សាលាក្រុងភ្នំពេញអំពាវនាវឲ្យរថយន្តឈ្នួលរក្សាតម្លៃឈ្នួលក្នុងឱកាសភ្ជុំបិណ្ឌ

សាលារាជធានីភ្នំពេញ បានអំពាវនាវឲ្យម្ចាស់ក្រុមហ៊ុន និងម្ចាស់រថយន្ត ដែលប្រកបអាជីវកម្មដឹកជញ្ជូនអ្នកដំណើរ រក្សាតម្លៃឈ្នួលដឹកជញ្ជូនអ្នកដំណើរ ក្នុងឱកាសបុណ្យភ្ជុំបិណ្ឌ។

ដោយ ម៉ៅ សុធានី
2012-09-29

លិខិតជូនដំណឹងសាលារាជធានីភ្នំពេញ ចុះថ្ងៃទី២៨ ខែកញ្ញា បានបញ្ជាក់ថា ដើម្បីជួយសម្រួលដល់ជីវភាពប្រជាពលរដ្ឋដែលកំពុងជួបការលំបាក និងបញ្ចៀសនូវគ្រោះថ្នាក់ចរាចរណ៍ ដែលបណ្ដាលមកពីការផ្ទុកលើសចំណុះ ក្រុមហ៊ុន និងម្ចាស់រថយន្ត មិនត្រូវឆ្លៀតឱកាសដំឡើងថ្លៃឈ្នួលធ្វើដំណើរឡើយ ក្នុងឱកាសប្រារព្ធបុណ្យភ្ជុំបិណ្ឌប្រពៃណីជាតិ។

សាលារាជធានីភ្នំពេញ ក៏បានស្នើសុំអាជ្ញាធរគ្រប់លំដាប់ថ្នាក់ ត្រូវចូលរួមសហការអនុវត្តសេចក្តីណែនាំនេះ ឲ្យមានប្រសិទ្ធភាព ដើម្បីឲ្យប្រជាពលរដ្ឋដែលធ្វើដំណើរទៅលេងស្រុកកំណើត មានសុវត្ថិភាព និងមិនបង្កឲ្យប៉ះពាល់ដល់សណ្ដាប់ធ្នាប់សាធារណៈ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។

អត្ថបទដែលទាក់ទង

មតិ (4)

ចុចត្រង់នេះដើម្បីបន្ថែមយោបល់របស់អ្នក

អ្នកអានអនាមិក

អ្នកណារកស៊ីមិនចង់ចំនេញ បើប៉ូលីសយកលុយតាមផ្លូវ មិនអោយគ្នាឆ្លៀតឳកាស់ម៉េចនឹងបាន មិនមែនមានឳកាសតម្លើងថ្លៃរាល់ថ្ងៃឯណា តែប៉ូលីសចាំយកលុយរាល់ថ្ងៃ។ អ្នកក្រឆ្លៀតឳកាសរកដើម្បីតែរស់ប៉ុណ្ណោះ តែអ្នកមានប្រហែលជាមិនបែបនេះយ៉ាងតាមខ្ញុំយល់។

Oct 04, 2012 04:35 AM