តំណាងពលរដ្ឋនៅក្រចេះចូលរួមសិក្ខាសាលាស្ដីពីសិទ្ធិដីធ្លីនិងការអភិវឌ្ឍ
ដោយ ឱ ភារិទ្ធ
2009-10-28
យ៉ាងហោចណាស់មានតំណាងប្រជាពលរដ្ឋ៤៥នាក់ បានចូលរួមក្នុងសិក្ខាសាលាស្តីពីសិទ្ធិដីធ្លីនិងការអភិវឌ្ឍនៅសាលាក្រុងក្រចេះ កាលពីថ្ងៃ២៧ តុលា បន្ទាប់ពីការរកឃើញថា ការវិនិយោគដីសម្បទានកំពុងនាំពលរដ្ឋជាច្រើននាក់ឲ្យធ្លាក់ខ្លួនក្រ។
តំណាងប្រជាពលរដ្ឋនៅឃុំស្រែចារ ស្រុកស្នួល គឺលោក សារ៉ែន កែត បានបញ្ជាក់ពីផលលំបាកនេះ ៖ «រដ្ឋាភិបាលមុននឹងសម្បទានដីឲ្យក្រុមហ៊ុន ត្រូវសិក្សាផលប៉ះពាល់ ពិគ្រោះយោបល់ជាមួយប្រជាពលរដ្ឋ ប៉ុន្តែការសម្បទានហ្នឹង ប្រជាពលរដ្ឋទាំងអស់អត់ដឹងទេ។ ខ្ញុំតវ៉ា លោកមេឃុំគាត់បានសន្យាជាមួយខ្ញុំថា គាត់នឹងដោះស្រាយឲ្យតែប្រជាពលរដ្ឋទាំងអស់ហ្នឹងបោះឆ្នោតឲ្យគាត់ជាប់ ប៉ុន្តែដល់ទៅថ្ងៃ៤-៥ ខែ៨ ឆ្នាំ២០០៨ ត្រាក់ទ័រឈូសតែម្ដង»។
លោក អាន ហ៊ូ តំណាងឲ្យសហគមន៍កោះខ្ញែរ ឃុំអូរគ្រៀង បានលើកពីកង្វល់របស់សហគមន៍៤ភូមិនៅទីនោះថា ៖ «ក្រុមហ៊ុនមានគោលបំណងមួយ មានការឈូសឆាយបន្តទៅទៀត ដូច្នេះមានការព្រួយបារម្ភ»។
អភិបាលរងខេត្តគឺលោក បោង បុប្ផារិទ្ធ ដែលចូលរួមក្នុងសិក្ខាសាលានោះដែរ បានបញ្ជាក់ថា យន្តការដោះស្រាយវិវាទដីធ្លីគឺជាការសំខាន់។
លោក បោង បុប្ផារិទ្ធ បានបញ្ជាក់ដូច្នេះ ៖ «លោកមេឃុំអាចជួបខ្ញុំផ្ទាល់ យើងពិនិត្យឯកសារ ហើយបញ្ជូនទៅគណៈកម្មការគ្រប់គ្រងដីខេត្តហ្នឹង ដើម្បីពិនិត្យពិចារណាក្នុងការជួយសម្រួលកាត់ចេញពីក្រុមហ៊ុន កុំឲ្យមានការពាក់ព័ន្ធ»។
ថ្វីបើគេមិនទាន់ផ្តល់របាយការណ៍លម្អិត ស្តីពីពលរដ្ឋដែលបានបាត់បង់ទីលំនៅនិងមុខរបររបស់ខ្លួន នៅគ្រាដែលដីធ្លីទាំងឡាយត្រូវបានរដ្ឋាភិបាលធ្វើសម្បទានជាមួយអ្នកវិនិយោគ ប៉ុន្តែជាញឹកញយនៅក្នុងខេត្តក្រចេះ គេឃើញមានក្រុមអ្នកតវ៉ាអំពីរឿងដីធ្លីម្តងៗ មានគ្នារាប់រយរាប់ពាន់នាក់។
មន្ត្រីផ្នែកសិទ្ធិមនុស្សអាដហុក អ្នកស្រី ធីម ណារីន បានឲ្យដឹងថា សមាគមអាដហុកទទួលបានករណីវិវាទដីធ្លីនៅខេត្តក្រចេះ មានប្រមាណ៩ករណី ដែលក្នុងនោះចំណោមពាក្យបណ្ដឹង៩ករណីនោះ អាជ្ញាធរបានដោះស្រាយតែមួយករណីប៉ុណ្ណោះ គឺនៅឃុំចង្រ្កង់។
ប្រធានសមាគមការពារសិទ្ធិមនុស្សអាដហុក លោ ធន់ សារាយ បានលើកឡើងថា ការផ្តល់ដីទៅឲ្យក្រុមហ៊ុមអភិវឌ្ឍន៍អាចកាត់បន្ថយភាពក្រីក្របានយឺតជាងការផ្តល់ដីឲ្យប្រជាពលរដ្ឋធ្វើកសិកម្មគ្រួសារផ្ទាល់។
លោក ធន់ សារាយ មានប្រសាសន៍ដូច្នេះ ៖ «ធនាគារពិភពលោកគាត់បានធ្វើការសិក្សាស្រាវជ្រាវនៅក្នុងក្របខ័ណ្ឌពិភពលោក គាត់រកឃើញថា ការដែលធ្វើអភិវឌ្ឍកសិកម្មគ្រួសារនេះ អាចកាត់បន្ថយភាពក្រីក្របាន៤ដង លើសពីអ្វីដែលជាការអភិវឌ្ឍលើវិស័យផ្សេងទៀត។ អ៊ីចឹងដើម្បីយើងកាត់បន្ថយភាពក្រីក្រនេះឲ្យបានឆាប់ គឺមានតែការអភិវឌ្ឍខាងផ្នែកកសិកម្មគ្រួសារនេះទេ។ សំណូមពរឲ្យរដ្ឋអំណាចខេត្ត ក៏ដូចជាថ្នាក់ជាតិអ៊ីចឹងដែរ មេត្តាបន្ថយល្បឿន ឈប់ឲ្យដីហ្នឹងទៅក្រុមហ៊ុនឯកជន»។
