សាលាក្ដីខ្មែរក្រហមបញ្ចប់សវនាការស្ដាប់សាក្សី អឿន តាន
នៅមុនពេលបញ្ចប់សវនាការ សាក្សីឈ្មោះ អឿន តាន ប្រាប់អង្គជំនុំជម្រះសាលាដំបូងថា ជនជាប់ចោទ នួន ជា ជាមនុស្សល្អ និងស្លូតបូត។
សាក្សី អឿន តាន៖ «បាទ! តាមការឃើញ តាមការរស់នៅជាប្រចាំថ្ងៃ នៅពេលនោះ គឺលោក នួន ជា គាត់ជាអ្នកហៅថា ស្លូតបូត អ្នកចេះអប់រំ អ្នកចេះណែនាំឱ្យប្រជាពលរដ្ឋល្អត្រឹមត្រូវ។ នេះតាមខ្ញុំសង្កេតឃើញ គឺអ៊ីចឹង»។
ការអះអាងរបស់សាក្សី អឿន តាន បែបនេះ គឺជាការឆ្លើយតបចំពោះសំណួររបស់មេធាវីការពារក្ដី គឺលោក សុន អរុណ ដែលសួរគាត់អំពីចរិតលក្ខណៈរបស់ជនជាប់ចោទ នួន ជា។
សាក្សី អឿន តាន អាយុ ៦៩ឆ្នាំ មានកំណើតនៅខេត្តរតនគីរី អតីតជានីរសារ និងជាកងការពារផ្ទាល់របស់ ប៉ុល ពត មេដឹកនាំជាន់ខ្ពស់ខ្មែរក្រហម ចាប់តាំងពីឆ្នាំ១៩៧០ ដល់ឆ្នាំ១៩៧៩។
បន្ទាប់ពីសាក្សីរូបនេះ សាលាដំបូងគ្រោងស្ដាប់សាក្សី ២រូបទៀត នៅថ្ងៃទី១៩ មិថុនា ក្នុងសប្ដាហ៍ក្រោយ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
