សមាជិកបក្ស"រណឫទ្ធិ"២រូបចុះចូលជាមួយបក្សប្រជាជន

យោងតាមដំណឹងក្នុងកាសែតភ្នំពេញប៉ុស្តិ៍ផ្សាយកាលពីថ្ងៃព្រហស្បតិ៍ ទី២៥ មិថុនា ថា សមាជិកគណបក្ស នរោត្តម រណឫទ្ធិ ពីររូប គឺលោក ស៊ុត ឌីណា និងកញ្ញា ស៊ុន សុគន្ធមាលា បានដាក់ពាក្យសុំលាលែងពីគណបក្សនេះ ហើយបានចូលជាមួយគណបក្សប្រជាជនកម្ពុជាវិញ ដោយអះអាងថា គណបក្សរាជានិយមដឹកនាំដោយព្រះអង្គម្ចាស់ នរោត្តម រណឫទ្ធិ មិនមានទស្សនៈវិស័យពិតប្រាកដ ហើយខ្វះលក្ខណៈគ្រប់គ្រាន់ក្នុងការដឹកនាំ។

ដោយ ហាស់ សាន

2009.06.28

ទោះជាយ៉ាងណាក៏ដោយ លោក ប៉ែន សង្ហា អ្នកនាំពាក្យគណបក្ស នរោត្តម រណឫទ្ធិ បានបដិសេធចំពោះការចោទប្រកាន់ក្នុងលិខិតសុំលាលែងនោះ។

លោក ស៊ុត ឌីណា ថាលោកចង់សម្រាកព្រោះស្នេហាជាតិយូរហើយ តែកញ្ញា ស៊ុន សុគន្ធមាលា ថាថ្នាក់ដឹកនាំបក្សបច្ចុប្បន្ននេះសុទ្ធតែមនុស្សចាស់ៗហើយមិនសូវមានគំនិតថ្មីៗ៕