ពលរដ្ឋស្រុកត្បូងឃ្មុំចង់ផ្ដល់ថវិកាជួយមន្ទីរពេទ្យគន្ធបុប្ផា
ពលរដ្ឋរស់នៅឃុំជប់ ស្រុកត្បូងឃ្មុំ ខេត្តកំពង់ចាម គឺលោក ព្រំ ធាវ ឲ្យដឹងនៅថ្ងៃទី៥ ខែកញ្ញា ឆ្នាំ២០១២ ថា នៅពេលនេះពលរដ្ឋចង់ចូលរួមផ្ដល់ជំនួយថវិកាតាមលទ្ធភាពក្នុងវិស័យមនុស្សធម៌ដែរ តែថាមិនដឹងចូលរួមតាមមធ្យោបាយណាមួយនោះទេ។
ព្រំ ធាវ បន្តថា លោកស្នើសុំឲ្យក្រុមយុវជនដែលមានឈ្មោះថាយើងរួមគ្នាដើម្បីគន្ធបុប្ផានេះ ផ្ដល់អាសយដ្ឋានសម្រាប់ចូលរួមដែលមិនចាំបាច់ធ្វើដំណើរពីខេត្តកំពង់ចាម នោះទេ៖ «ខ្ញុំចង់អញ្ចេះ ចង់ថាឲ្យមានម៉ាស៊ីនមួយសម្រាប់នៅទទួលចាំណឹងទៅដល់ពេលនេះ យើងផ្សាយតាមវិទ្យុមកឲ្យប្រជាជនចូលរួមវិភាគទានហ្នឹងដល់អ្នកដឹង និងគេចេះតែផ្ញើទៅ និងអ្នកដេកពេទ្យមិនចង់ឲ្យលុយតាមគ្រូពេទ្យទេ ចង់ផ្ញើលុយទៅដូចថាតាមរយៈទូរស័ព្ទអ៊ីចឹង យកលុយហ្នឹងសម្រាប់ផ្គត់ផ្គង់មន្ទីរពេទ្យ»។
ឆ្លើយតបករណីនេះ កញ្ញា ទៀត សោភា ដែលជាសមាជិកក្នុងក្រុមយើងរួមគ្នាដើម្បីគន្ធបុប្ផា ឲ្យដឹងថា ប្រសិនបើសប្បុរសជនចង់រួមចំណែកក្នុងកម្មវិធីមនុស្សធម៌នេះ អាចទាក់ទងតាមរយៈលេខទូរស័ព្ទ ០១៧ ៦១ ៩៣ ៨០ ឬតាមរយៈធនាគារ Acleda និងធនាគារ Anz ជាដើម៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
