បរទេសចូលរួមសម្ដែងមរណទុក្ខចំពោះការសោយទិវង្គត
ts.mp3
អ្នកនាំពាក្យក្រសួងការបរទេសសហរដ្ឋអាមេរិក អ្នកស្រី វីកថូរៀ ណូឡែន (Victoria Nuland) បានចេញសេចក្ដីថ្លែងការណ៍ជាបន្ទាន់មួយ នៅថ្ងៃទី១៥ ខែតុលា ថា សហរដ្ឋអាមេរិកសំដែងការក្រៀមក្រំចំពោះការចូលទិវង្គតរបស់ព្រះមហាវីរក្សត្រ ព្រះបាទសម្ដេចព្រះ នរោត្តម សីហនុ នៃប្រទេសកម្ពុជា។
អ្នកស្រីបានបន្តថា យើងសូមរំលែកទុក្ខក្រៀមក្រំ ថ្វាយចំពោះព្រះករុណា ព្រះបាទសម្ដេចព្រះបរមនាថ នរោត្តម សីហមុនី និងព្រះរាជអគ្គមហេសី នរោត្តម មុនីនាថ សីហនុ ព្រមទាំងព្រះរាជវង្សានុវង្សទាំងអស់ និងប្រជាពលរដ្ឋខ្មែរនានា ដែលកាន់មរណទុក្ខក្រៀមក្រំនេះ។
ចំណែកឯរដ្ឋាភិបាលប្រទេសសិង្ហបុរី បានចេញសេចក្ដីថ្លែងការណ៍ជាបន្ទាន់មួយដែរថា ព្រះមហាវីរក្សត្រ ព្រះបាទសម្ដេចព្រះ នរោត្តម សីហនុ គឺជាវីរក្សត្រដែលបានធ្វើពលីកម្មក្នុងឆាកជីវិតសម្រាប់ភាពប្រសើរឡើងនៃប្រទេសកម្ពុជា និងប្រជារាស្ត្រខ្មែរ។
សេចក្ដីថ្លែងការណ៍បន្តថា ព្រះមហាវីរក្សត្រខ្មែរនឹងត្រូវបានចងចាំ និងគោរពទាំងនៅកម្ពុជា និងអន្តរជាតិចំពោះការដឹកនាំដោយគ្មានការនឿយហត់ ដើម្បីឲ្យប្រទេសកម្ពុជា ឆ្ពោះទៅកាន់ការផ្សះផ្សាជាតិ និងភាពរុងរឿង។ ព្រះរាជកិច្ចដឹកនាំរបស់ព្រះមហាវីរក្សត្រកន្លងមក បានចាក់គ្រឹះសំរាប់មិត្តភាពជិតស្និទ្ធ និងយូរអង្វែងរវាងកម្ពុជា និងប្រទេសសិង្ហបុរី។
មួយវិញទៀត មន្ត្រីជាន់ខ្ពស់នៃទីស្ដីការគណៈរដ្ឋមន្ត្រី និងក្រសួងព័ត៌មាន បានបង្ហើបឲ្យដឹងថា ប្រធានាធិបតីចិន លោក ហ៊ូ ជិនតាវ (Hu Jintao) បានចេញសេចក្ដីថ្លែងការណ៍ជាបន្ទាន់មួយ ដើម្បីរំលែកទុក្ខក្រៀមក្រំចំពោះការចូលទិវង្គតរបស់ព្រះមហាវីរក្សត្រ ព្រះបាទសម្ដេចព្រះ នរោត្តម សីហនុ ថ្មីៗនេះ។
ចំណែកសមាជិកទាំងអស់នៃគណៈកម្មការអចិន្ត្រៃយ៍គណបក្សកុម្មុយនិស្តចិន ក៏បានមកសម្ដែងការគោរពដល់ព្រះវិញ្ញាណក្ខន្ធនៅទីក្រុងប៉េកាំង ប្រទេសចិន។
អគ្គលេខាធិការនៃអង្គការសហប្រជាជាតិ លោក បាន គីមូន (Ban Ki-moon) បានមានប្រសាសន៍ថា លោកទទួលស្គាល់ថា ព្រះរាជកិច្ចដឹកនាំ និងពលីកម្មយូរអង្វែងកន្លងមកចំពោះប្រទេសជាតិ និងមរតកនៃការបង្រួបបង្រួមជាតិ បាននាំមកនូវការគោរពពីប្រជារាស្ត្រខ្មែរ និងអន្តរជាតិ។ លោកបានសង្ឃឹមថា មរតកទាំងនេះនាំឲ្យកម្ពុជា ឆ្ពោះទៅកាន់ការផ្សះផ្សាជាតិ និងការឈានឆ្ពោះទៅរកយុត្តិធម៌ដែរ។
