តុលាការកាត់ទោសបុរសជនជាតិស្វីសម្នាក់ឲ្យជាប់ពន្ធនាគារ៥ឆ្នាំ
ទីភ្នាក់ងារព័ត៌មានបារាំង អា.អេហ្វ.ប៉េ (AFP) ឲ្យដឹងថា តុលាការបានបង្គាប់ឲ្យសមត្ថកិច្ចបណ្ដេញបុរសជនជាតិស្វីសនោះ ចេញពីប្រទេសកម្ពុជា ក្រោយពីលោកជាប់ពន្ធនាគាររយៈពេល៥ឆ្នាំរួចហើយ និងសងប្រាក់ជំងឺចិត្តដល់ជនរងគ្រោះចំនួន៥០០ដុល្លារអាមេរិក។
អង្គការក្រៅរដ្ឋាភិបាលការពារសិទ្ធិកុមារនៅកម្ពុជាឈ្មោះ Action Pour Les Enfants (APLE) បានឲ្យដឹងថា ហ៊ូហ្គូ លឺតហូល ធ្លាប់ត្រូវបានតុលាការកម្ពុជា កាត់ទោសឲ្យជាប់ពន្ធនាគារចំនួន២ឆ្នាំម្តងរួចហើយ ពីបទរួមភេទជាមួយកុមារ៤នាក់ ដែលមានអាយុចន្លោះពី១១ឆ្នាំទៅ១៣ឆ្នាំ កាលពីឆ្នាំ២០១០។
លោកបន្តថា ប៉ុន្តែ ហ៊ូហ្គូ ត្រូវបានដោះលែងទៅវិញ ក្រោយជាប់ពន្ធនាគារចំនួន១០ខែ។ លោក ដុន វិបុល មេធាវីការពារក្តីឲ្យ ហ៊ូហ្គូ លឺតហូល បានឲ្យដឹងថា កូនក្តីរបស់លោកបដិសេធការចោទប្រកាន់ ហើយថាលោកនឹងប្ដឹងឧទ្ធរណ៍៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
