មនុស្ស​ប្រមាណ​៥០០​នាក់​នឹង​ចូល​រួម​ឧទ្ទិស​កុសល​ដល់​អ្នក​ស្លាប់​នៅ​គុក​ទួល​ស្លែង

ប្រធាន​មជ្ឈមណ្ឌល​ជាតិ និង​សីលធម៌​សង្គម លោក ប៉ូ សំណាង បញ្ជាក់​ថា នៅ​ថ្ងៃ​ទី៥ មករា មនុស្ស​ប្រមាណ ៥០០​នាក់ នឹង​ចូល​រួម​ឧទ្ទិស​កុសល​ដល់​អ្នក​ស្លាប់​ក្នុង​របប​កម្ពុជា​ប្រជាធិបតេយ្យ នៅ​ មន្ទីរ​ស​២១ ឬ​គុក​ទួល​ស្លែង។
ដោយ ម៉ម មុនីរតន៍
2013-01-04
អ៊ីម៉ែល
មតិ
ចែករំលែក
បោះពុម្ព
  • បោះពុម្ព
  • ចែករំលែក
  • មតិ
  • អ៊ីម៉ែល

ពិធី​នោះ មាន​និមន្ត​ព្រះសង្ឃ​បង្សុកូល​នៅ​មន្ទីរ​ឃុំឃាំង​ទួល​ស្លែង ក្នុង​ន័យ​ថា យុត្តិធម៌​ដែល​ពួក​គេ​បាន​រង់ចាំ​អស់​រយៈពេល​ដ៏​យូរ​ឆ្នាំ​មក​ហើយ​នោះ បាន​ផ្ដល់​សម្រាប់​ពួក​គេ​ហើយ​នៅ​ពេល​នេះ៖ «យើង​ធ្វើ​នេះ​ដើម្បី​យើង ហាក់​បី​ដូច​ជា​ការ​នាំ​សារ​ផ្លូវ​ងងឹត​ប្រាប់​ទៅ​ជន​រួម​ជាតិ​យើង​ដែល​បាន​បាត់​បង់​ជីវិត​នៅ​ក្នុង​មណ្ឌល​ប្រល័យ​ពូជ​សាសន៍​ទួល​ស្លែង និង​ថា​យើង​បាន​យុត្តិធម៌​ហើយ។ យុត្តិធម៌​នោះ គឺ​លោក កាំង ហ្គិចអ៊ាវ លោក​នឹង​បាន​ជាប់​ទោស​អស់​មួយ​ជីវិត​ទៅ​ហើយ។ ដូច្នេះ យើង​នាំ​សារ​មក​ជូន​វិញ្ញាណក្ខន្ធ​ឲ្យ​មាន​ការ​ទទួល​យក​នូវ​គេ​ហៅ​ថា​ភាព​យុត្តិធម៌​អំឡុង​ឆ្នាំ​ដែល ៧៥ រហូត​ដល់ ៧៩»

លោក ប៉ូ សំណាង បន្ត​ថា អ្នក​ចូល​រួម​មាន​យាយ​ជី តាជី និង​ក្មេង​កំព្រា​ប្រមាណ ៥០០​នាក់ នៅ​សារមន្ទីរ​ទួល​ស្លែង ដែល​ស្ថិត​នៅ​សង្កាត់​ទួល​ស្វាយព្រៃ ខណ្ឌ​ចំការមន រាជធានី​ភ្នំពេញ វេលា​ម៉ោង ៨​ព្រឹក។

លោក កាំង ហ្គិចអ៊ាវ ហៅ ឌុច ដែល​ជា​អតីត​ប្រធាន​មន្ទីរ​សន្តិសុខ ស-២១ ឬ​ហៅ​ថា​គុក​ទួល​ស្លែង ត្រូវ​បាន​តុលាការ​កំពូល​នៃ​សាលា​ក្ដី​ខ្មែរ​ក្រហម​សម្រេច​ផ្ដន្ទាទោស​អស់​មួយ​ជីវិត កាល​ពី​ថ្ងៃ​ទី៣ ខែ​កុម្ភៈ ឆ្នាំ​២០១២ ពី​បទ​ឧក្រិដ្ឋកម្ម​ប្រឆាំង​មនុស្ស​ជាតិ និង​ការ​រំលោភ​បំពាន​ធ្ងន់ធ្ងរ​លើ​អនុសញ្ញា​ទីក្រុង​ហ្សឺណែវ ឆ្នាំ​១៩៤៩៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

មតិ (0)
  • បោះពុម្ព
  • ចែករំលែក
  • អ៊ីម៉ែល