កម្ពុជានឹងបញ្ជូនជនជាតិចិន១៥នាក់ទៅប្រទេសចិននៅពេលឆាប់ៗ
h081812in-a1.mp3
អ្នកនាំពាក្យក្រសួងមហាផ្ទៃ លោក ខៀវ សុភ័គ មានប្រសាសន៍នៅរសៀលថ្ងៃទី១៨ ខែសីហា ថា ការបញ្ជូនជនជាតិចិនទាំង១៥នាក់នោះ នឹងមិនអោយហួសពីសប្ដាហ៍ក្រោយនេះទេ៖ «បទល្មើសតាមទូរស័ព្ទ តាមស្អីៗដែលយើងហៅថាការជំរិតទារប្រាក់ បោកប្រាស់ប្រាក់កាសពីប្រជាជនចិន អោយផ្ញើទៅគាត់តាមប្រព័ន្ធអេឡិចត្រូនិក។ អ៊ីចឹង យើងបានអនុវត្តរូបភាព ពេលចាប់បាន យើងបញ្ជូន។ ឯកឧត្តមឧបបានកំណត់ហើយថា យ៉ាងយូរមួយសប្ដាហ៍ ត្រូវបញ្ជូនចេញអោយផុតបន្ទាប់ចេញពីចុះហត្ថលេខា»។
លោកឧបនាយករដ្ឋមន្ត្រី ស ខេង រដ្ឋមន្ត្រីក្រសួងមហាផ្ទៃ កាលពីថ្ងៃទី១៧ សីហា បានចុះហត្ថលេខារួចរាល់ហើយលើបទបញ្ជាសម្រេចបញ្ជូនជនជាតិចិនចំនួន១៥នាក់ ដែលបានចាប់ខ្លួននៅក្នុងខេត្តកំពង់ស្ពឺ កាលពីថ្ងៃទី៨ ខែសីហា។
គិតមកដល់ពេលនេះ កម្ពុជាបានបញ្ជូនជនជាតិចិនទៅប្រទេសចិនវិញ មានចំនួនសរុប២៣១នាក់។ ហើយនេះ គឺជាលើកទី៣ហើយ ដែលសមត្ថកិច្ចកម្ពុជា ចាប់ខ្លួនជនជាតិចិនពាក់ព័ន្ធនឹងឧក្រិដ្ឋកម្មឆ្លងដែន តាមរយៈការគំរាមទារប្រាក់តាមប្រព័ន្ធអ៊ីនធឺណិត៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
