សម្ភាសជាមួយលោក សៀ ភារម្យ ស្ដីពីការវាស់វែងដីជូនប្រជាពលរដ្ឋ

ប្រជាពលរដ្ឋខ្មែរមួយចំនួនបានអបអរសាទរចំពោះគោលនយោបាយចាស់សកម្មភាពថ្មីរបស់រដ្ឋាភិបាល ដែលលោកនាយករដ្ឋមន្ត្រី ហ៊ុន សែន បានបង្កើតក្រុមយុវជនស្ម័គ្រចិត្ត ឲ្យចុះទៅវាស់វែងដីធ្លីជូនប្រជាពលរដ្ឋ នៅតាមបណ្ដាខេត្តនានា ដោយសហការជាមួយមន្ត្រីថ្នាក់ខេត្តពាក់ព័ន្ធក្នុងការចុះវាស់វែងដីជូនប្រជាពលរដ្ឋនោះ។

2012-08-01

h073112zr.mp3

ទាក់ទងទៅនឹងបញ្ហានេះ អ្នកឃ្លាំមើលអំពីបញ្ហាជម្លោះដីធ្លីនៅកម្ពុជា បានអះអាងថា ការចំណាយលុយផ្ទាល់ខ្លួនរបស់លោកនាយករដ្ឋមន្ត្រី ក្នុងការចំណាយលើសោហ៊ុយរបស់ក្រុមយុវជនចុះវាស់វែងដីនេះ មិនមានប្រសិទ្ធភាព និងនិរន្តរភាពទេ។

លោកបន្តថា បើសិនជារដ្ឋាភិបាលមានឆន្ទៈពិតប្រាកដ ក្នុងការដោះស្រាយបញ្ហាដីធ្លីនោះ រដ្ឋាភិបាលគួរតែបង្កើនសមត្ថភាពមន្ត្រីដែលមានស្រាប់វិញប្រសើរជាង ហើយថារូបភាពដែលរដ្ឋាភិបាលធ្វើបច្ចុប្បន្ននេះ ជារូបភាពនយោបាយទៅវិញទេ។

ក្រុមយុវជនស្ម័គ្រចិត្តដែលចុះវាស់វែងដីនៅតាមបណ្ដាខេត្តនានានោះ ពួកគេនឹងត្រូវរដ្ឋាភិបាលបញ្ចូលឈ្មោះនៅក្នុងក្របខ័ណ្ឌរដ្ឋ នៅពេលពួកគេបញ្ចប់ការងារវាស់វែងដី ហើយមានលទ្ធផលល្អនោះ។

ទោះបីជាយុវជនមានឱកាសទទួលបានការងារដោយស្វ័យប្រវត្តិពីការងារនេះ ដែលសាធារណជនយល់ថា ជារឿងល្អក៏ដោយ ប៉ុន្តែអ្នកឃ្លាំមើលស្ថានការណ៍វាស់វែងដីនេះ បានលើកឡើងថា ដើម្បីឲ្យយុវជនកម្ពុជាមានការងារធ្វើកាន់តែច្រើន រដ្ឋាភិបាលគួរតែធ្វើវិសោធនកម្មបោះឆ្នោត ឲ្យយុវជនមានអាយុពី ១៨ឆ្នាំឡើងទៅ មានសិទ្ធិឈរឈ្មោះឲ្យគេបោះឆ្នោតធ្វើជាតំណាងរាស្រ្ត ដើម្បីឲ្យពួកគេមានសិទ្ធិជជែកវែកញែកនៅពេលសភាអនុម័តច្បាប់ ហើយគិតពីផលប្រយោជន៍យុវជនជាបញ្ហាសំខាន់។

សូមលោកអ្នកនាងស្ដាប់បទសម្ភាសន៍រវាងអ្នកយកព័ត៌មានវិទ្យុអាស៊ីសេរី លោក ទីន ហ្សាការីយ៉ា និងលោក សៀ ភារម្យ នាយកលេខាធិការដ្ឋានក្រុមការងារពិសេសសិទ្ធិលំនៅឋាន៖

ស្ដាប់បទសម្ភាសន៍ភាគ១

ស្ដាប់បទសម្ភាសន៍ភាគ២

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។