លោក សម រង្ស៊ី អះអាង​ថា​លោក​នឹង​មាន​វត្តមាន​នៅ​កម្ពុជា​ពេល​បោះ​ឆ្នោត​ខាង​មុខ

លោក សម រង្ស៊ី ប្រធាន​គណបក្ស​សង្គ្រោះ​ជាតិ នៅ​ថ្ងៃ​អង្គារ ទី៨ ខែ​មករា បាន​អះអាង​ជា​ថ្មី​ថា លោក​នឹង​មាន​វត្តមាន​នៅ​កម្ពុជា ចូល​រួម​ការ​បោះ​ឆ្នោត​សកល​នៅ​ឆ្នាំ​២០១៣ ខាង​មុខ។
ដោយ យន់ សាមៀន
2013-01-08
អ៊ីម៉ែល
មតិ
ចែករំលែក
បោះពុម្ព
  • បោះពុម្ព
  • ចែករំលែក
  • មតិ
  • អ៊ីម៉ែល

ការ​អះអាង​របស់​លោក សម រង្ស៊ី ធ្វើ​ឡើង​ប៉ុន្មាន​ថ្ងៃ​ក្រោយ​ពេល​ក្រសួង​ការ​បរទេស​អាមេរិក បាន​សម្ដែង​ការ​សោកស្ដាយ ដែល​គណៈកម្មាធិការ​ជាតិ​រៀបចំ​ការ​បោះ​ឆ្នោត បាន​លុប​ឈ្មោះ​លោក សម រង្ស៊ី ចេញ​ពី​បញ្ជី​ចុះ​ឈ្មោះ​បោះ​ឆ្នោត។

សហរដ្ឋ​អាមេរិក បាន​សម្ដែង​មន្ទិល​សង្ស័យ​ចំពោះ​លទ្ធផល​បោះ​ឆ្នោត​ខែ​កក្កដា ឆ្នាំ​២០១៣ និង​លទ្ធិប្រជាធិបតេយ្យ​នៅ​កម្ពុជា ប្រសិន​បើ​លោក សម រង្ស៊ី មិន​អាច​ចូល​រួម​ការ​បោះ​ឆ្នោត​បាន។

ក្នុង​សារ​ផ្សាយ​នៅ​លើ​បណ្ដាញ​សង្គម​ហ្វែសបុក (Facebook) លោក សម រង្ស៊ី បញ្ជាក់​ថា លោក​នឹង​មាន​វត្តមាន​នៅ​កម្ពុជា នៅ​ពេល​ដែល​លោក​នាយក​រដ្ឋមន្ត្រី ហ៊ុន សែន ដឹង​ខ្លួន​ថា​រដ្ឋាភិបាល​បង្កើត​ឡើង​ដោយ​ការ​បោះ​ឆ្នោត​មិន​ស្រប​ច្បាប់ នឹង​ប៉ះពាល់​ដល់​ស្ថិរភាព និង​ភាព​ចម្រើន​រុងរឿង​របស់​ប្រទេស​កម្ពុជា។ លោក សម រង្ស៊ី បាន​ចំអក​លោក ហ៊ុន សែន ថា លោក​នាយក​រដ្ឋមន្ត្រី​មិន​ចង់​ប្រកួត​កីឡា​ស្មើ​ភាព និង​ព្រួយ​បារម្ភ​ពី​ការ​បាត់​បង់​តំណែង ទើប​បាន​រារាំង​លោក​មិន​ឲ្យ​ចូល​រួម​ការ​បោះ​ឆ្នោត៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

មតិ (5)
  • បោះពុម្ព
  • ចែករំលែក
  • អ៊ីម៉ែល

អ្នក​អាន​អនាមិក

គ្មានប្រយោជ មួយណា ក ដូចគ្នា ព្រោះក្បួនដឹកនាំរបស់ពួកគាត់គឺអំណាចប្រមូលផ្តុំដូចគ្នា

Jan 23, 2013 06:46 AM

អ្នក​អាន​អនាមិក

មាសសុទ្ធ មិនខ្លាចភ្លើង ដូចនេះលោក​ សែនត្រូវហ៊ានប្រកួតប្រជែងជាមួយលោក រង្ស៊ី ដោយស្មើរភាពគ្នា ក្នុងនោះក៏ត្រូវវត្តមានលោកសមរង្ស៊ីជាដាចើខាត ។

Jan 20, 2013 11:57 AM

សារុម

ពី ភ្នំពេញ

បុរសខ្លាំង ហ៊ុន សែន ពីតជាមិនហ៊ានប្រគួតទេ

Jan 15, 2013 08:23 AM

សាវពី

គួតែប្រគួតដោយយុត្តិធ៌ម

Jan 09, 2013 09:00 PM

បូណា

ពី កណ្តាល

ខ្ញុំសឃង្ឃឹមរដ្ឋាភិបាលកម្ពុជា ជា​​ រដ្ឋាភិបាលបកាន់យកនូវរបបប្រជាធិបតេយ្យ​ ដោយធ្វើការប្រកួតប្រជែងការបោះឆ្នោតដោយសេរីនឹងយុត្តិធម័ ព្រមទាំងផ្តល់ឧ័កាសឧ័្យលោកសមរង្សីបានចូលឬួមប្រកួតប្រជែងក្នុងការបោះឆ្នោតព្រោះលោកគ្មានកំហុសទេ (សូមស្រលាញ់ជាតិនឹងរាស្រ្តខ្មែរ កំស្រលាញ់តែអំណាចខ្លួន!!!!)

Jan 09, 2013 07:59 PM

មើល​មតិ​ទាំង​អស់.