កម្ពុជាបដិសេធព័ត៌មាននៃការបាញ់យន្តហោះថៃ
សេចក្តីប្រកាសព័ត៌មានរបស់ក្រសួងការពារជាតិកម្ពុជាបានអះអាងថា រដ្ឋាភិបាលកំពុងស៊ើបអង្កេតករណីនេះ។ កាសែតអាមេរិក វ៉ាស៊ីនតោន ប៉ុស្តិ៍ (Washington Post) បានដកស្រង់សម្ដីមន្ត្រីយោធាថៃម្នាក់ថា យោធាកម្ពុជាបានបាញ់ទៅលើយន្តហោះស៊ីវិលថៃ ដែលព្យាយាមចុះចតនៅពេលមានអាកាសធាតុមិនល្អ។
មន្ត្រីយោធាកម្ពុជា បានអះអាងផ្ទុយវិញថា យោធាកម្ពុជាបានបាញ់គំរាមទៅលើអាកាសចំនួន១៨គ្រាប់ប៉ុណ្ណោះ មិនមែនមានគោលបំណងបាញ់ទម្លាក់នោះទេ ហើយថាយន្តហោះនោះក៏មិនមែនជាយន្តហោះស៊ីវិលនោះដែរ។
អ្នកនាំពាក្យក្រសួងការពារជាតិខ្មែរ លោក ឈុំ សុជាតិ បញ្ជាក់ថា កម្ពុជាគ្មានហេតុផលណាដែលធ្វើឲ្យមានការប៉ះពាល់ ឬរំខានដល់សុវត្ថិភាព នៃការហោះហើរស៊ីវិលនោះទេ ប៉ុន្តែកម្ពុជាមានកាតព្វកិច្ច និងសិទ្ធិក្នុងការការពារអធិបតេយ្យនៃលំហអាកាសរបស់ខ្លួន មិនឲ្យមានការរំលោភ ឬឈ្លានពានបាននោះឡើយ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
