សាក្សីមិននិយាយពីការពាក់ព័ន្ធរបស់បរទេសនៅក្នុងរបបខ្មែរក្រហម

នៅថ្ងៃទី ៥ កញ្ញា នេះ អង្គជំនុំជម្រះសាលាក្ដីខ្មែរក្រហម បន្តស្ដាប់សាក្សី នង សុផង់ អតីតប្រធានក្រុមអ្នកបកប្រែសារទូរលេខ នៃកម្ពុជាប្រជាធិបតេយ្យ។

ដោយ ឡេង ម៉ាលី
2012-09-06

សវនាការនៅថ្ងៃនេះ សាក្សី នង សុផង់ ថ្លែងបញ្ជាក់ជូនចៅក្រមអង្គជម្រះថា លោកមិនធ្លាប់បានទទួលសារទូរលេខឆ្លើយឆ្លងរវាងកម្ពុជាប្រជាធិបតេយ្យ និងអន្តរជាតិ មកបកប្រែទេ។ លោកបន្តថា សាលាក្ដីខ្មែរក្រហមនេះ មិនមានអំណាចជំនុំជម្រះចាប់កំហុសជនបរទេស ឬប្រទេសដទៃទេ ដូច្នេះ លោកមិននិយាយទេ បើទោះជាលោកដឹងក៏ដោយ។

សាក្សី នង សុផង់៖ «អ៊ីចឹងហើយ ការដែលខ្ញុំលើក គឺវាអត់មានន័យខ្លឹមសារអីទេ។ ទោះបីខ្ញុំដឹងក៏ដោយ ក៏ខ្ញុំមិននិយាយ កុំឱ្យខុសវិធានរបស់តុលាការ។ សុំអធ្យាស្រ័យ។ តែប្រសិនបើអង្គការនេះ មានសមត្ថភាពកាត់ទោសពួកបរទេស ដែលមានលូកដៃពាក់ព័ន្ធក្នុងសង្គ្រាមនៅកម្ពុជា ខ្ញុំនឹងរីករាយមកធ្វើសក្ខីកម្មទៀត ហើយក៏សុំអស់លោកប្រមូលឯកសារឱ្យបានច្បាស់លាស់»។

ការថ្លែងបញ្ជាក់របស់សាក្សី នង សុផង់ បែបនេះ គឺបន្ទាប់ពីសហចៅក្រមអន្តរជាតិ សួរលោកថា តើមានទូរលេខពីភ្នំពេញ ចេញទៅបរទេស និងពីបរទេសមកភ្នំពេញ វិញដែរឬទេ? សាក្សីបញ្ហានេះ គឺទាក់ទងនឹងក្រសួងការបរទេស។

ការស្ដាប់សាក្សី នង សុផង់ នឹងអាចបញ្ចប់នៅថ្ងៃទី៦ ខែកញ្ញា បន្ទាប់ពីការសាកសួររបស់ក្រុមមេធាវីការពារជនជាប់ចោទ អៀង សារី។ បន្ទាប់ពីសាក្សី នង សុផង់ អង្គជំនុំជម្រះគ្រោងស្ដាប់សាក្សីថ្មី មិនទាន់បញ្ចេញឈ្មោះមួយរូបទៀត ដែលមានរហស្សនាម ឬឈ្មោះសម្ងាត់ថា TCW 307៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។

អត្ថបទដែលទាក់ទង

មតិ (2)

ចុចត្រង់នេះដើម្បីបន្ថែមយោបល់របស់អ្នក

អ្នកអានអនាមិក

It is impossible to reveal the facts, the facts that Vietnam evaded Cambodia because it is systematic that in this country is partly controlled by Vietnam. Khmer people know this clearly, but how can they express their ideas. If they do, they for sure will be killed or jailed. I wish Cambodians could live peacefully and happily.

Sep 06, 2012 10:58 AM