មន្ត្រីសាលាក្រុងសន្យាដោះស្រាយបញ្ហាដីធ្លីឲ្យអ្នកបុរីកីឡានិងបឹងកក់
2015.01.28
ពលរដ្ឋសហគមន៍បុរីកីឡា និងបឹងកក់ និងព្រះសង្ឃ តវ៉ានៅមុខសាលារាជធានីភ្នំពេញ នៅព្រឹកថ្ងៃទី២៨ មករា ២០១៥។
សាលារាជធានីភ្នំពេញ សន្យាថា នឹងដោះស្រាយបញ្ហាដីធ្លីឲ្យអ្នកបឹងកក់ និងបុរីកីឡា។
បន្ទាប់ពីដាក់ញត្តិនៅសាលារាជធានីភ្នំពេញ អស់ជាច្រើនលើកច្រើនសា តំណាងអ្នកបឹងកក់ លោក ចាន់ ពុទ្ធិស័ក្ក មានប្រសាសន៍ថា លោក និងពលរដ្ឋឯទៀត ហាក់មានជំនឿចំពោះការសន្យានៅពេលនេះ៖ «ម្តងនេះគាត់បានបង្ហាញជំហច្បាស់លាស់ ថាគាត់នឹងជំរុញការដោះស្រាយបញ្ចប់ទោះបីយ៉ាងណាយើងនៅមានជំនឿ»។
អ្នកមានជម្លោះដីធ្លីសង្ឃឹមថា ប្រធានរដ្ឋបាលសាលារាជធានីភ្នំពេញ លោក មាស យ៉ាដា នឹងដោះស្រាយបញ្ហាដីធ្លីដ៏រ៉ាំរ៉ៃនេះឲ្យពួកគាត់ ដូចអ្វីដែលបានសន្យា។
ក្នុងការតវ៉ានៅថ្ងៃទី២៨ មករា អ្នកបុរីកីឡា ស្នើឲ្យមានដំណោះស្រាយសម្រាប់ផ្ទះសម្បែងពួកគាត់ ដោយមានការចូលរួមឃ្លាំមើលពីអង្គការសង្គមស៊ីវិល និងតំណាងសហគមន៍បុរីកីឡា។
ចំណែកអ្នកបឹងកក់ស្នើឲ្យបោះព្រំប្រទល់ដីទំហំជាង ១២ហិកតារ តាមអនុក្រឹត្យលេខ ១៨៣ របស់លោកនាយករដ្ឋមន្ត្រី ហ៊ុន សែន។ ពួកគាត់ក៏ស្នើសុំឲ្យផ្ដល់ប្លង់កម្មសិទ្ធិសម្រាប់ពលរដ្ឋនៅសេសសល់ ៥៧គ្រួសារ និងផ្ដល់ដីទទឹង ៤ម៉ែត្រ បណ្តាយ ១៨ម៉ែត្រ សម្រាប់ពលរដ្ឋ ១៦គ្រួសារ ស្ថិតនៅភូមិ១៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- វៀតណាមព្រមានថា ព្រែកជីកហ្វូណនតេជោអាចជួយសម្រួលវត្តមានយោធាចិនក្នុងទឹកដីកម្ពុជាកាន់តែជ្រៅ
- ពលរដ្ឋនៅតំបន់បឹងតាមោក ចោទប្រកាន់អាជ្ញាធរខណ្ឌព្រែកព្នៅថា ប្រើអំពើហិង្សា
- អាជ្ញាធរក្រុងភ្នំពេញមិនអនុញ្ញាតឱ្យបក្សកម្លាំងជាតិធ្វើបាតុកម្ម នៅទីលានប្រជាធិបតេយ្យ
- ក្រសួងដែនដីបានហៅអតិថិជនបុរីពិភពថ្មីទៅពិភាក្សា ដើម្បីរកដំណោះស្រាយ
- ពលរដ្ឋខ្មែរ-អូស្ត្រាលីម្នាក់ ដែលរិះគន់រដ្ឋាភិបាលកម្ពុជា រងការវាយដំពីជនមិនស្គាល់មុខមួយក្រុម ពេលទៅលេងស្រុកខ្មែរ
