លោកស្រី សៅ ស៊ីថា ជាមន្រ្តីនៃមន្ទីរសង្គមកិច្ច ទទួលបន្ទុកជនអន្តោប្រវេសន៍នៅក្នុងខេត្តស្វាយរៀង បានមានប្រសាសន៍ថា អ្នកសុំទានទាំងនោះភាគច្រើនជាកុមារ ហើយការប្រមូល ឬចាប់បញ្ជូនមកប្រទេសកម្ពុជាវិញនោះ ដោយសារតែអាជ្ញាធរវៀតណាមរក្សាសណ្តាប់ធ្នាប់ ពីព្រោះអ្នកសុំទានទាំងនោះដេកតាមសំយ៉ាបផ្ទះនិងមុខផ្ទះ។
ភាគច្រើននៃអ្នកសុំទានទាំងនោះ គឺជាប្រជាពលរដ្ឋនៅក្នុងខេត្តស្វាយរៀង នៅជាប់នឹងព្រំដែនប្រទេសវៀតណាម។
លោក ង៉ែត ណារ៉ា ជាមន្រ្តីសម្របសម្រួលនៃអង្គការការពារសិទ្ធិមនុស្សអាដហុក នៅក្នុងខេត្តស្វាយរៀង បានមានប្រសាសន៍ថា អាជ្ញាធរវៀតណាមតែងតែបញ្ជូនអ្នកសុំទានខែ្មរមកប្រទេសកម្ពុជាវិញ ប៉ុន្តែលោកមិនបានឃើញអាជ្ញាធរកម្ពុជា បញ្ជូនវៀតណាមទៅកាន់ប្រទេសវៀតណាមវិញទេ៕