អាហារូបត្ថម្ភ និងផ្ទះបាយអនាម័យនៃមន្ទីរពេទ្យកុមារជាតិ ភ្នំពេញ
កម្រងរូបថតនានា ស្ដីពីផ្ទះបាយមានអនាម័យមួយ សំរាប់ផ្ដល់សេវាអាហារូបត្ថម្ភដល់អ្នកជំងឺ ដែលចូលមកសម្រាកព្យាបាល នៅមន្ទីរពេទ្យកុមារជាតិ។ វេជ្ជបណ្ឌិតផ្នែកអាហារូបត្ថម្ភនៃមន្ទីរពេទ្យកុមារជាតិ អ្នកស្រី លឹម សុជាតិ ចាត់ទុកផ្ទះបាយនេះ ជាគំរូមួយល្អមួយសំរាប់មន្ទីរពេទ្យផ្សេងទៀតនៅក្នុងប្រទេសកម្ពុជា។
អាហារូបត្ថម្ភ និងផ្ទះបាយអនាម័យនៃមន្ទីរពេទ្យកុមារជាតិ ភ្នំពេញ
១-កុមារីម្នាក់នេះកំពុងដើរចូលច្រកទ្វា នៃមន្ទីរពេទ្យកុមារជាតិ នាទីក្រុងភ្នំពេញ។
២. អាគារផ្នែកអាហារូបត្ថម្ភ និងជាផ្ទះបាយស្អាត នៃមន្ទីរពេទ្យកុមារជាតិ ឧបត្ថម្ភដោយ មូលនិធិសំរាប់ការអភិវឌ្ឍន៍ និងជំនួយសង្គ្រោះអន្តរជាតិ (Foundation for International Development/Relief)។
៣. ចុងភៅក្នុងផ្ទះបាយនៃមន្ទីរពេទ្យកុមារជាតិកំពុងរៀបចំបន្លែ សំរាប់ធ្វើម្ហូបចែកអ្នកជំងឺ ប្រកបដោយក្បួនខ្នាតអនាម័យ។ ចុងភៅត្រូវពាក់មួក ម៉ាស់ ខោអាវ ទ្រនាប់ជើង និងស្រោមដៃ សម្រាប់ធ្វើការក្នុងផ្ទះបាយ។
៤. ចុងភៅប្រើម៉ាស៊ីន កិនបន្លែសំរាប់ធ្វើបបរគ្រឿងឱ្យកុមារ។ បបរគ្រឿង គឺជាប្រភេទបបរសម្បូរជីវជាតិ ដែលផ្សំឡើងដោយសាច់ និងបន្លែចម្រុះ កិនបញ្ចូលគ្នា។
៥. វេជ្ជបណ្ឌិត លឹម សុជាតិ ផ្នែកអាហារូបត្ថម្ភនៃមន្ទីរពេទ្យកុមារជាតិ ពន្យល់អំពីការរក្សាទុកបន្លែក្នុងទូរក្លាសេ សំរាប់ធ្វើម្ហូបនៅពេលល្ងាច។
៦. វេជ្ជបណ្ឌិត លឹម សុជាតិ បង្ហាញទូរសម្រាប់ក្លាសេសាច់សម្រាប់ធ្វើម្ហូប។ អ្នកស្រីវេជ្ជបណ្ឌិតពន្យល់ថា បន្លែ និងសាច់ ត្រូវរក្សាទុកក្នុងទូរក្លាសេខុសគ្នា។
៧. ចុងភៅទាំងនេះ កំពុងថ្លឹងសាច់សំរាប់ធ្វើអាហារឱ្យអ្នកជំងឺកុមារ។
៨. ចុងភៅកំពុងថ្លឹងអំបិលផ្សំដាក់ក្នុងអាហារ តាមតម្រូវការរបស់អ្នកជំងឺម្នាក់ៗ។ ចុងភៅផ្សំជីវជាតិអាហារ តាមវេជ្ជបញ្ជា។ វេជ្ជ. លឹម សុជាតិ ពន្យល់ថា អាហាររបស់អ្នកជំងឺខ្លះត្រូវការអំបិលតិច ជាពិសេសអ្នកជំងឺមានបញ្ហាតម្រងនោមជាដើម។
៩. ចុងភៅកំពុងចម្អិនម្ហូប ក្នុងផ្ទះបាយស្អាត ដែលវេជ្ជបណ្ឌិត លឹម សុជាតិ ថ្លែងថា ជាផ្ទះបាយមានអនាម័យក្នុងមន្ទីរពេទ្យជាគំរូទីមួយ នៅប្រទេសកម្ពុជា។
១០. ពេលចម្អិនរួចហើយ ចុងភៅថ្លឹងបបរតម្រូវតាមអ្នកជំងឺ ដែលវិនិច្ឆ័យដោយវេជ្ជបណ្ឌិត។
១១. ចានដាក់ម្ហូប ត្រូវបានដាក់សំដិលបន្ទាប់ពីលាងសម្អាតរួចហើយ។
១២. បន្ទាប់ពីសំដិលស្ងួតទឹកហើយ ចុងភៅយកចានទៅដាក់ក្នុងឡសម្លាប់មេរោគ។
១៣. ពេលចម្អិនរួចរាល់ហើយ ចុងភៅរៀបចំម្ហូបអាហារ ចាន និងបង្អែម ឬផ្លែឈើ ដាក់រទេះទៅចែកឱ្យអ្នកជំងឺតាមសាលនីមួយៗ។
១៤. ម្ហូបអាហារ ចាន វែក ត្រូវបានដាក់ក្នុងរទេះបិទជិត ពេលរុញចេញពីផ្ទះបាយ ទៅចែកឱ្យអ្នកជំងឺនៅតាមសាល។
១៥. អ្នកចែកអាហារ ពិនិត្យមើលបញ្ជីមុននឹងផ្ដល់អាហារឱ្យអ្នកជំងឺ។ អ្នកជំងឺខ្លះត្រូវការបបរ។ ខ្លះត្រូវការអាហារទូទៅធម្មតា ហើយខ្លះទៀត ត្រូវការអាហារព្យាបាល ដូចជា អាហារអំបិលតិច (សាប) ឬអាហារមានប្រូតេអ៊ីនខ្ពស់។
១៦. អ្នកកំដរអ្នកជំងឺ ឬម្ដាយអ្នកជំងឺទទួលអាហារយកទៅបញ្ចុកកូន។
១៧. កុមារីនេះ កំពុងទទួលទានអាហារ ដែលផ្ដល់មន្ទីរពេទ្យកុមារជាតិ។
១៨. ស្ត្រីរូបនេះកំពុងបញ្ចុកអាហារដល់កូនគាត់ ដែលផ្ដល់មន្ទីរពេទ្យកុមារជាតិ។
