រដ្ឋាភិបាល​រៀបចំ​ពិធី​អបអរ​ការ​ដាក់​បញ្ចូល​ប្រាសាទ​សំបូរ​ព្រៃ​គុក​ជា​សម្បត្តិ​ពិភពលោក

ដោយ អ៊ុង សេរីវុទ្ធ
2017-07-17
អ៊ីម៉ែល
មតិ
ចែករំលែក
បោះពុម្ព
  • បោះពុម្ព
  • ចែករំលែក
  • មតិ
  • អ៊ីម៉ែល
ប្រាសាទ​តោ​នៅ​ក្នុង​បរិវេណ​រមណីយដ្ឋាន​ប្រាសាទ​សំបូរ​ព្រៃ​គុក ស្ថិត​នៅ​ឃុំ​សំបូរ ស្រុក​ប្រាសាទសំបូរ ខេត្ត​កំពង់ធំ។ រូបថត​ថ្ងៃ​ទី​១២ ខែ​កញ្ញា ឆ្នាំ​២០១៦។
ប្រាសាទ​តោ​នៅ​ក្នុង​បរិវេណ​រមណីយដ្ឋាន​ប្រាសាទ​សំបូរ​ព្រៃ​គុក ស្ថិត​នៅ​ឃុំ​សំបូរ ស្រុក​ប្រាសាទសំបូរ ខេត្ត​កំពង់ធំ។ រូបថត​ថ្ងៃ​ទី​១២ ខែ​កញ្ញា ឆ្នាំ​២០១៦។
RFA/Saut Sokprathna

រាជរដ្ឋាភិបាល​កម្ពុជា​រៀបចំ​ពិធី​អបអរសាទរ​ការ​ដាក់​បញ្ចូល​តំបន់​ប្រាសាទ​សំបូរ​ព្រៃគុក ដែល​ស្ថិត​ក្នុង​ខេត្ត​កំពង់ធំ ក្នុង​បញ្ជី​បេតិកភណ្ឌ​ពិភពលោក នៅ​ល្ងាច​ថ្ងៃ​ទី១៧ កក្កដា ក្នុង​បរិវេណ​ពហុកីឡាដ្ឋាន​ជាតិ​អូឡាំពិក

ពិធី​នេះ​​មាន​ការ​ចូលរួមដោយ​លោក​នាយករដ្ឋមន្ត្រី ហ៊ុន សែន មន្ត្រី​ជាន់ខ្ពស់​រាជរដ្ឋាភិបាល អ្នក​មុខ​អ្នក​ការ​គ្រប់​ជាន់ថ្នាក់ និង​ប្រជាពលរដ្ឋ​ប្រមាណ​ជាង​១​ម៉ឺន​នាក់។

លោក ហ៊ុន សែន ថ្លែង​ក្នុង​ពិធី​ដោយ​កំណត់​យក​ថ្ងៃ​ទី១០ ខែ​កក្កដា រៀងរាល់​ឆ្នាំ ប្រារព្ធ​ទិវា​នៃ​ការ​ដាក់​បញ្ចូល​តំបន់​ប្រាសាទនេះ​ជា​សម្បត្តិ​បេតិកភណ្ឌ​ពិភពលោក។ លើស​ពី​នេះ​ទៀត លោក ហ៊ុន សែន ស្នើ​ដល់​ពលរដ្ឋ​ខ្មែរ​ទាំងអស់ត្រូវ​ចូលរួម​ធ្វើ​កិច្ចការ​រួម​គ្នា​បន្ត​ទៀត ដើម្បី​ស្នើ​ដាក់​បញ្ចូល​ប្រាសាទ​កោះ​កេរ្តិ៍ ប្រាសាទ​បន្ទាយឆ្មារ និង​តំបន់​ភ្នំ​គូលែន​ជាដើម ជា​សម្បត្តិ​បេតិកភណ្ឌ​ពិភពលោក​ទៅ​ថ្ងៃ​មុខ។

ក្រៅ​ពី​នេះ​លោក​ ហ៊ុន សែន ក៏​​អំពាវនាវ​​ពលរដ្ឋឲ្យ​ពិនិត្យ​មើល​ថា តើ​គណបក្ស​នយោបាយ​ណាមួយ​ដែល​មាន​សមត្ថភាព​គ្រប់គ្រាន់ អាច​ដឹកនាំ​ប្រទេស​ប្រកបដោយ​សន្តិភាព ដើម្បី​ជំរុញ​ការ​ការពារ និង​លើក​ស្ទួយ​វិស័យ​វប្បធម៌​របស់​កម្ពុជា ខណៈ​ដែល​លោក​អះអាង​ថា នេះ​ជា​កិច្ច​ខំប្រឹងប្រែង​របស់​រដ្ឋាភិបាល​ដែល​ដឹកនាំ​ដោយ​លោក​ផ្ទាល់។

តំបន់​ប្រាសាទ​សំបូរ​ព្រៃគុក ត្រូវ​បាន​ដាក់​បញ្ចូល​ក្នុង​បញ្ជី​សម្បត្តិ​បេតិកភណ្ឌ​ពិភពលោក ដោយ​អង្គការ​យូណេស្កូ (UNESCO) កាល​ថ្ងៃ​ទី៨ ខែ​កក្កដា ឆ្នាំ​២០១៧ នា​ទីក្រុង​ក្រាកូវ (Cracow) ប្រទេស​ប៉ូឡូញ (Poland) បន្ទាប់​ពី​កម្ពុជា​បាន​ស្នើ​អង្គការ​យូណេស្កូ​ពិនិត្យ​ដាក់​តំបន់​ប្រាសាទ​នេះ​ក្នុង​បញ្ជី​បេតិកភណ្ឌ​ពិភពលោក កាល​ពី​ឆ្នាំ​២០០៩។

បច្ចុប្បន្ន​កម្ពុជា​មាន​សម្បត្តិ​វប្បធម៌​​ទាំងរូបី និងអរូបី ដែល​ត្រូវ​បាន​អង្គការ​យូណេស្កូ​ទទួល​ស្គាល់​ក្នុង​បញ្ជី​បេតិកភណ្ឌ​ពិភពលោក មាន​ដូចជា តំបន់​ប្រាសាទ​អង្គរ ប្រាសាទ​ព្រះវិហារ ចាប៉ីដងវែង ល្ខោន​ស្រមោល​ស្បែកធំ ​របាំ​ព្រះរាជ្យទ្រព្យ​ និង​តំបន់​ប្រាសាទ​សំបូរ​ព្រៃគុក​នៅ​ពេល​នេះ

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (0)
  • បោះពុម្ព
  • ចែករំលែក
  • អ៊ីម៉ែល
គេហទំព័រ​ទាំងមូល