កម្ពុជាឈរលំដាប់ទី១៣៣នៃប្រទេសធ្វើអាជីវកម្មក្នុងសកលលោក
របាយការណ៍នេះចងក្រងដោយក្រុមអ្នកនិពន្ធ របស់ធនាគារពិភពលោក និងសាជីវកម្មហិរញ្ញវត្ថុអន្តរជាតិ (IFC) បានបង្ហាញថា សហគ្រិនក្នុងស្រុកនៅក្នុងប្រទេសកំពុងអភិវឌ្ឍ កំពុងរកមធ្យោបាយនានា ធ្វើយ៉ាងណាឲ្យមានភាពកាន់តែមានភាពងាយស្រួល ចំពោះការធ្វើអាជីវកម្មនៅក្នុងរយៈពេល ១០ឆ្នាំចុងក្រោយនេះ។ របាយការណ៍បានគូសបញ្ជាក់យ៉ាងច្បាស់ អំពីការវិវឌ្ឍយ៉ាងខ្លាំងនៃការធ្វើអាជីវកម្ម រួមទាំងដំណើរការនៃការអនុវត្តច្បាប់បញ្ញត្តិទាំងឡាយ ក៏មានភាពប្រសើរឡើងដែរ។
របាយការណ៍ដដែល បានកត់ត្រាកំណែទម្រង់នៃការធ្វើអាជីវកម្មប្រមាណ ២ពាន់ច្បាប់អាជីវកម្ម នៅក្នុងចំណោមប្រទេស១៨៥ នៅលើពិភពលោក ហើយកំណែទម្រង់នោះ នឹងផ្ដល់ផលប្រយោជន៍ចំពោះសហគ្រិនក្នុងស្រុកដែលធ្វើអាជីវកម្មនានា នៅលើសកលលោក។ ប៉ុន្តែក្នុងចំណោមប្រទេសទាំង១៨៥ ប្រទេសកម្ពុជា ស្ថិតនៅលំដាប់លេខ១៣៣ ដែលមានភាពងាយស្រួលធ្វើអាជីវកម្ម។ ចំពោះប្រទេសវៀតណាម ជាប់លំដាប់លេខ៩៩ និងប្រទេសថៃ ស្ថិតនៅលេខ១៨ ហើយប្រទេសដែលមានភាពងាយស្រួលក្នុងការធ្វើអាជីវកម្មខ្លាំងនៅលើពិភពលោក គឺប្រទេសសិង្ហបុរី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
