នាយករដ្ឋមន្ត្រីប្រកាសថានឹងលែងមានដីត្រួតស៊ីគ្នារវាងពលរដ្ឋនិងក្រុមហ៊ុនឯកជន
លោកបានអះអាងថា រដ្ឋាភិបាលនឹងអនុវត្តយុទ្ធសាស្ត្រឈ្នះឈ្នះ ក្នុងការអភិវឌ្ឍប្រទេស។
ថ្លែងនៅក្នុងពិធីចែកប័ណ្ណកម្មសិទ្ធិដីធ្លីជូនប្រជាពលរដ្ឋ នៅស្រុកឈូក ខេត្តកំពត នៅថ្ងៃទី១០ ខែតុលា។ លោក ហ៊ុន សែន បញ្ជាក់ថា រដ្ឋាភិបាលនឹងអនុវត្តគោលនយោបាយបញ្ច្រាសពីក្រោមទៅលើវិញ ដើម្បីកំណត់ព្រំដីរបស់ប្រជាពលរដ្ឋគម្របព្រៃឈើ និងព្រំដីអនុបយោគឲ្យក្រុមហ៊ុនវិនិយោគ ដែលកន្លងមក រដ្ឋាភិបាលបានអនុវត្តពីលើទៅក្រោម ដែលសំឡឹងតែទៅលើផែនទី។
លោក ហ៊ុន សែន បន្តថា ក្រោយពីបញ្ចប់ការវាស់វែងដីធ្លីជូនប្រជាពលរដ្ឋចប់សព្វគ្រប់ នឹងមានការសើរើ និងកំណត់ឡើងវិញនូវតំបន់គម្របព្រៃឈើ ដែលតំបន់ខ្លះស្ថិតក្នុងគម្របព្រៃឈើ តែមិនមានព្រៃឈើនោះទេ ហើយតំបន់ទាំងនោះត្រូវកាត់ចេញពីតំបន់គម្របព្រៃឈើ ទុកចែកជូនប្រជាពលរដ្ឋ។ ម្យ៉ាងវិញទៀត សម្រាប់ដីវិនិយោគឲ្យក្រុមហ៊ុន គឺអនុវត្តន៍តែលើផ្ទៃដីណាបន្ទាប់ពីការវាស់ដីឲ្យប្រជាពលរដ្ឋតែប៉ុណ្ណោះ ហើយវានឹងគ្មានការត្រួតស៊ីគ្នា រវាងដីប្រជាពលរដ្ឋជាមួយដីសម្បទានសេដ្ឋកិច្ចឲ្យក្រុមហ៊ុនទៀតទេ។
លោក ហ៊ុន សែន៖ «យើងត្រូវចាប់ផ្ដើមរៀបចំឡើងវិញទាំងអស់។ ទី១ គឺត្រូវកំណត់អំពីផែនទីគម្របព្រៃឈើឡើងវិញ ព្រោះគម្របព្រៃឈើរបស់យើងស្ពាយនៅក្នុងផែនទីទៅ តែវាអត់មានព្រៃឈើទេ។ វាមានដំឡូងមី វាមានផ្ទះរបស់ប្រជាពលរដ្ឋ វាមានដើមចេក វាមានស្អីគេអ៊ីចឹងទៅ។ អ៊ីចឹង ត្រូវដកចេញពីគម្របព្រៃឈើចេញទៅ។ មួយទៀត ក្រុមហ៊ុនត្រូវអនុវត្តតែលើផ្ទៃដីណាបន្ទាប់ពីការវាស់វែងដីឲ្យប្រជាពលរដ្ឋរួចហើយតែប៉ុណ្ណោះ អត់មានពាក្យថាដីត្រួតស៊ីគ្នារវាងក្រុមហ៊ុន និងប្រជាជនទេ។ សូមបញ្ជាក់កុំឲ្យមានអាភាសាហ្នឹង ដីធ្លីរបស់យើង គឺមានតម្លៃសម្រាប់ការប្រើប្រាស់របស់ប្រជាពលរដ្ឋផង និងសម្រាប់ការវិនិយោគផងដែរ»។
លោក ហ៊ុន សែន បានហៅយុទ្ធសាស្ត្រនេះជាយុទ្ធសាស្ត្រឈ្នះឈ្នះ ដើម្បីអភិវឌ្ឍន៍។ លោកបន្តថា ប្រទេសដែលរីកចម្រើនជឿនលឿន គឺមិនមែនប្រទេសដែលខ្វះការវិនិយោគនោះទេ ក៏ប៉ុន្តែ ការផ្តល់ដីបន្ថែមសម្រាប់ក្រុមហ៊ុនវិនិយោគ ត្រូវផ្អាករយៈពេលវែង រហូតផ្អាកដល់ពេលដែលលោកចូលនិវត្តន៍៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អ្នកអានអនាមិក
លែងមានប្លង់ដីត្រួតគ្នាមុនពេលបោះឆ្នោតតែបោះឆ្នោតរួចហើយច្សាស់ជាមានទៀតហើយខ្មែរត្រូវយល់ពីឈ្មោះហ៊ុនសែន
ហ៊ុន=មានភាគហ៊ុនខ្យល់គ្រប់ក្រុមហ៊ុនទាំងអ់ស
សែន=ស៊ីសំណូកនិងសំណែនមិនរើស។
Oct 13, 2012 06:53 PM
Peter
A Khmer who knows Khmer language should be able analize what is HUN & SEN
Oct 11, 2012 10:55 AM
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
