មន្ត្រីហ៊្វុនស៊ិនប៉ិច ថាសមាជិកបក្សសមរង្ស៊ីនិងសិទ្ធិមនុស្សចូលរួមជាមួយបក្សខ្លួន

មន្ត្រីជាន់ខ្ពស់គណបក្សហ៊្វុនស៊ិនប៉ិច អះអាងថា មានសមាជិកគណបក្ស សម រង្ស៊ី និងគណបក្សសិទ្ធិមនុស្ស ជាង១ពាន់នាក់ បានសម្រេចបោះបង់ចោលគណបក្សរបស់ខ្លួន ដើម្បីទៅចូលរួមជាមួយគណបក្សរាជានិយមហ៊្វុនស៊ិនប៉ិច។

ដោយ សុ ជីវី
2012-09-01

h083112in-a1.mp3

អគ្គលេខាធិការគណបក្សហ៊្វុនស៊ិនប៉ិច លោក ញឹក ប៊ុនឆៃ មានប្រសាសន៍នៅរសៀលថ្ងៃទី៣១ ខែសីហា ថា គណបក្សរបស់លោកនឹងធ្វើពិធីទទួលថ្នាក់ដឹកនាំសំខាន់ៗ នៅក្នុងខេត្តបន្ទាយមានជ័យ ដែលចាកចេញពីគណបក្ស សម រង្ស៊ី និងគណបក្សសិទ្ធិមនុស្ស នៅថ្ងៃទី១ ខែកញ្ញា។ លោក ញឹក ប៊ុនឆៃ បញ្ជាក់ថា សមាជិកថ្មីទាំងនេះ គឺធ្លាប់ជាសមាជិកចាស់របស់គណបក្សហ៊្វុនស៊ិនប៉ិច ជាអ្នកដែលស្រឡាញ់រាជានិយម ហើយការត្រឡប់មកវិញនេះ គឺនៅក្រោយពេលដែលមានព័ត៌មានពីការច្របាច់បញ្ចូលគ្នារវាងគណបក្សហ៊្វុនស៊ិនប៉ិច និងគណបក្សជាតិនិយម អតីតគណបក្ស នរោត្តម រណឫទ្ធិ។

លោក ញឹក ប៊ុនឆៃ រំពឹងថា ចំនួនអ្នកដែលនឹងទៅចូលរួមជាមួយគណបក្សរាជានិយម អាចនឹងមានកើនឡើងទៀត៖ «មែនទែនពួកនោះសុទ្ធតែហ៊្វុនស៊ិនប៉ិច ខ្ញុំតាំងពីមុនតើ។ ដល់ពេលដែលហ៊្វុនស៊ិនប៉ិច វាបែកបាក់គ្នាអីទៅណេះទៅណោះទៅ គាត់ក៏ទៅនេះទៅនោះ ទៅខាងសិទ្ធិមនុស្ស ទៅខាង សម រង្ស៊ី អីទៅ។ ដល់ទៅអ៊ីចឹង គាត់ត្រឡប់មកវិញ ពួកនោះដល់ទៅឃើញខ្ញុំរួបរួមគ្នាអីទៅ គាត់ក៏ត្រឡប់មកវិញ»។

ការអះអាងពីការចុះចូលរបស់សមាជិកជាង១ពាន់នាក់ នៃគណបក្ស សម រង្ស៊ី និងគណបក្សសិទ្ធិមនុស្ស ដែលទៅចូលរួមជាមួយគណបក្សហ៊្វុនស៊ិនប៉ិច បានកើតឡើងនៅមួយសប្ដាហ៍ក្រោយពីមានការអះអាងថា សមាជិកគណបក្សហ៊្វុនស៊ិនប៉ិច នៅក្នុងខេត្តកំពត ជាច្រើននាក់ បានទៅចូលរួមជាមួយគណបក្សសង្គ្រោះជាតិ ដែលជាគណបក្សរួបរួមគ្នារវាងគណបក្ស សម រង្ស៊ី និងគណបក្សសិទ្ធិមនុស្ស៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។

អត្ថបទដែលទាក់ទង

មតិ (4)

ចុចត្រង់នេះដើម្បីបន្ថែមយោបល់របស់អ្នក

អ្នកអានអនាមិក

ពី Kampong Spue

I do not believe you Mr Chai, Only dog or rate can belive FUNCINPEC, Truely, I was former FUNCINPEC. Cheating, Betray to kneel down below HUN SEN Legs.
Inflate the data, none go to you , do not think, dreaming at all. Ha ha . Monkey

Sep 03, 2012 07:19 PM

Ratha

ពី Lowell

FUNCINPEC is gone forever and it will never recover. In truth, it is just a proxy of CPP. Anyone who chooses to vote for FUNCINPEC hoping to get rid off CPP has miserably failed. FUNCINPEC is UNDER the proxy care of CPP. If anyone wishes to gain personal compensation, don't vote for FUNCIPEC but for CPP. Anyone who cares about Cambodia and her future should vote for new opposition party - it is the only hope for our country.

Sep 03, 2012 09:35 AM