កម្ពុជាជាប្រទេសទី៩៤ដែលចូលជាសមាជិកអង្គការIRENA

ដោយ ហាស់ សាន

2009-06-16

កម្ពុជាជាប្រទេសទី៩៤ ដែលបានចុះហត្ថលេខាធ្វើជាសមាជិកអង្គការអន្តររដ្ឋាភិបាលមួយឈ្មោះថា ភ្នាក់ងារថាមពលមិនរីងស្ងួតអន្តរជាតិ ឬហៅកាត់តាមអង់គ្លេសថា IRENA (International Renewable Energy Agency) នៅប្រទេសអាល្លឺម៉ង់ កាលពីថ្ងៃព្រហស្បតិ៍មុន។

លោក ចែម វិទ្យា ឯកអគ្គរាជទូតកម្ពុជាប្រចាំអាល្លឺម៉ង់ បានចុះហត្ថលេខាលើលក្ខន្តិកៈអន្តរជាតិនេះជាមួយនឹងប្រទេសពីរទៀតនៅក្រុងបោន គឺប្រទេសអាល់បានី និងប្រទេសអេស្តូនី។

អង្គការ IRENA ធ្វើសហប្រតិបត្តិការជាមួយប្រទេសនានាក្នុងសកលលោក ឲ្យប្រើប្រាស់ថាមពលដោយយកពីប្រភពថាមពលមិនរីងស្ងួតវិញ មានព្រះអាទិត្យ ខ្យល់ ទឹក ជាដើម ដែលបំពេញវិញបានដោយធម្មជាតិ គឺមិនពឹងផ្អែកលើការបូមប្រេងកាតពីក្នុងដីទាំងស្រុង ដែលអាចនឹងរីងស្ងួតបាន៕

បោះពុម្ព អ៊ីម៉េល

មតិ

អ្នកអាចបញ្ចេញមតិដោយបំពេញទម្រង់ខាងក្រោមនេះក្នុងទម្រង់ជាអក្សរសុទ្ធ។. មតិត្រូវតែអនុញ្ញាតដោយអ្នកសម្របសម្រួលនិងមិនបង្ហាញភ្លាមៗនៅលើទំព័រនេះទេ។ សូមអញ្ជើញត្រឡប់មកបើកទំព័រនេះម្ដងទៀតដើម្បីមើលថាតើមតិរបស់អ្នកត្រូវបានចុះផ្សាយឬអត់។