កម្មករបាតុកម្មទាមទារឲ្យអ្នកគ្រប់គ្រងចិនម្នាក់ទៅសុំទោសព្រះបរមសព
cp.mp3
រោងចក្រទាំង៣នោះរួមមាន រោងចក្រ ថប វើល (Top World Garment) រោងចក្រ ផាដា និងរោងចក្រ ក្បាលកោះ ស្ថិតនៅភូមិជ្រោយអំពិល សង្កាត់ក្បាលកោះ ខណ្ឌមានជ័យ រាជធានីភ្នំពេញ។
លោក ឆោ ចិត្រា ដែលជាពលរដ្ឋរស់នៅក្បែររោងចក្រ ថប វើល មានប្រសាសន៍នៅថ្ងៃទី២២ តុលា ថា ចំពោះមុខរបស់លោក បើសិនបុគ្គលណាមួយហ៊ានប្រមាថព្រះមហាក្សត្រ មិនថាជននោះមានសញ្ជាតិជាខ្មែរ ឬជននោះជាសាសន៍ដទៃនោះទេ លោកមិនអាចអនុញ្ញាតឲ្យពួកគេធ្វើឡើយ។
លោកបញ្ជាក់បន្ថែមថា មូលហេតុដែលធ្វើឲ្យលោកគាំទ្រ និងគោរពស្រលាញ់អតីតព្រះមហាក្សត្រនោះ ព្រោះតាមការស្ដាប់ការនិយាយតៗគ្នារបស់ចាស់ៗ ជំនាន់ដើម បូករួមនឹងការសិក្សាស្រាវជ្រាវខ្លះៗ របស់លោក លោកជឿថា មានព្រះរាជបូជនីយកិច្ចជាច្រើនដែលសម្ដេចទ្រង់បានបូជាសម្រាប់ប្រទេសជាតិ និងប្រជារាស្ត្រ មានលក្ខណៈធំធេងមិនអាចកាត់ថ្លៃបាន។
ប្រហាក់ប្រហែលគ្នានេះ កម្មការិនីឈ្មោះ ស្រី ចិត្រ លើកឡើងថា នាងពិបាកនឹងទទួលយកទង្វើដែលអ្នកស្រី វ៉ាង សៀវជីវ (Wang Xioa Jioa) ប្រព្រឹត្តចំពោះរូបព្រះឆាយាល័ក្ខណ៍របស់អតីតព្រះមហាក្សត្រ ព្រោះព្រះអង្គជាស្ដេចដែលនាងបានឆ្លាក់ទុកក្នុងបេះដូង។ ម្យ៉ាងទៀតនាងបញ្ជាក់ថា សមិទ្ធផលជាច្រើនដែលសម្រេចបានក្រោមការដឹកនាំរបស់ព្រះអង្គពិតជាធំធេងខ្លាំងណាស់។
ទាក់ទងនឹងរឿងរ៉ាវនេះ មានការខ្វែងគំនិតគ្នាមួយរវាងកម្មករ និងអាជ្ញាធរ លើការទាមទាររបស់កម្មករសុំឲ្យអ្នកស្រី វ៉ាង សៀវជីវ ដើរដោយជើងទទេពីរោងចក្រ ថប វើល ទៅសុំខមាទោសចំពោះព្រះបរមសពនៅមុខព្រះបរមរាជវាំង ដែលមានចម្ងាយប្រមាណជាង ១០គីឡូម៉ែត្រ។ ប៉ុន្តែការស្នើសុំរបស់កម្មករនេះ មិនបានជោគជ័យនោះទេ ដោយអភិបាលខណ្ឌពោធិ៍មានជ័យ លោក គួច ចំរើន ប្រឹងប្រែងបញ្ចុះបញ្ចូលកម្មករទាំងនោះ ហើយលោកសុំឲ្យកម្មករយោគយល់លើបញ្ហានេះ ព្រោះនៅមុខព្រះបរមរាជវាំង មានពលរដ្ឋជាច្រើនកំពុងចូលរួមកាន់ព្រះរាជមរណទុក្ខ។
ទោះជាយ៉ាងណា អ្នកស្រី វ៉ាង សៀវជីវ បានលុតជង្គង់សុំខមាទោសចំពោះមុខព្រះឆាយាល័ក្ខណ៍ដែលដាក់តាំងនៅខាងមុខរោងចក្រ។ ដោយឡែកកម្មករនៅតែមិនសុខចិត្តទេ ដោយពួកគាត់សុំឲ្យអ្នកស្រី វ៉ាង សៀវជីវ ទៅសុំខមាទោសព្រះបរមសពនៅមុខព្រះបរមរាជវាំង ព្រមទាំងសុំឲ្យស្ត្រីរូបនេះកោរសក់បន្ថែមទៀត។
នៅល្ងាចថ្ងៃទី២២ តុលា កម្មករ និងពលរដ្ឋទាំងនោះ បានស្ងប់អារម្មណ៍ទៅវិញ ក្រោយពេលដែលអាជ្ញាធរព្យាយាមសម្របសម្រួលពួកគាត់ ហើយនាំយកអ្នកស្រី វ៉ាង សៀវជីវ ទៅស្នងការដ្ឋាននគរបាលរាជធានីភ្នំពេញ។ កម្មករដែលបានជិះឡានកូរ៉េចំនួន ១០ឡាន តាមពីក្រោយឡានអាជ្ញាធរដឹកអ្នកស្រី វ៉ាង សៀវជីវ នោះ ឱ្យដឹងថា អាជ្ញាធរបានសន្យាថា នឹងនាំយកស្ត្រីរូបនេះទៅតុលាការ ដើម្បីពិចារណាអំពីការប្រមាថលើព្រះឆាយាល័ក្ខណ៍នៃអតីតព្រះមហាក្សត្រនេះ។
ទាក់ទងនឹងអំពើប្រមាថព្រះមហាវីរក្សត្រ តើប្រទេសកម្ពុជា មានច្បាប់អ្វីដែរទេសំរាប់ដាក់ទោសអ្នកប្រមាថព្រះមហាក្សត្រខ្មែរ?
