កម្មកររោងចក្រក្ដារបន្ទះអង្គរហ្ល្វាយរូដ ធ្វើកូដកម្មទាមទារដំឡើងប្រាក់ខែ
h091512in-a1.mp3
កម្មការិនី ណូ រី បានអោយដឹងតាមទូរស័ព្ទ នៅព្រឹកថ្ងៃសៅរ៍ ទី១៥ ខែកញ្ញា ថា ចំណុចសំខាន់ គឺពួកគេទាមទារដំឡើងប្រាក់ឈ្នួលបន្ថែមចំនួន២ពាន់រៀលក្នុងមួយថ្ងៃ ដែលអាចអោយប្រាក់ឈ្នួលប្រចាំថ្ងៃរបស់ពួកគេបានជាង១ម៉ឺនរៀល។ ក្រៅពីនេះ ក៏ទាមទារអោយផ្លាស់ប្ដូរលក្ខខណ្ឌចំនួន៨ចំណុចផ្សេងទៀត៖ «ចំណុចទី១ហ្នឹង សុំដំឡើងប្រាក់ខែក្នុងមួយនាក់២.០០០រៀលក្នុងមួយថ្ងៃ។ ដូចថា រោងចក្រហ្នឹងស៊ីថ្ងៃតើបង។ មួយថ្ងៃអ្នកថ្មីបាន៨.៥០០។ អ្នកចាស់ហ្នឹងធ្វើការបាន៣ខែ ៤ខែ បានគេដំឡើងអោយ៥០០»។
លក្ខខណ្ឌចំនួន៨ចំណុចផ្សេងទៀត ដែលពួកគេទាមទារនោះរួមមាន បើកប្រាក់ឈ្នួលអោយបានមុនថ្ងៃទី១០ បញ្ឈប់ការបង្ខិតបង្ខំអោយធ្វើថែមម៉ោង តាមរយៈការកាត់ប្រាក់រង្វាន់ទៀងទាត់ ត្រូវផ្ដល់ប្រាក់បំណាច់ឆ្នាំ ដំឡើងប្រាក់៥០០រៀលដល់កម្មករចូលថ្មីបន្ទាប់ពីបំពេញការងារបានរយៈពេល៣ខែ អនុញ្ញាតអោយស្ត្រីមានផ្ទៃពោះបានចេញទៅផ្ទះមុនគេ និងមានសិទ្ធិឈប់លំហែមាតុភាពតាមច្បាប់ការងារ។
ការតវ៉ារបស់កម្មកររោងចក្រក្ដារបន្ទះ អង្គរ ហ្ល្វាយវូដ បានបញ្ចប់ទៅវិញនៅម៉ោង១២ ថ្ងៃត្រង់ បន្ទាប់ពីភាគីថៅកែរោងចក្របានយល់ព្រមផ្លាស់ប្ដូរលក្ខខណ្ឌការងារទៅតាមការទាមទារ និងសន្យាផ្ដល់ចម្លើយចំពោះការទាមទារដំឡើងប្រាក់ឈ្នួលនៅថ្ងៃទី២៥ ខែកញ្ញា។
ក្រុមកម្មករនៅរោងចក្រ អង្គរ ហ្ល្វាយវូដ បាននាំគ្នាធ្វើការតវ៉ាម្ដងរួចមកហើយ កាលពីថ្ងៃទី១២ ខែកញ្ញា ឆ្នាំ២០១២ ហើយបានបញ្ចប់បន្ទាប់ពីបានការសន្យាផ្ដល់ដំណោះស្រាយពីភាគីថៅកែរោងចក្រដែរនោះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
