អាល្លឺម៉ង់ផ្ដល់ជំនួយដល់អង្គការខុមហ្រ្វែលសម្រាប់ការងារបោះឆ្នោត
ដោយ ហាស់ សាន
2008-07-02
ស្ថានទូតសហព័ន្ធសាធារណរដ្ឋអាល្លឺម៉ង់ប្រចាំកម្ពុជា បានចេញសេចក្តីប្រកាសព័ត៌មាននៅថ្ងៃអង្គារ ទី១ កក្កដា ថា នឹងផ្តល់ថវិកា ៣ម៉ឺន៥ពាន់ដុល្លារអាមេរិក ដល់អង្គការ ខុមហ្វ្រែល ក្នុងកិច្ចប្រឹងប្រែង ចូលរួមធ្វើឲ្យការបោះឆ្នោតខាងមុខនេះប្រព្រឹត្តទៅតាមគន្លងមាគ៌ាប្រជាធិបតេយ្យ ។
អង្គការ ខុមហ្រ្វែល កំពុងហ្វឹកហ្វឺននិងរាយកម្លាំងមនុស្សឃ្លាំមើលការបោះឆ្នោតដល់ទៅ ១ម៉ឺននាក់ទូទាំងប្រទេស ។
ឯកអគ្គរដ្ឋទូតអាលឺ្លម៉ង់ លោក Frank Mann មានប្រសាសន៍ក្នុងសេចក្តីប្រកាសព័ត៌មាននោះថា ការបោះឆ្នោតដោយសេរីនិងយុត្តិធម៌ ជាលក្ខខណ្ឌចាំបាច់សម្រាប់សង្គមប្រជាធិបតេយ្យ ហើយលោកសង្ឃឹមថា ពលរដ្ឋខ្មែរគ្រប់រូប ជាពិសេសយុវជន នឹងប្រើសិទ្ធិរបស់ខ្លួនទៅបោះឆ្នោត ៕
ឧបករណ៍រឿង
|
អ៊ីម៉េល |
|
ព្រឹត្តិបត្រព័ត៌មាន |
|
បោះពុម្ព |
