អ្នកសហគមន៍៣៤៧ស្នើឲ្យអាជ្ញាធរបញ្ឈប់គម្រោងបណ្ដេញពួកគាត់ពីលំនៅឋាន
h080312in-a1.mp3
តំណាងសហគមន៍៣៤៧ អ្នកស្រី ឯក ម៉ាលីនណា មានប្រសាសន៍ថា ពួកគាត់បានស្នើបែបនេះនៅក្នុងកិច្ចប្រជុំរវាងតំណាងសហគមន៍ជាមួយមន្ត្រីសាលារាជធានីភ្នំពេញ ព្រឹកថ្ងៃសុក្រទី៣ ខែសីហា។
អ្នកស្រី ម៉ាលីនណា បន្តថា មន្ត្រីសាលារាជធានីភ្នំពេញពុំទាន់សម្រេចយ៉ាងណាចំពោះសំណើរបស់ពលរដ្ឋនេះទេ ដោយគ្រាន់តែបានបញ្ជាក់ថា នឹងនាំយកសំណើនោះដាក់ជូនអភិបាលរាជធានីភ្នំពេញពិនិត្យ និងសម្រេច៖ «គេមិនទាន់ដោះស្រាយយ៉ាងម៉េចអោយយើងទេ។ ក៏ប៉ុន្តែ គេយកសំណើទាំងពីរយ៉ាងហ្នឹង ឡើងទៅអភិបាលក្រុង។ ប៉ុន្តែត្រង់ថាជោគជ័យយ៉ាងណា ខ្ញុំក៏មិនទាន់ដឹង។ ប៉ុន្តែខ្ញុំសង្ឃឹមថា នឹងបានជោគជ័យ ព្រោះអីពួកខ្ញុំអត់បានទន្ទ្រានដីរដ្ឋទេ គឺពួកខ្ញុំទិញគ្នាបន្តៗមកអ៊ីចឹង»។
ប្រជាពលរដ្ឋប្រមាណជាង២០០គ្រួសារ ដែលរស់នៅតាមផ្លូវលេខ៣៤៧ ឬសហគមន៍៣៤៧ ស្ថិតក្នុងសង្កាត់បឹងកក់១ ខណ្ឌទួលគោក រាជធានីភ្នំពេញ បានតវ៉ាតាំងពីឆ្នាំ២០០៧ ជំទាស់នឹងគម្រោងរបស់សាលារាជធានីភ្នំពេញ ក្នុងការបណ្ដេញពួកគាត់ក្រោមស្លាកអភិវឌ្ឍន៍។ មកដល់ពេលនេះ គឺមានពលរដ្ឋចំនួនជាង១០០គ្រួសារ បានស្ម័គ្រចិត្តចាកចេញដោយទទួលបានដីមួយកន្លែងនៅក្រៅក្រុង និងថវិកា ៣លានរៀល៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
CheiVorman007
ឮនឹងឃើញតែប្រជាជនខែ្មរស្រែកទ្រហោរយំ ខ្ញុំចេញចូល
ស្រុកខ្មែរជាញឹកញ៉ាប់ សងេ្កតឃើញយួនលក់ដូរក្នុងក្រុងភ្នំពេញ
រស់ជុំក្រុមគ្រួរសារយ៉ាងសប្បាយគួរអោយច្រណែន ចុះខ្មែរខ្ញុំកម្ម
ពារអី? អស់លោកទាំងនោះមិនដឹងថាពួកខ្លួនកំពុងធើ្វខុសមកលើ
ប្រជាជនទេ ខ្ញុំមិននិយាយភ្លាមៗទេ ទុកអោយពួកលោកដែល
តែងអួតថាខ្លួនចេះច្បាប់នឹងគតិបណ្ណិតធើ្វតទៅទៀតចុះ គួរអោយអស់សំ
ណើចណាស់ សុទ្ធតែគតិបណ្ណិតកំពង់កសាងជាតិ ខ្ញុំមើលពីលើទៅ
ឃើញដូចគេប្រើទាហានខ្វាក់ភ្នែកមួយក្រុមអោយទៅធើ្វសង្រ្គាមចឹង
Aug 04, 2012 12:27 PM
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
