អាជ្ញាធរវៀតណាមចាប់ពលរដ្ឋខ្មែរពីរនាក់ដាក់គុក
h101312sv.mp3
នៅច្រកព្រំដែនត្រពាំងផ្លុង ក្នុងខេត្តកំពង់ចាម មានពលរដ្ឋខ្មែរពីរនាក់ ត្រូវបានប៉ូលិសវៀតណាម ចាប់ខ្លួនអស់រយៈពេលជាង ១ខែទៅហើយ ដោយមិនបញ្ជាក់មូលហេតុច្បាស់លាស់។ អាជ្ញាធរមូលដ្ឋាន និងសាច់ញាតិពលរដ្ឋទាំងពីរនាក់នោះ អំពាវនាវទៅរដ្ឋាភិបាលកម្ពុជា ជួយអន្តរាគមន៍ទៅភាគីវៀតណាម ដើម្បីដោះលែងពលរដ្ឋខ្មែរឲ្យមានសេរីភាពឡើងវិញ។
ពលរដ្ឋខ្មែរពីរនាក់រស់នៅភូមិត្រពាំងផ្លុង ឃុំត្រពាំងផ្លុង ស្រុកពញាក្រែក ខេត្តកំពង់ចាម ដែលត្រូវអាជ្ញាធរវៀតណាម ចាប់ខ្លួនកាលពីថ្ងៃទី១២ កញ្ញា នៅតែមិនមានឱកាសជួបមុខសាច់ញាតិរបស់ខ្លួននៅឡើយ។
សាច់ញាតិអ្នកទាំងពីរនោះ ស្នើឲ្យអាជ្ញាធរកម្ពុជា ជួយអន្តរាគមន៍ដោះលែងមកវិញ។ មេឃុំត្រពាំងផ្លុង លោក ហែម យាប នៅថ្ងៃទី១៣ តុលា មានប្រសាសន៍ថា វៀតណាម បានចាប់ខ្លួនពលរដ្ឋខ្មែរពីរនាក់ ដែលរស់នៅភូមិត្រពាំងផ្លុង ឃុំត្រពាំងផ្លុង មានឈ្មោះ ជិន ថន អាយុ ២៥ឆ្នាំ និងឈ្មោះ ឈន ងឹម អាយុ ២៧ឆ្នាំ កាលពីថ្ងៃទី១២ ខែកញ្ញា ឆ្នាំ២០១២។ លោកបន្តថា សាច់ញាតិអ្នកទាំងនោះ និងអាជ្ញាធរឃុំត្រពាំងផ្លុង បាននាំគ្នាទៅសួរនាំប៉ូលិសវៀតណាម ប៉ុន្តែភាគីវៀតណាម មិនអនុញ្ញាតឲ្យជួបមុខពលរដ្ឋខ្មែរនោះឡើយ។
លោក ហែម យាប បញ្ជាក់ថា អាជ្ញាធរមូលដ្ឋានខិតខំអស់លទ្ធភាពទៅហើយ នៅតែមិនអាចជួយពលរដ្ឋខ្លួនបាន៖ «ឥឡូវហ្នឹង គ្រួសារហ្នឹងមានតែសុំមកខ្ញុំហ្នឹង។ ខ្ញុំធ្វើសំណើទៅស្រុក ទៅខេត្តជួយអន្តរាគមន៍ទៅខាងវៀតណាម ហើយស្រុកខេត្តចារសំណើហើយ គ្រាន់តែសុំជួបមុខសួរថា តើខុសត្រូវយ៉ាងណានោះ ក៏ភាគីវៀតណាម មិនអនុញ្ញាតដែរ»។
លោក ហែម យាប បន្តថា លោកសុំអំពាវនាវឲ្យផ្នែកពាក់ព័ន្ធទាំងអស់ អន្តរាគមន៍ជួយពលរដ្ឋក្នុងឃុំត្រពាំងផ្លុង ទាំងពីរនាក់ផង។
ទន្ទឹមនឹងនេះ លោកស្រី សាយ វៀន មានប្រសាសន៍ថា កូនប្រុសរបស់គាត់ឈ្មោះ ជិន ថន និងអ្នកជិតខាងឈ្មោះ ឈន ងឹម ត្រូវបានវៀតណាម ចាប់ខ្លួនបន្ទាប់ពីអ្នកទាំងពីរកាន់លុយមកពីប្រទេសវៀតណាម ចំនួនជាង ៣ម៉ឺនដុល្លារ ដែលឈ្មួញវៀតណាម ឲ្យថ្លៃក្របី។ លោកស្រីបន្តថា លុយទាំងអស់មិនមែនជារបស់កូនគាត់ទាំងអស់ទេ តែជាលុយដែលឈ្មួញវៀតណាម ផ្ញើឲ្យថ្លៃក្របីដែលពួកគេទិញពីអ្នកភូមិ។ លោកស្រី សាយ វៀន បញ្ជាក់ថា លោកស្រីនឹកកូន និងចង់ជួបមុខកូន តែប៉ូលិសវៀតណាម មិនអនុញ្ញាតឲ្យជួបឡើយ៖ «មិនទាន់បានជួបម្តងទេ ១ខែពីរថ្ងៃហើយ។ ខ្ញុំសុំស្នើទៅអាជ្ញាធរដែនដី និងក្រសួងទាំងអស់ ដើម្បីជួយខ្ញុំផង ទាក់ទងទៅខាងវៀតណាម ចង់ដឹងថាខុសហ្នឹងដល់កម្រិតណា សូមឲ្យអស់លោកជួយ»។
វិទ្យុអាស៊ីសេរី មិនអាចទាក់ទងមន្ត្រីស្ថានទូតវៀតណាម ដើម្បីសុំការពន្យល់ពីករណីនេះបានទេ នៅថ្ងៃទី១៣ តុលា ឆ្នាំ២០១២។
