រដ្ឋាភិបាល​ភ្ជាប់​ថ្ងៃ​បុណ្យ​ឯករាជ្យ​ជាតិ​ទៅ​នឹង​ការ​រំលឹក​​ព្រះ​វិញ្ញាណក្ខន្ធ

រដ្ឋាភិបាល​បាន​រំលឹក​ពី​ថ្ងៃ​ឈប់​សម្រាក​នៅ​ថ្ងៃ​ទី​៩ ខែ​វិច្ឆិកា ឆ្នាំ​២០១២ ដែល​ជា​ថ្ងៃ​បុណ្យ​ឯករាជ្យ​ជាតិ​លើក​ទី​៥៩ ហើយ​បាន​ភ្ជាប់​ទៅ​នឹង​ការ​រំលឹក​នូវ​ព្រះ​វិញ្ញាណក្ខន្ធ​របស់​អតីត​ព្រះ​មហា​ក្សត្រ ព្រះបាទ សម្ដេច​ព្រះ នរោត្ដម សីហនុ។
ដោយ ខែ សុណង
2012-11-08
អ៊ីម៉ែល
មតិ
ចែករំលែក
បោះពុម្ព
  • បោះពុម្ព
  • ចែករំលែក
  • មតិ
  • អ៊ីម៉ែល

លោក​នាយក​រដ្ឋមន្ត្រី ហ៊ុន សែន ថ្លែង​នៅ​ពិធី​ចែក​សញ្ញាប័ត្រ​ដល់​និស្សិត​នៅ​ឯ​វិទ្យាស្ថាន​ជាតិ​អប់រំ នៅ​ថ្ងៃ​ទី​៨ វិច្ឆិកា ឆ្នាំ​២០១២ ថា ថ្ងៃ​ទី​៩ ខែ​វិច្ឆិកា ដែល​ជា​ថ្ងៃ​បុណ្យ​ឯករាជ្យ​ជាតិ​លើក​ទី​៥៩ គឺ​ជា​ថ្ងៃ​ដែល​បាន​មក​ពី​ព្រះរាជបូជនីយកិច្ច​របស់​ព្រះ​មហា​វីរក្សត្រ សម្ដេច​ព្រះ នរោត្ដម សីហនុ ដែល​បាន​ខិតខំ​ទាមទារ​ឯករាជ្យ​ពី​អាណានិគម​បារាំង តាំង​ពី​ឆ្នាំ​១៩៥៣ មក។

លោក ហ៊ុន សែន៖ «ថ្ងៃ​ស្អែក​គឺ​ជា​ថ្ងៃ​សម្រាក​ក្នុង​ខួប​លើក​ទី​៥៩ នៃ​ថ្ងៃ​ឯករាជ្យ​របស់​យើង ហើយ​រំលឹក​ទៅ​ដល់​ថ្ងៃ​ខួប​ឯករាជ្យ​ជាតិ​នេះ ក៏​រំលឹក​ទៅ​ដល់​គោរព​វិញ្ញាណក្ខន្ធ​របស់​សម្ដេច​ឪ សម្ដេច​តា សម្ដេច​តាទួត​របស់​យើង ដែល​ព្រះអង្គ​បាន​ធ្វើ​ព្រះរាជ​បូជនីយកិច្ច​ទាមទារ​នូវ​ឯករាជ្យ ៩ វិច្ឆិកា ១៩៥៣។ ឥឡូវ​នេះ​មក​ដល់​៩ វិច្ឆិកា ២០១២ មាន​រយៈពេល ៥៩​ឆ្នាំ​ហើយ»

រដ្ឋាភិបាល​តែង​ប្រារព្ធ​ពិធី​បុណ្យ​ឯករាជ្យ​ជាតិ នៅ​ថ្ងៃ​ទី​៩ វិច្ឆិកា ជា​រៀងរាល់​ឆ្នាំ​នៅ​ឯ​វិមាន​ឯករាជ្យ រាជធានី​ភ្នំពេញ ហើយ​ប្រជាពលរដ្ឋ​ក៏​ត្រូវ​បាន​អនុញ្ញាត​ឲ្យ​ឈប់​សម្រាក​ពី​ការងារ​ដើម្បី​អបអរ​សាទរ​ពិធី​នេះ​ដែរ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

មតិ (0)
  • បោះពុម្ព
  • ចែករំលែក
  • អ៊ីម៉ែល