ប្រជា​នេសាទ​នៅ​កំពត​ត្អូញ​ពី​ការ​ពិបាក​ចត​ទូក​ដោយសារ​គំនរ​ខ្សាច់

ប្រជា​នេសាទ​ក្រុង​កំពត ត្អូញ​ពី​ការ​លំបាក​ចត​ទូក​នៅ​កន្លែង​ដែល​ធ្លាប់​ជួញដូរ​ផល​នេសាទ​តាំង​ពី​យូរ​លង់​មក​ហើយ ដោយសារ​គំនរ​ខ្សាច់​ចាក់​គរ​រំខាន​ការ​ឡើង​ច្រាំង​នៅ​ក្នុង​ខែ​នេះ។
ដោយ អ៊ុក សាវបូរី
2012-03-15
អ៊ីម៉ែល
មតិ
ចែករំលែក
បោះពុម្ព
  • បោះពុម្ព
  • ចែករំលែក
  • មតិ
  • អ៊ីម៉ែល

តំណាង​ប្រជា​នេសាទ​ត្រើយ​កោះ និង​អណ្តូងខ្មែរ លោក នាក់ សេម បាន​ឲ្យ​ដឹង​ថា កន្លង​មក​អ្នក​នេសាទ​ធ្លាប់​ចត​ទូក​នៅ​កំពង់ដ ភូមិ​សុវណ្ណ​សាគរ ដើម្បី​ជួញដូរ​ផល​សមុទ្ទ​នៅ​ក្នុង​សង្កាត់​កំពង់បាយ ក្បែរ​សាលា​ខេត្ត។ ប៉ុន្តែ​បច្ចុប្បន្ន​មាន​ឈ្មួញ​ចាក់​ខ្សាច់​ពាសពេញ​មាត់​ច្រាំង ធ្វើ​ឲ្យ​ពួកគាត់​លំបាក​លើក​ដាក់​អីវ៉ាន់​យក​ទៅ​លក់។ លោក​ថា ទោះ​ជា​យ៉ាង​ណា អាជ្ញាធរ​មិន​ទាន់​ដេញ​ពួក​គាត់​ពី​ចំណត​ធ្លាប់​ចត​នោះ​ទេ។

ចៅ​សង្កាត់​កំពង់បាយ រង​ទី​១ ក្រុង​កំពត ខេត្ត​កំពត លោក សេង សៀង អះអាង​ថា មាន​ឈ្មួញ​យក​ខ្សាច់​មក​ចាក់​ក្បែរ​មាត់​ព្រែក​កំពង់បាយ សំរាប់​ជួញដូរ​ពិត​មែន។ ប៉ុន្តែ​ទូក​នេសាទ​មិន​បាន​ចត​នៅ​ទី​នោះ ដើម្បី​ជួញ​ផល​នេសាទ​សមុទ្ទ​ទេ គេ​ច្រើន​ចត​នៅ​ភូមិ​អណ្ដូង​ខ្មែរ។ លោក​ថា ខ្សាច់​នោះ​បាន​បូម​ពី​ព្រែក​កំពង់បាយ យក​មក​ចាក់​នៅ​ទី​នេះ​ដើម្បី​ដឹក​ចេញ​ទៅ​កន្លែង​ផ្សេង​ទៀត។

អាជ្ញាធរ​ខេត្ត​កំពត បាន​ឲ្យ​ដឹង​ថា ការ​ចាក់​ខ្សាច់​នោះ​គឺ​អាជ្ញាធរ​មាន​បំណង​កែ​លម្អ​មាត់​ព្រែក​ផង និង​ធ្វើ​សួន​ច្បារ​ផង ពីព្រោះ​នៅ​ក្នុង​ក្រុង​កំពត បច្ចុប្បន្ន សំបូរ​ក្រុម​ទេសចរ​បរទេស ដើរ​កម្សាន្ត​តាម​នោះ ទើប​សាលា​ខេត្ត​រៀបចំ​សម្អាត​ទីក្រុង​បន្ត​បន្ទាប់៕

កំណត់​ចំណាំ៖ ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ ដើម្បី​រក្សា​សេចក្ដី​​ថ្លៃថ្នូរ យើង​​ខ្ញុំ​នឹង​ផ្សាយ​តែ​មតិ​ណា​ដែល​មិន​​ជេរ​​ប្រមាថ​​ដល់​​អ្នក​​ដទៃ​តែ​ប៉ុណ្ណោះ។

មតិ (0)
  • បោះពុម្ព
  • ចែករំលែក
  • អ៊ីម៉ែល