លោក អែម អឿន ជម្រាបអង្គជំនុំជម្រះពីការបំបាត់សាសនានៅរបបខ្មែរក្រហម
h082712lm-a1.mp3
ក្នុងវ័យ៦១ឆ្នាំ លោក អែម អឿន ជម្រាបអង្គជំនុំជម្រះទាក់ទងនឹងការបំបាត់សាសនា នៅក្នុងរបបកម្ពុជាប្រជាធិបតេយ្យ អតីតមេដឹកនាំខ្មែរក្រហម បានលើកឡើងថា សាសនានាំឱ្យខាតទាំងមនុស្ស និងសម្ភារៈ៖ «ខ្ញុំទទួលឥទ្ធិពលនេះ គឺតាមដំណើរការធ្វើឃោសនានយោបាយអ្នកដឹកនាំ កម្មាភិបាលដឹកនាំចូលចិត្តប្រើពាក្យថា កុំយកការងារវត្តអារាម ឬការងារព្រះធម៌នេះជាធំអី។ បើបួសជាលោកសង្ឃធ្វើឱ្យខាតពេលនេះមួយ។ បើមើលឱ្យខ្លី គឺខាត។ គឺខាតសម្លៀកបំពាក់ធំជាងគេបង្អស់។ មួយទៀត គឺខាតមនុស្សមិនឱ្យចូលរួមក្នុងចលនាបដិវត្តបាន។ ទីបី ខាតពេលវេលាក្នុងជីវិត មិនព្រមជួយរំដោះជាតិ បែរជាអ្នកឯងធ្វើលោកទៅវិញ។ នេះគឺជាភាសាអ្នកដឹកនាំ។ គេគ្រាន់តែបញ្ជាក់ថា បួសនាំតែខាតពេល បួសនាំតែខាតបាយ បួសនាំតែខាតសម្លៀកបំពាក់»។
លោក អែម អឿន ជម្រាបអង្គជំនុំជម្រះថា លោកក្លាយជាសមាជិកបក្សកុម្មុយនិស្តកម្ពុជា នៅឆ្នាំ១៩៧៥ ហើយក៏ជាគ្រូពេទ្យមួយរូប នៅខេត្តព្រៃវែង ភូមិបូព៌ា។
ឆ្លងកាត់ការធ្វើបដិវត្តរបស់ខ្មែរក្រហម លោកបាត់បង់សាច់ញាតិជាង២០នាក់។ ឥឡូវនេះ លោក អែម អឿន កំពុងតាំងខ្លួនជាដើមបណ្ដឹងរដ្ឋប្បវេណី ប្រឆាំងនឹងអតីតមេដឹកនាំខ្មែរក្រហម ក្នុងសំណុំរឿង០០២ ដែលមានជនជាប់ចោទ នួន ជា អៀង សារី និងខៀវ សំផន។
សវនាការស្ដាប់សក្ខីកម្មរបស់ដើមបណ្ដឹងរដ្ឋប្បវេណី ឈ្មោះ អែម អឿន នឹងលើកទៅធ្វើបន្ត នៅព្រឹកថ្ងៃទី២៨ សីហាទៀត៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
