មជ្ឈមណ្ឌលសិទ្ធិមនុស្សអបអរសាទរខួបទី១នៃការដាក់ប្រាសាទព្រះវិហារជាបេតិកភណ្ឌពិភពលោក
ដោយ កេសរណ្ណីយ្យា
2009-07-06
មជ្ឈមណ្ឌលសិទ្ធិមនុស្សកម្ពុជាបានចេញសេក្តីថ្លែងការណ៍អបអរស្វាគមន៍ជូនដល់ប្រជាពលរដ្ឋខ្មែរទាំងអស់ នាឱកាសទិវារំឭកខួបលើកទី១ នៃការទទួលដាក់បញ្ចូលប្រាសាទព្រះវិហារខ្មែរជាសម្បត្តិបេតិកភណ្ឌពិភពលោក ដោយអង្គការយូណេស្កូនៅថ្ងៃទី៧ ខែកក្កដា ឆ្នាំ២០០៨។
នៅក្នុងសេចក្តីថ្លែងការណ៍ចុះថ្ងៃទី៥ កក្កដានេះ មជ្ឈមណ្ឌលសិទ្ធិមនុស្សកម្ពុជា បានសម្ដែងចំពោះសកម្មភាពផ្នែកការទូតរបស់រាជរដ្ឋាភិបាលខ្មែរក្នុងការដោះស្រាយបញ្ហាប្រាសាទព្រះវិហារនិងជម្លោះព្រំដែនក្នុងរយៈពេលកន្លងមកនេះជាមួយប្រទេសថៃ។
នៅក្នុងសេចក្តីថ្លែងការណ៍ក៏បានសម្ដែងនូវក្តីសង្ឃឹមផងដែរថា ស្ថានភាពតានតឹងនៃការប្រឈមមុខដាក់គ្នារវាងទាហានខ្មែរ-ថៃលើបញ្ហាជម្លោះព្រំដែននឹងត្រូវបានបញ្ចប់ ហើយប្រទេសថៃនឹងទទួលស្គាល់ទាំងស្រុងនូវការពិតថា ប្រាសាទព្រះវិហារគឺស្ថិតនៅក្នុងទឹកដីខ្មែរ។
ទន្ទឹមគ្នានេះ មជ្ឈមណ្ឌលសិទ្ធិមនុស្សកម្ពុជាបានស្នើដល់រាជរដ្ឋាភិបាលខ្មែរឲ្យទាមទារឲ្យប្រទេសថៃសងជាទឹកប្រាក់ចំនួន ២លានដុល្លារចំពោះការបាក់បែកខូចខាតនៃប្រាសាទព្រះវិហារនិងផ្ទះសម្បែងភូមិឋានរបស់ពលរដ្ឋខ្មែរដែលបង្កឡើងដោយភាគីថៃក្នុងរយៈពេលកន្លងមកនេះ៕
អត្ថបទដែលទាក់ទង
ខ្មែរនៅក្រៅប្រទេសចង់ឃើញរដ្ឋាភិបាលប្តឹងថៃពីរឿងប្រាសាទព្រះវិហារ
កម្ពុជានឹងយកបញ្ហាប្រាសាទព្រះវិហារទៅតុលាការអន្តរជាតិ
អាជ្ញាធរជាតិចាប់ផ្ដើមជួសជុលប្រាសាទព្រះវិហារ
ខ្មែរប្រតិកម្មទៅនឹងមន្រ្តីថៃជុំវិញការចុះបញ្ជីប្រាសាទព្រះវិហារ
កម្ពុជាប្រតិកម្មនឹងការលើកឡើងរបស់រដ្ឋមន្ត្រីថៃពីរឿងប្រាសាទព្រះវិហារ
ស្ថានការណ៍នៅតំបន់ព្រំដែនប្រាសាទព្រះវិហារ
ស្ថានការណ៍នៅតំបន់ក្បែរប្រាសាទព្រះវិហារមានសភាពធម្មតាវិញហើយ
ទាហានខ្មែរនិងថៃពើបប្រយុទ្ធគ្នាមួយប្រាវក្បែរប្រាសាទព្រះវិហារ
មន្ត្រីជាន់ខ្ពស់គ្រោងទៅទស្សនកិច្ចតំបន់ប្រាសាទព្រះវិហារ
កម្ពុជាបដិសេធការលើកឡើងរបស់ក្រសួងការបរទេសថៃពីរឿងព្រះវិហារ
មតិ
បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួលនិងអាចចុះផ្សាយបានយោងតាមលក្ខខណ្ឌនៃការប្រើប្រាស់របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរីមិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។
មើលមតិទាំងអស់.