សហរដ្ឋអាមេរិកអំពាវនាវឲ្យកម្ពុជាដោះលែងលោក ម៉ម សូណង់ដូ

មន្ត្រីជាន់ខ្ពស់ក្រសួងការបរទេសសហរដ្ឋអាមេរិក បានចេញសេចក្ដីថ្លែងការណ៍មួយ នៅថ្ងៃទី២ តុលា ដោយអំពាវនាវឲ្យរដ្ឋាភិបាលកម្ពុជា ដោះលែងលោក ម៉ម សូណង់ដូ ជាបន្ទាន់។

ដោយ ទីន ហ្សាការីយ៉ា
2012-10-02

ការអំពាវនាវនេះ គឺដើម្បីបញ្ជាក់ឲ្យឃើញថា ប្រព័ន្ធតុលាការនៅប្រទេសកម្ពុជា មិនស្ថិតនៅក្រោមឥទ្ធិពលនយោបាយ និងដើម្បីបញ្ជាក់សាជាថ្មីនូវការប្ដេជ្ញាចិត្តរបស់ខ្លួន ក្នុងការធានាសិទ្ធិមនុស្សជាមូលដ្ឋាន សម្រាប់ពលរដ្ឋរបស់ខ្លួន។

អ្នកស្រី វិចទូរីយ៉ា នួលេន (Victoria Nuland) អ្នកនាំពាក្យក្រសួងការបរទេសសហរដ្ឋអាមេរិក មានប្រសាសន៍នៅក្នុងសេចក្ដីថ្លែងការណ៍នោះ ដោយលើកពីក្ដីកង្វល់យ៉ាងខ្លាំង ចំពោះការកាត់ទោសលោក ម៉ម សូណង់ដូ ជាម្ចាស់វិទ្យុសំបុកឃ្មុំ ដែលជាវិទ្យុឯករាជ្យនៅកម្ពុជា ឲ្យជាប់ទោសធ្ងន់ធ្ងរ រយៈពេល ២០ឆ្នាំ ក្រោមបទចោទប្រកាន់បះបោរនោះ។

អ្នកស្រីបានលើកឡើងថា អ្នកសង្កេតការណ៍មួយចំនួននៅកម្ពុជា បានកត់សម្គាល់ឃើញថា ការចោទប្រកាន់ប្រឆាំងលើរូបលោក ម៉ម សូណង់ដូ មើលទៅមានលក្ខណៈនយោបាយ ដោយផ្អែកលើការរិះគន់ជាញឹកញាប់របស់លោកទៅលើរដ្ឋាភិបាល។

អ្នកស្រីបានអះអាងថា អ្នកស្រីគាំទ្រយ៉ាងខ្លាំងចំពោះសេរីភាពក្នុងការបញ្ចេញមតិ រួមទាំងសេរីភាពអ្នកសារព័ត៌មាន ក្នុងការបញ្ចេញទស្សនៈនយោបាយ ដោយគ្មានការភ័យខ្លាចពីការធ្វើទុក្ខទោស ការសងសឹក ក្នុងការបំភិតបំភ័យ ស្របតាមអនុសញ្ញាអន្តរជាតិ ស្ដីពីសិទ្ធិពលរដ្ឋ និងនយោបាយ និងសេចក្ដីប្រកាសជាសាកល ស្ដីពីសិទ្ធិមនុស្ស៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។

អត្ថបទដែលទាក់ទង

មតិ (5)

ចុចត្រង់នេះដើម្បីបន្ថែមយោបល់របស់អ្នក

អ្នកអានអនាមិក

pls, US should not shows stronger supported to cambodia's Democracy.

Oct 06, 2012 11:42 AM

អ្នកអានអនាមិក

There is a saying that nothing is always permanent. But what about situations in Cambodia? Everything is getting worse and worse. But no actions have been taken to solve all bad dreams in Cambodians. I am too tired to see and say things in this country. If you support your live, but if don't, you are jailed. This is the reality in this country.

Oct 04, 2012 01:40 AM

អ្នកអានអនាមិក

Cambodia political government is trend to destroy protest policy I want helpfully from USA to have Democracy in Cambodia ,

Oct 03, 2012 10:21 PM

អ្នកអានអនាមិក

ពី MCZGWHK

I can not talk about democratic policy in Cambodia Because I worry about my Safety , Now for long life I make decisions to ignore , But i need real democracy policy in Cambodia , Sorry that i ignore for democratic policy Because i live in Cambodia i don't want to live in the prison ,

Oct 03, 2012 09:38 PM