កម្ពុជា​ត្រៀម​ចូល​រួម​សវនាការ​រឿង​ក្ដី​ប្រាសាទ​ព្រះវិហារ​នៅ​ក្រុង​ឡាអេ

អ្នក​នាំ​ពាក្យ​ក្រសួង​ការបរទេស​កម្ពុជា លោក កុយ គួង នៅ​ថ្ងៃ​ទី​២ ខែ​មករា ឆ្នាំ​២០១៣ អះអាង​ថា កម្ពុជា​បាន​ត្រៀម​ខ្លួន​រួច​ហើយ​ដើម្បី​បញ្ជូន​ប្រតិភូ​ពិសេស​មួយ​ក្រុម​ទៅ​ចូល​រួម​ក្នុង​សវនាការ​សំខាន់​មួយ​នៅ​តុលាការ​យុត្តិធម៌​អន្តរជាតិ (ICJ) នៅ​ទីក្រុង​ឡាអេ (La Hague) ប្រទេស​ហុឡង់ដ៍ (Netherlands) នៅ​ពាក់​កណ្ដាល​ខែ​មេសា ឆ្នាំ​២០១៣ ខាង​មុខ​នេះ លើ​សំណុំ​រឿង​ក្តី​ប្រាសាទ​ព្រះវិហារ ទល់​ជាមួយ​ភាគី​ថៃ។
ដោយ សុខ សេរី
2013-01-02
អ៊ីម៉ែល
មតិ
ចែករំលែក
បោះពុម្ព
  • បោះពុម្ព
  • ចែករំលែក
  • មតិ
  • អ៊ីម៉ែល

លោក កុយ គួង៖ «កាល​ណា​មាន​យុត្តិធម៌​សម្រាប់​កម្ពុជា គឺ​មាន​យុត្តិធម៌​សម្រាប់​ប្រទេស​ផ្សេង​ទៀត​ដែរ។ យើង​មិន​ចង់​បាន​របស់​គេ ហើយ​យើង​ក៏​មិន​ចង់​បាត់​របស់​យើង​ដែរ។ អ្វី​ដែល​យើង​មាន​ស្រប​ច្បាប់ យើង​បាន​អ្វី​ដែល​មាន​ត្រឹម​តែ​ស្រប​ច្បាប់​របស់​ប្រទេស​កម្ពុជា​យើង​ប៉ុណ្ណឹង​ទេ។ កន្លង​មក​យើង​មាន​មេធាវី​បរទេស»

កាល​ពី​ខែ​ធ្នូ ឆ្នាំ​២០១២ កន្លង​ទៅ​នេះ តុលាការ​យុត្តិធម៌​អន្តរជាតិ បាន​ប្រកាស​ថា សវនាការ​លើ​សំណុំ​រឿង​ក្ដី​ប្រាសាទ​ព្រះវិហារ​ ដែល​ភាគី​កម្ពុជា ជា​អ្នក​ដើម​បណ្ដឹង​នោះ នឹង​ធ្វើ​ឡើង​នៅ​ពាក់​កណ្ដាល​ខែ​មេសា ឆ្នាំ​២០១៣ ខាង​មុខ​នេះ។

ការ​ប្រកាស​បើក​សវនាការ​ខាង​មុខ​នេះ គឺ​ក្រោយ​ពី​រដ្ឋមន្ត្រី​ក្រសួង​ការបរទេស​កម្ពុជា លោក ហោ ណាំងហុង និង​ជា​ឧបនាយករដ្ឋមន្ត្រី តំណាង​ឲ្យ​ភាគី​កម្ពុជា បាន​ដាក់​ពាក្យ​បណ្ដឹង​ថ្មី​មួយ​កាល​ពី​ថ្ងៃ​ទី​២៨ ខែ​មេសា ឆ្នាំ​២០១១ កន្លង​ទៅ​នេះ សុំ​ឲ្យ​តុលាការ​យុត្តិធម៌​អន្តរជាតិ​បក​ស្រាយ​សាលក្រម​នៃ​តុលាការ​នេះ កាល​ពី​ថ្ងៃ​ទី​១៥ ខែ​មិថុនា ឆ្នាំ​១៩៦២ កន្លង​ទៅ ដែល​កម្ពុជា​បាន​ឈ្នះ​ក្តី​លើ​សំណុំ​រឿង​ប្រាសាទ​ព្រះវិហារ ដល់​និង​ប្រទេស​ថៃ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

មតិ (2)
  • បោះពុម្ព
  • ចែករំលែក
  • អ៊ីម៉ែល

អ្នក​អាន​អនាមិក

I hope that we will win

Jan 02, 2013 07:55 AM

BO FINA

ពី Preah Sihanouk Provice

Som boung soung uy brotes campuchea totoul ban nov pheab yottetor pi krong LA A .

Jan 02, 2013 03:43 AM