អ្នកភូមិដែលរងការបាញ់ប្រហារប្រតិកម្មលើចំណាត់ការតុលាការខេត្តបាត់ដំបង
h082412mn.mp3
លោក សឹង ហៀង អាយុ៣៤ឆ្នាំ រស់នៅភូមិអូរដា ឃុំចក្រី ស្រុកភ្នំព្រឹក ខេត្តបាត់ដំបង បានថ្លែងនៅថ្ងៃទី២៤ ខែសីហា ថា ការសម្រេចរបស់តុលាការ គឺជារឿងអយុត្តិធម៌។ កងការពារក្រុមហ៊ុនដែលបានប្រើកាំភ្លើងបាញ់ឲ្យអ្នកភូមិមានរបួស កាលពីចុងឆ្នាំ២០១១ នោះ តុលាការពុំបានចាត់ការទៅតាមផ្លូវច្បាប់ទេ៖ «កាលពីថ្ងៃទី១២ ខែធ្នូ ឆ្នាំ២០១១ នោះ ជម្លោះកើតឡើងគឺបាញ់ចំខ្ញុំចំភ្លៅខាងស្ដាំ គឺចូលពីខាងស្ដាំចេញមកខាងឆ្វេង បណ្ដាលឲ្យរបួសចំកណ្ដាលភ្លៅ។ ឥឡូវនេះ ខ្ញុំជាជនរងគ្រោះដោយការបាញ់ប្រហារ បែរជាគេដាក់ខ្ញុំទៅជាជនល្មើសដាក់ក្នុងឲ្យតុលាការស៊ើបអង្កេតទៅវិញ»។
តុលាការខេត្តបាត់ដំបង កាលពីថ្ងៃទី២៣ និងថ្ងៃទី២៤ ខែសីហា បានចេញដីកាសម្រេចដាក់ឲ្យជនត្រូវចោទ ស្ថិតក្រោមការត្រួតពិនិត្យតាមផ្លូវតុលាការ ដោយតម្រូវឲ្យជនត្រូវចោទបំពេញនូវកាតព្វកិច្ច ដូចជា មិនត្រូវចេញទៅក្រៅព្រំដែនដី នៃព្រះរាជាណាចក្រកម្ពុជា ត្រូវទៅបង្ហាញខ្លួនតាមការកំណត់នៅអធិការដ្ឋាននគរបាលស្រុកភ្នំព្រឹក នៅថ្ងៃទី២៣ រៀលរាល់ខែនីមួយៗ រហូតដល់តុលាការសម្រេចអង្គសេចក្ដី។
ទាក់ទិនការសម្រេចរបស់តុលាការនេះ លោក សឹង ហៀង ថ្លែងថា វាមានភាពអយុត្តិធម៌។ ពួកគាត់ពុំអាចទទួលយកសេចក្ដីសម្រេចរបស់តុលាការទេ៖ «ខ្ញុំសូមបដិសេធដាច់ខាត ព្រោះខ្ញុំមិនបានប្រព្រឹត្តិអ្វីទៅតាមការចោទរបស់គេនោះទេ។ នៅក្នុងឯកសារដែលគេដាក់អោយខ្ញុំស្ថិតនៅក្រោមតុលាការ ខ្ញុំនឹងធ្វើទៅតាមនីតិវិធី ប៉ុន្តែគ្រាន់តែថា ខ្ញុំមិនទទួលស្គាល់ពាក្យចោទ។ ប៉ុន្តែអ្វីដែលដាក់ឲ្យខ្ញុំធ្វើទៅតាម៤ចំណុច ធ្វើទៅតាមរាល់ថ្ងៃទី២៣ ឲ្យខ្ញុំឡើងទៅជួបអធិការក៏ដោយ ខ្ញុំក៏ធ្វើទៅតាមហ្នឹង។ ប៉ុន្តែរាល់ពាក្យចោទទាំងអស់ គឺខ្ញុំអត់ទទួលយកទេ»។
មន្ត្រីអង្គការលីកាដូ ប្រចាំខេត្តបាត់ដំបង លោក ហេង សាយហុង បានថ្លែងថា ការសម្រេចរបស់តុលាការ គឺស្របទៅនឹងសំណុំរឿងរបស់ភាគីដើមបណ្ដឹង ដែលពុំមានទម្ងន់។ ម្យ៉ាងវិញទៀត ករណីប្ដឹងផ្ដល់គ្នាមកតុលាការ ដោយសារបញ្ហាទំនាស់ដីធ្លី តុលាការចេះតែសម្រេចឃុំខ្លួន។ ការសម្រេចឃុំខ្លួនមនុស្ស បានធ្វើឲ្យមនុស្សមានការឈឺចាប់ និងបាត់បង់ការងារអភិវឌ្ឍសេដ្ឋកិច្ច នៅក្នុងសង្គមគ្រួសារ។ ទោះយ៉ាងក្ដី លោកសង្កត់ធ្ងន់ថា ការសម្រេចនេះវាជានីតិវិធីរបស់តុលាការក្នុងការស៊ើបអង្កេត។
លោក ហេង សាយហុង៖ «យើងចង់ឲ្យតុលាការផ្ដល់យុត្តិធម៌ឲ្យជនរងគ្រោះ ព្រោះរឿងនេះខ្ញុំមើលទៅគ្មានហេតុផលអីជាដុំកំភួនអីទេ យើងសុំឲ្យមានការលើកលែង តម្កល់ទុករឿង កុំឲ្យមានការចោទតទៅទៀត»។
