សិទ្ធិមនុស្សអាស៊ីអំពាវនាវឲ្យពិចារណាឡើងវិញចំពោះការចោទប្រកាន់ ម៉ម សូណង់ដូ
លិខិតអំពាវនាវដែលបានផ្សព្វផ្សាយនៅថ្ងៃទី២៣ ខែសីហា ដែលរកការគាំទ្រពីសាធារណជនរបស់គណៈកម្មការសិទ្ធិមនុស្សអាស៊ាន នោះ គឺសំដៅរកអន្តរាគមន៍ពីលោកនាយករដ្ឋមន្ត្រី ហ៊ុន សែន លោក អង្គ វង្សវឌ្ឍនា រដ្ឋមន្ត្រីក្រសួងយុត្តិធម៌។
លិខិតដដែលបញ្ជាក់ថា គណៈកម្មការសិទ្ធិមនុស្សអាស៊ី បានរកឃើញថា ការចោទប្រកាន់របស់តុលាការរាជធានីភ្នំពេញទៅលើលោក ម៉ម សូណង់ដូ នោះ គឺពុំមានមូលដ្ឋានភស្តុតាងត្រឹមត្រូវឡើយ។
គណៈកម្មការសិទ្ធិមនុស្សអាស៊ី ក៏មានគម្រោងនឹងដាក់លិខិតអំពាវនាវសុំអន្តរាគមន៍ ដោយឡែកមួយទៀត ទៅអ្នករាយការណ៍ពិសេសរបស់អង្គការសហប្រជាជាតិ ទទួលបន្ទុកសិទ្ធិមនុស្សនៅកម្ពុជា លោក សុរិយា ស៊ូប៊ែរឌី។
អាជ្ញាធរបានចាប់ខ្លួនលោក ម៉ម សូណង់ដូ កាលពីថ្ងៃទី១៥ ខែកក្កដា ដោយចោទថា លោកមានបំណងបង្កើតរដ្ឋក្នុងរដ្ឋ ដើម្បីប្រឆាំងនឹងរដ្ឋាភិបាល៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
