អង្គការឃ្លាំមើលសិទ្ធិសេរីភាពពិភពលោកចាត់ថ្នាក់កម្ពុជាជាប្រទេសគ្មានសេរីភាព
2015.01.28
សកម្មជនដីធ្លីតំបន់បឹងកក់ លោកស្រី បូ ឆវី (រូបជាប់ខ្នោះដៃ) និងលោកស្រី ង៉ែត ឃុន ក្នុងបន្ទប់សវនាការនៅសាលាឧទ្ធរណ៍ កាលពីថ្ងៃទី២៦ មករា ២០១៥។ ស្ត្រីសកម្មជនដីធ្លី ១០នាក់ ត្រូវបានអាជ្ញាធរចាប់ឃុំខ្លួនកាលពីអំឡុងខែវិច្ឆិកា ២០១៤។
អង្គការឃ្លាំមើលសិទ្ធិសេរីភាពពិភពលោក ហ្វ្រីដឹម ហោស (Freedom House) កាលពីថ្ងៃពុធ ទី២៨ ខែមករា ផ្សាយរបាយការណ៍ស្ដីពីសិទ្ធិសេរីភាពសម្រាប់ឆ្នាំ២០១៥។
របាយការណ៍នេះបានសិក្សាទៅលើប្រទេសចំនួន ១៩៥ប្រទេសក្នុងពិភពលោក រួមទាំងប្រទេសកម្ពុជា ផងដែរ។ អង្គការសិក្សាផ្ដោតលើផ្នែកសំខាន់ចំនួនបីរួមមានសិទ្ធិសេរីភាព សេរីភាពនយោបាយ និងសេរីភាពផ្នែកពលរដ្ឋ ដោយដាក់ចំណាត់ថ្នាក់ពីមួយរហូតដល់ ៧ មានន័យថា លេខមួយល្អបំផុត ឬមានសេរីភាពពេញលេញ ចំណែកលេខ៧ គឺអាក្រក់បំផុត ឬគ្មានសេរីភាពទាល់តែសោះ។ អង្គការនេះ បានដាក់ចំណាត់ថ្នាក់ឲ្យកម្ពុជា ចំពោះផ្នែកសិទ្ធិសេរីភាព សេរីភាពនយោបាយ និងសេរីភាពផ្នែកពលរដ្ឋពីលំដាប់ថ្នាក់ពី ៥ ទៅដល់ ៦ មានន័យថា កម្ពុជាជាប្រទេសគ្មានសេរីភាព។
ដោយឡែកនៅប្រទេសជិតខាងកម្ពុជា គឺប្រទេសថៃ សិទ្ធិសេរីភាពផ្នែកនយោបាយ និងពលរដ្ឋ បានធ្លាក់ចុះយ៉ាងខ្លាំងដោយសាររដ្ឋប្រហាយោធាទម្លាក់រដ្ឋាភិបាលជាប់ឆ្នោត។ របាយការណ៍បញ្ជាក់ថា របបផ្តាច់ការបានប្រើប្រាស់មធ្យោបាយគាបសង្កត់ទៅលើពលរដ្ឋ និងការវាយប្រហារផ្នែកភេរវកម្មបណ្តាលឲ្យសិទ្ធិសេរីភាពបន្តធ្លាក់ចុះជាលំដាប់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- វៀតណាមព្រមានថា ព្រែកជីកហ្វូណនតេជោអាចជួយសម្រួលវត្តមានយោធាចិនក្នុងទឹកដីកម្ពុជាកាន់តែជ្រៅ
- ពលរដ្ឋនៅតំបន់បឹងតាមោក ចោទប្រកាន់អាជ្ញាធរខណ្ឌព្រែកព្នៅថា ប្រើអំពើហិង្សា
- អាជ្ញាធរក្រុងភ្នំពេញមិនអនុញ្ញាតឱ្យបក្សកម្លាំងជាតិធ្វើបាតុកម្ម នៅទីលានប្រជាធិបតេយ្យ
- ក្រសួងដែនដីបានហៅអតិថិជនបុរីពិភពថ្មីទៅពិភាក្សា ដើម្បីរកដំណោះស្រាយ
- ពលរដ្ឋខ្មែរ-អូស្ត្រាលីម្នាក់ ដែលរិះគន់រដ្ឋាភិបាលកម្ពុជា រងការវាយដំពីជនមិនស្គាល់មុខមួយក្រុម ពេលទៅលេងស្រុកខ្មែរ