ជនទាំងបីនាក់មាន ឈ្មោះ សឹង ហៀង ជោត គុណ និងផាវ បុត្រ រស់នៅស្រុកភ្នំព្រឹក ខេត្តបាត់ដំបង។ អ្នកភូមិទាំងបីនាក់ ត្រូវបានលោក សាអឿន កោសល្យមុនី ចៅក្រមស៊ើបសួរចេញដីកាបង្កាប់ឲ្យចូលខ្លួនតាមសំណុំរឿងព្រហ្មទណ្ឌលេខ៨៦៨ ចុះថ្ងៃទី២៣ ខែធ្នូ ឆ្នាំ២០១១ ដែលមានភាគីដើមបណ្ដឹងឈ្មោះ ចាន់ នី ជាកងកម្លាំងការពារឲ្យក្រុមហ៊ុន សួន មានសម្បត្តិ។ អ្នកទាំងបីត្រូវតុលាការចោទពីបទប្រើហិង្សា មានស្ថានទម្ងន់ប្រព្រឹត្តិនៅភូមិភ្នំប្រាំពីរ ឃុំចក្រី ស្រុកភ្នំព្រឹក ខេត្តបាត់ដំបង កាលពីថ្ងៃទី១២ ខែធ្នូ ឆ្នាំ២០១១។ បទល្មើសព្រហ្មទណ្ឌនេះ មានចែងឲ្យផ្ដន្ទាទោសតាមបញ្ញត្តិមាត្រា២១៨ នៃក្រមព្រហ្មទណ្ឌ ចុះថ្ងៃទី៣០ ខែវិច្ឆិកា ឆ្នាំ២០០៩៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អ្នកអានអនាមិក
នេះហើយនិតិរដ្ឋរបស់ក្រុមសំដាច់!!!!!
សូមលោកផៃ ស៊ីផានបើកភ្នែក បើកត្រចៀកមើលផងដែល លោកតែងតែនិយាយមិនដាច់ពីមាត់ថាប្រទេសកម្ពុជាក្រោម ការដឹកនាំរបស់សំដាច់គឺជាប្រទេសដែលមាននិតិរដ្ឋ តាមខ្ញំសង្កេតមើលទៅនិតិរដ្ឋរបស់លោកស៊ីផានគឺអញ្ចឹងឯង អោយតែអ្នកមានលុយអ្នកមានអំណាចគឺរួចខ្លួន ឯប្រជារាស្រ្តក្រីក្រគ្មានអំណាចវិញគឺមានតែចូលគុក ជាប់ទោស ជាប់ឃុំ
Aug 27, 2012 10:52 PM
៧មករាសច្ចធម៌
ពី Phnom Penhហ្នឹងហើយរដ្ឋាភិបាលរបស់ហ៊ុន សែន ។ ជនរងគ្រោះក្លាយជាជនអ្នកប្រព្រឹត្ត ។ ហ៊ុន សែនគួរត្រូវនាំខ្លួនទៅកាត់ទោសនៅឯតុលាការអន្តរជាតិ ICC ទើបសង្គមខ្មែរមានពន្លឺរស្មីឡើងវិញ ។
Aug 24, 2012 10:33 PM
Vuth Lee
ពី Lowell, Massachusetts,U.S.AThis Battambang province's court and the other courts Cambodiawide had intentionally victimized its own innocent people-as in this article. Cambodian dissidents are living in fear. The poor and powerless Cambodians who are living in Cambodia the same as they are living and working in the prisons without walls or fences. The Cabodian Kangaroo's judges doing what Youn or Hun Sen told them to do. Those courts are being used by Youn or Hun Sen to intimidate the Khmer Nationalists-Mam Sonando, Chea Vichea, Chhuth Vuthy, Chan Soveth, Bun Ratha......... Hun Sen must go very soon!!!
Aug 24, 2012 02:34 PM
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
