ពិធីបុណ្យកាន់បិណ្ឌថ្ងៃទី១
ដោយ វិទ្យុអាស៊ីសេរី
2015.09.28
2015.09.28
ពិធីកាន់បិណ្ឌ ជាពិធីបុណ្យដែលពលរដ្ឋកម្ពុជាកាន់ព្រះពុទ្ធសាសនា ប្រារព្ធជារៀងរាល់ឆ្នាំ រយៈពេល១៤ថ្ងៃ ចាប់ពីថ្ងៃ១រោច ដល់ថ្ងៃ១៤រោច ខែភទ្របទ និងថ្ងៃ១៥រោចជាថ្ងៃភ្ជុំបិណ្ឌ។
ជំនឿនៃពិធីបុណ្យនេះ ពលរដ្ឋតែងទៅកាន់អារាមនៅពេលព្រលឹមស្រាងៗ ប្រហែលជាម៉ោង៤យប់ ដើម្បីបោះបាយបិណ្ឌ និងស្ដាប់ព្រះសង្ឃស្វាធ្យាយ (សូត្រ) បរាភវសូត្រ (ធម៌ជាហេតុនៃក្ដីវិនាស)។ លុះពេលព្រឹក និងថ្ងៃត្រង់ ពលរដ្ឋបាននាំចង្ហាន់ទៅប្រគេនព្រះសង្ឃ ដើម្បីឧទ្ទិសផលានិសង្សដល់បុព្វការី(អ្នកដែលស្លាប់ទៅ) និងពេលល្ងាច ស្ដាប់ព្រះសង្ឃសម្ដែងព្រះធម៌ទេសនាជាដើម។