សូមអញ្ជើញស្ដាប់ការបកស្រាយរបស់លោក ឡៅ ម៉ុងហៃ អ្នកវិភាគឯករាជ តាមការសាកសួររបស់លោក ជី វិតា៖
ខុសពីប្រទេសកម្ពុជា ប្រទេសថៃ ដែលប្រកាន់យករបបនយោបាយរាជានិយមអាស្រ័យរដ្ឋធម្មនុញ្ញដែរនោះ មានច្បាប់ព្រហ្មទណ្ឌសំរាប់ដាក់ទោសជាប់ពន្ធនាគារលើជនទាំងឡាយណាដែលបានរិៈគន់ និងប្រមាថព្រះមហាក្សត្រថៃ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
ហូ ទន់
ពី ក្រសាំងទួលមតិទាំងឡាយក្នុងអត្ថបទនេះបញ្ជាក់ថាអស់លោកទាំងនេះ
មានចិត្តស្មោះស្រឡាញ់ព្រះមហាក្សតសីហនុយ៉ាងខ្លាំងក្លា។
ជាទូទៅប្រសិនជាយើងស្រឡាញ់អ្នកណាម្នាក់ហើយគឺមិនឱ្យ
អ្នកនោះបែកពីខ្លួនមួយជំហ៊ានឬវិនាទីឡើយ។តែគួរឱ្យចំឡែកណាស់សម្ដេចសីហនុបែជាទៅជ្រកនិងចិនអស់ចំនួន៣៧
ឆ្នាំដោយមិនមានអ្នកណានឹកនាយាងព្រះអង្កមកគង់ក្នុងវាំង
ខ្មែរសោះ? ព្រោះព្រះអង្កមានរោគឆ្លងឬ?ហើយពេទ្យលោក
ខាងលិចមិនអាចព្យាបាលបានទេឬ?។នេះជាចម្ងល់ដ៍ស្មោះ
ត្រង់មួយរបស់កូនខ្មែរម្នាក់។
Oct 23, 2012 04:51 PM
Sambo
ពី P.PenhThat Chinese woman dared to cut the former king's pictures because she thought it was okay to do that. She might have seen on the video that Hun Sen had used his dirty handkerchief which he had used to clean his dirty running nose, and later on Hun Sen used that handkerchief with the wastes from his nose to rub on our great King's face during the praying for the king's corpse ceremony in China. The world saw that. Hun Sen looked down our great king, and cursed the king.
It was okay for Hun Sen to do that. Hun sen should respect the king more than other people. She confessed to the corpse already. What else does she need to do? How about Hun Sen, what does he need to do to confess?
Oct 23, 2012 02:50 PM
Eagle Master
ពី Pa(USA)Weldon my people,and I would like to tell you why china has obligated to rebuilt Cambodia,since after Vietnam invaded Cambodia, the king Nourodoum sihanouk becamimg majer rules with his allies USA,Western,free Asia had sanction against Vietnam and China.
Untill there was peaces accord assighted in Paris 1993 .in the year 2000 USA presidence had travel to Hanoi lift the sanctions and opening trad,in the same China presidence had accept an agreement with USA presidence Mr:Bill Clinton to rebuilt Cambodia befor opening giant trads.As I told you in my early pages,after WW II the king Nourodoum Sihanouk had founded to what's it called (deadbolt peaces lock formular) in southeast Asias.we the ones who's sacrifice for peaces,demoncracy and bail out Buma,North Korea,Laos.
Oct 23, 2012 03:40 AM
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