អ្នកវិភាគឯករាជ្យ លោកបណ្ឌិត ឡៅ ម៉ុងហៃ បានមានប្រសាសន៍ថា កាលពីសម័យក្រោមការដឹកនាំរបស់ព្រះមហាវីរក្សត្រនោះ កេរ្តិ៍ឈ្មោះកម្ពុជា និងកេរ្តិ៍ឈ្មោះរបស់ព្រះអង្គត្រូវបានអន្តរជាតិទទួលស្គាល់សុះសាយទាំងនៅតំបន់អាស៊ី និងពិភពលោក៖ «ឥឡូវយើងបាត់បង់អ៊ីចឹងទៅ តើអ្នកដឹកនាំក្រោយៗ គួរថែរក្សា ហើយនិងធ្វើតាម ឬយកតាមស្មារតីសាមគ្គីជាតិ ផ្សះផ្សាជាតិ ឯកភាពជាតិ ហើយជាពិសេសនៅក្នុងបរិបទនយោបាយ ជាពិសេសនៅតំបន់អាស៊ីនេះ ដែលមានភាពតានតឹង»។
ចំពោះការចូលទិវង្គតរបស់ព្រះមហាវីរក្សត្រនេះ រដ្ឋាភិបាលកម្ពុជា កំពុងយកចិត្តទុកដាក់រៀបចំការចូលរួមគោរពព្រះវិញ្ញាណក្ខន្ធព្រះបរមសព៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អ្នកអានអនាមិក
ពាក្យស្លោកចិននិយាយថា ៉ គ្មានការជួបណាដែលមិនព្រាត់ ៉ តែសំរាប់ព្រះវិញាណសម្តេចតា គឺ ៉ គ្មានការព្រាត់ណាដែលមិនជួប ៉ ព្រោះ ព្រះវិញាណខ័ណ្ណព្រះអង្គ និងយាងទៅជួបជុំជាមួយ ព្រះមហាមិត្តកុម្មុយនិស្តិរបស់ព្រះអង្គ ក្នុងទីស្ថានដ៏មហិមាមួយ។
Oct 18, 2012 12:49 AM
NATO
ពី Phnom PenhIf you really love the former King Father, please don't try to break the nation. You blame, look down and scold the leader today, what will it be if you are the leader in the future. You just create the revenge and it will never end. Try to love rather than try to hate. Try to live in peace rather than in war. If we use our brand to hate or say bad about someone, we will loose the opportunity to learn from them and we are busy with hating them. Then we cannot develop ourselves, family and our nation. We hope we can live and work together, because we are Cambodian and truly Khmer.
Oct 17, 2012 12:01 PM
ហែន ស៊ុន
ពី ក្រសាំងទួលឥឡូវនេះក្រៅពីការសោកស្ដាយនិងចូលរួមកាន់ទុក្ខ
សោកជាមួយរាជ្យវង្សប្រជាជនខ្មែរនិងអន្តរជាតិក៍បាត់សាក្សី
មួយដ៍សំខាន់នៅក្នុងតុលាការខ្មែរក្រហមដែរ។អ្នកដែល
សប្បាយចិត្តជាងគេតែសម្ដែងជាសោកស្ដាយទុក្ខព្រួយនោះ
គឺហ៊ុន សែននិងហោ ណាំហុង។
Oct 16, 2012 11:17 AM
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