យ៉ាងណាក៏ដោយ មន្ត្រីសម្របសម្រួលអង្គការការពារសិទ្ធិមនុស្សលីកាដូ (LICADHO) ប្រចាំខេត្តកំពង់ចាម លោក ប៊ូ វីរៈ មានប្រសាសន៍ថា អាជ្ញាធរកម្ពុជា ត្រូវតែអន្តរាគមន៍ចំពោះបញ្ហានេះ ព្រោះថាមិនអាចឲ្យបរទេសចាប់ពលរដ្ឋខ្មែរដាក់គុក ដោយមិនមានមូលហេតុច្បាស់លាស់នោះទេ ហើយការចាប់ខ្លួននេះ ជាការរំលោភសិទ្ធិមនុស្ស។ លោកបន្តថា បើរកឃើញថា មានកំហុស ឬល្មើសច្បាប់ អាជ្ញាធរវៀតណាម ក៏ត្រូវបង្ហាញពីភស្តុតាងល្មើសច្បាប់នោះដែរ។
បុរសឈ្មោះ ជិន ថន និងឈ្មោះ ឈន ងឹម ត្រូវបានប៉ូលិសសេដ្ឋកិច្ចរបស់ប្រទេសវៀតណាម ចាប់ខ្លួនកាលពីថ្ងៃទី១២ ខែកញ្ញា ឆ្នាំ២០១២ នៅចំណុចច្រករបៀងឈ្មោះ បុសវង ចម្ងាយពីព្រំដែនខ្មែរប្រមាណ ២០០ម៉ែត្រ ក្នុងទឹកដីប្រទេសវៀតណាម និងមានចម្ងាយប្រហែល ៤គីឡូម៉ែត្រ ភាគខាងត្បូងច្រកទ្វារអន្តរជាតិត្រពាំងផ្លុង ខេត្តកំពង់ចាម៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
sam sang svanhn
ពី Georgia, USA.The demand is for Cambodia’s general population to be knowledgeable, full-service, and loving to the Cambodian nation. A need for resuscitation, Cambodian farmers across the nation are suffering, the leading protest in fact is alienated Vietnamese immigrants. Previously were considered Vietnamese and as time passed by, they miraculously evolve into the Khmer population. They used that to vote, increasing the chances at the elections and dominated the Cambodian people’s party (CPP). Because of that they want to win in the local and national election during this time of year 2013.
Oct 15, 2012 11:42 PM
អ្នកអានអនាមិក
បើពិតដូចលោកមកពីតាកែវនិយាយមែន ប្រទេសខ្មែរគឺសម្រាប់យួនមកលុកលុយកាន់កាប់តាមចិត្ត
ចំណែកប្រទេសយួនប្រៀបបាននិងវ៉ុល(vault)នៅក្នុងធនាគារ ត្រូវគេចាក់សោជិតរាប់ជាន់
ដែលមិនអាចមានចោរណាគាស់ចូលបានឡើយ នេះហើយនយោបាយឆ្លាតៗឈ្នះៗរបស់យួនមកលើខ្មែរ!
តើអ្នកដឹកនាំខ្មែរដឹងខ្លនថាជាសត្វលារបស់យួនហើយឬនៅ?
Oct 14, 2012 10:57 PM
ហុនថោក
ពី ថោកហុនហុនសែនអើយសូមគុំវង្វេងជាតិ មើលពូជលោកកបានរស់នៅរយឆ្នាំទេសូមបើកភ្នែកលើងមើលប្រជាពលរដ្ឋខ្មែររងទុក្ខសព្វថៃ្ង អ្វីទៅកេហាវទឹកភ្នែក លោកមិនចេៈយំទែឬ
Oct 14, 2012 06:52 PM
ហ៊ុន ស៊ី
ពី ព្រៃនគរតើខ្មែរនៅសល់អ្វីទៀត? គេចូលមកស្រុក
ខ្មែររាប់លាន មានអ្នកការពារ ឯខ្មែរ
ចូល២នាក់ យួនចាប់ដាក់គុកយ៉ាងបំ
បិតមុខ។ តើស្ដេចសោយរាជ្យមានប្រ
យោជន៍អ្វីដល់រាស្រ្តខ្មែរ?
Oct 14, 2012 06:33 AM
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
