នេះបើតាមសេចក្តីប្រកាសមួយរបស់លោកចៅក្រម ប្រាក់ គឹមសាន ប្រធានអង្គបុរេជំនុំជម្រះនៃសាលាក្តីខ្មែរក្រហម ។
សំណុំរឿងបណ្តឹងឧទ្ធរណ៍សុំនៅក្រៅឃុំរបស់លោកស្រី អៀង ធីរិទ្ធ ត្រូវបានសាលាក្តីខ្មែរក្រហម បើកសវនាការជាសាធារណៈរយៈពេលមួយថ្ងៃ គឺនៅថ្ងៃទី២១ ខែឧសភា កន្លងទៅនេះ ។
សូមជម្រាបថា កាលណោះ លោកស្រី អៀង ធីរិទ្ធ បានឡើងសម្ពាធឈាមរហូតមិនអាចស៊ូទ្រាំតទល់ក្នុងសវនាការនោះបាន ។ លោកស្រី អៀង ធីរិទ្ធ មានប្រសាសន៍ថា ការឡើងសម្ពាធឈាមនេះ គឺបណ្តាលមកពីសំណួរមួយចំនួននៅក្នុងសវនាការនោះ បានធ្វើឲ្យលោកស្រីក្រេវក្រោធ ។
សហមេធាវីរបស់លោកស្រី អៀង ធីរិទ្ធ ដែលបានប្តឹងឧទ្ធរណ៍សុំនៅក្រៅឃុំនោះ គឺដោយសំអាងថា លោកស្រី អៀង ធីរីទ្ធ មានជំងឺផ្នែកផ្លូវចិត្ត ។
លោកស្រី អៀង ធីរិទ្ធ ត្រូវបានអនុញ្ញាតឲ្យនាំទៅកាន់បន្ទប់សម្រាក ដោយទុកតួនាទីដល់សហមេធាវីទាំងពីរ បន្តការតវ៉ាក្នុងអង្គសវនាការរហូតការបញ្ចប់សវនាការក្នុងថ្ងៃដដែលនោះ ។
លោកស្រី អៀង ធីរិទ្ធ បានជាប់ឃុំជាមួយប្តីរបស់លោកស្រីគឺ លោក អៀង សារី អតីតរដ្ឋមន្ត្រីក្រសួងការបរទេសនៃរបបខ្មែរក្រហម ចាប់តាំងពីថ្ងៃទី១៤ ខែវិច្ឆិកា ឆ្នាំ២០០៧ មក ដោយលោកស្រីរងការចោទជាពីបទឧក្រិដ្ឋកម្មប្រឆាំងនឹងមនុស្សជាតិ ៕