ទាក់ទងនឹងបញ្ហាទំនាស់ដីធ្លីដែលគេព្រួយថា ដែលកំពុងតែរារាំងដល់ការកាត់បន្ថយភាពក្រីក្រ អភិបាលរងខេត្តបានថ្លែងថា បានដោះស្រាយជាច្រើនករណីហើយ ដែលនាំឲ្យស្ថានភាពបច្ចុប្បន្នមានភាពស្ងប់ស្ងាត់ច្រើន៕
អត្ថបទដែលទាក់ទង
អតីតប្រធានាធិបតីអាមេរិកសម្ពោធផ្ទះសម្រាប់ជនក្រីក្រនៅខែត្រកណ្ដាល
ទីតាំងផលិតប្រេងម្រះព្រៅភ្នំ២កន្លែងនៅពោធិ៍សាត់ត្រូវបានកម្ទេច
គណៈកម្មការខ្មែរម្ចាស់ស្រុកនឹងរៀបចំកិច្ចប្រជុំស្ដីពីបញ្ហានៅកម្ពុជា
អាជ្ញាធរខេត្តឧត្ដរមានជ័យរារាំងរថយន្តដឹកព្រះពុទ្ធបដិមារបស់ម៉មសូណង់ដូ
ប្រជានេសាទប្រតិកម្មចំពោះការកំណត់ប្រភេទឧបករណ៍នេសាទ
បញ្ហាធូលីហុយនៅតាមផ្លូវជាតិលេខ៣ប៉ះពាល់ដល់សុខភាពអ្នកស្រុក
ពលរដ្ឋនៅព្រៃវែងត្អូញពីបញ្ហាសមត្ថកិច្ចស្ទាក់ទារប្រាក់តាមផ្លូវ
ក្រសួងសុខាភិបាលបារម្ភចំពោះការចរាចរឱសថក្លែងក្លាយ
អ្នកភូមិនៅខេត្តកណ្ដាលនិងកំពង់ស្ពឺបារម្ភពីបញ្ហាសុខភាព
សមាជិកអាស៊ានប្រជុំគ្នារកវិធានការប្រឆាំងឧក្រិដ្ឋកម្មឆ្លងដែន
មតិ
អ្នកអាចបញ្ចេញមតិដោយបំពេញទម្រង់ខាងក្រោមនេះក្នុងទម្រង់ជាអក្សរសុទ្ធ។. មតិត្រូវតែអនុញ្ញាតដោយអ្នកសម្របសម្រួលនិងមិនបង្ហាញភ្លាមៗនៅលើទំព័រនេះទេ។ សូមអញ្ជើញត្រឡប់មកបើកទំព័រនេះម្ដងទៀតដើម្បីមើលថាតើមតិរបស់អ្នកត្រូវបានចុះផ្សាយឬអត់។
CAMBODIA CAN RELY ON THEIR OWN RESOURCES VIS-A-VIS TO THEIR 10 MILLION KHMERS . Contrary to china with overpopulation lacked of good flat terrain for individual family farming . i agree with brother tun saray. PLEASE, MR. HUN SEN ,HAVE PITY OF OUR POOR KHMERS BEFORE IT IS NOT TOO LATE. only you, mr. hun sen, like SAMDECH OUV ( SIHANOUK )during SANGKUM RASH NEYUM ALL KHMERS have had PROSPERITY <br>
2009-10-28 14:42
Lok Dey Tinh Dek. Sell Land Buy steel (Car). Car need gazoline not like Land only need water. So be careful when you sell land Tinh Dek.
2009-10-28 06:55
People should think twice before deciding to sell their own land. There are many cases that people sold their own land. Take money and carelessly spending on luxary products like new motorbike, mobile phone....after they run out of money. They claim back their sold land.
2009-10-28 06:53
មើលមតិទាំងអស់.