សាលាក្ដីខ្មែរក្រហមស្ដាប់សាក្សី មាស វឿន
សាក្សី មាស វឿន ក្នុងវ័យ ៦៨ឆ្នាំ អមដោយមេធាវីប្រឹក្សាមួយរូបឈ្មោះ សេង រិទ្ធី ជម្រាបអង្គជំនុំជម្រះថា លោកចូលរួមតស៊ូធ្វើបដិវត្តជាមួយក្រុមខ្មែរក្រហម នៅឆ្នាំ១៩៦៨ ដែលមានតួនាទីការពារកម្មាភិបាលជាន់ខ្ពស់ខ្មែរក្រហម ពេលតស៊ូនៅក្នុងព្រៃ។ ក្នុងនោះ មានទាំងជនជាប់ចោទ ខៀវ សំផន ផង។
សាក្សី មាស វឿន ត្រូវបានភាគីសហព្រះរាជអាជ្ញាសួរដេញដោលអំពីរចនាសម្ព័ន្ធយោធា និងការជម្លៀសប្រជាពលរដ្ឋ ពេលវាយលុកចូលទីក្រុងភ្នំពេញ នៅថ្ងៃទី១៧ មេសា ឆ្នាំ១៩៧៥។ សាក្សីជម្រាបអង្គសវនាការថា លោកបានឃើញប្រជាពលរដ្ឋជម្លៀសចេញពីទីក្រុង ប៉ុន្តែលោកមិនបានដឹងអំពីផែនការឱ្យជម្លៀសជាមុនទេ។
លោកធ្លាប់នៅក្រោមការគ្រប់គ្រងរបស់ តាម៉ុក ប្រធានភូមិភាគនិរតី ហើយក្រោយមក លោកជាអនុមេបញ្ជាការកងពលលេខ១ នៃកងទ័ពខ្មែរក្រហម ប្រចាំនៅខេត្តកោះកុង។
សវនាការស្ដាប់សាក្សី មាស វឿន នៅមិនទាន់បញ្ចប់ទេ ហើយនឹងត្រូវបន្តនៅថ្ងៃទី៤ តុលា ទៀត៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
