រសាសន៍ថា ទំនិញដែលមកពីប្រទេសវៀតណាម គឺជួយសម្រួលទៅដល់ពលរដ្ឋកម្ពុជា ដែលពុំមានលទ្ធភាពទៅប្រើប្រាស់ទំនិញពីប្រទេសដទៃ ដែលមានតម្លៃខ្ពស់។ ប៉ុន្តែការនាំចូលទំនិញពីក្រៅប្រទេសច្រើនលើសលប់ពេក នឹងធ្វើអោយប៉ះពាល់ទៅដល់សហគ្រាសផលិតក្នុងស្រុក។ លោក ឌីណា បន្តថា ការនាំចេញពីកម្ពុជាទៅវៀតណាម ភាគច្រើនជាវត្ថុធាតុដើម ដែលធ្វើអោយបាត់បង់ឱកាសនៃការបង្កើនការផលិតក្នុងស្រុក៖ «យើងមានវត្ថុធាតុដើម។ ឧបមាថា គ្រាប់ស្វាយចន្ទី ដែលនៅខាងអឺរ៉ុប ឬអាមេរិក ដែលគេត្រូវការជាចាំបាច់ និងជាប្រចាំក្នុងជីវភាពប្រចាំថ្ងៃ យើងមានគ្រាប់ស្វាយចន្ទី យើងអាចកែច្នៃ ហើយនាំចេញបាន ហើយគ្រាប់ចន្ទីយើងអាចល្អជាងវៀតណាម អីចឹងទៅ។ ហើយយើងត្រូវការសមត្ថភាពផលិតក្នុងស្រុក និងទីផ្សារខាងក្រៅ ក៏ដូចជាបណ្ដាញជំនួញនៅខាងក្រៅដែលយើងអាចនាំចេញបាន»។
បើទោះជាយ៉ាងណា អ្នកស្រាវជ្រាវសេដ្ឋកិច្ចក៏គាំទ្រចំពោះគម្រោងការណ៍ជំរុញការកើនឡើងនូវវិស័យពាណិជ្ជកម្ម នៃប្រទេសទាំង២ កម្ពុជា និងវៀតណាម នៅពេលដែលកម្ពុជា ក៏ជាសមាជិកអាស៊ាន ដែលត្រូវចាប់យកឱកាសពីការធ្វើសមាហរណកម្មអាស៊ាន ក្នុងឆ្នាំ២០១៥៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
Canal
ពី ParisIs it thrue that investment from 60 Vietnam companies is 10 000 billions dolards ?
Aug 27, 2012 02:08 AM
Batbang
ពី BattambangHow does Hun Sen modernize Cambodia Economy? Is there a trading balance between Khmer and Youn? Hun Sen should have encouraged Khmer to produce domestic products for more exportations because it can help build a very strong economy in Cambodia. Khmers have more jobs to do. Government get more incomes. New investors see the business opportunity and start to invest in Cambodia. However, if Sen focuses on importations from Youn, it means that he is a poor leader, who is not aware of trading. Therefore, he should go to school or learn from his boss-YOun .
Aug 26, 2012 01:12 AM
Vuth Lee
ពី Lowell, Massachusetts,U.S.ACambodia has a trade deficit(a situation in which Cambodia buys more from VN than Cambodia sells to VN) of $1,641 billions with Youn(Vietnam)during 7 months period from the beginning of the year 2012. On the other hand, VN has a trade surplus(a situation in which VN sells more to Cambodia than it buys from Cambodia) of $1,641. This is a big gap of doing business with VN. Cambodia's government shouldn't be proud of during this 7 months period tradding with VN.
Aug 25, 2012 09:12 PM
Kone Khmer
ពី PPHun Sen not only import merchandises
from Vietnam but he import Vietnamese and
allow them vote for him too.
Aug 25, 2012 02:31 PM
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
