សាលា​ឧទ្ធរណ៍​បដិសេធ​បណ្ដឹង​ជំទាស់​ការ​ឃុំ​ព្រះ​កាយ​ព្រះសង្ឃ ហន សុផាន្នី

ដោយ រាជ វិញ្ញូ
2017-07-20
អ៊ីម៉ែល
មតិ
ចែករំលែក
បោះពុម្ព
  • បោះពុម្ព
  • ចែករំលែក
  • មតិ
  • អ៊ីម៉ែល
សមាជិក​បណ្ដាញ​ព្រះសង្ឃ​ឯករាជ្យ​ដើម្បី​យុត្តិធម៌​សង្គម ​ប្រចាំ​ខេត្ត​បាត់ដំបង ព្រះតេជព្រះគុណ ហន សុផាន្នី ដែល​ត្រូវ​អាជ្ញាធរ​ចាប់​ផ្សឹក​នៅ​ថ្ងៃ​ទី​២១ មិថុនា ឆ្នាំ​២០១៧។ Photo provided
សមាជិក​បណ្ដាញ​ព្រះសង្ឃ​ឯករាជ្យ​ដើម្បី​យុត្តិធម៌​សង្គម ​ប្រចាំ​ខេត្ត​បាត់ដំបង ព្រះតេជព្រះគុណ ហន សុផាន្នី ដែល​ត្រូវ​អាជ្ញាធរ​ចាប់​ផ្សឹក​នៅ​ថ្ងៃ​ទី​២១ មិថុនា ឆ្នាំ​២០១៧។ Photo provided
Photo provided

សាលា​ឧទ្ធរណ៍ បាន​រក្សា​ការ​សម្រេច​របស់​តុលាការ​ខេត្ត​បាត់ដំបង ដើម្បី​បន្ត​ឃុំ​ព្រះ​កាយ​ព្រះសង្ឃ​ដែល​ជា​សមាជិក​បណ្ដាញ​ព្រះសង្ឃ​ឯករាជ្យ ព្រះនាម ហន សុផាន្នី ដោយ​សំអាង​ថា ករណី​នេះ​កំពុង​ស្ថិត​ក្នុង​ការ​ស៊ើប​អង្កេត​នៅ​ឡើយ។

ការ​សម្រេច​របស់​សាលា​ឧទ្ធរណ៍​នេះ បាន​ធ្វើ​ឡើង​នៅ​ក្នុង​សវនាការ​ជុំវិញ​បណ្ដឹង​ប្រឆាំង​ជំទាស់​ទៅ​នឹង​ការ​ឃុំ​ព្រះ​កាយ​របស់​តុលាការ​ខេត្ត​បាត់ដំបង មក​លើ​ព្រះសង្ឃ ហន សុផាន្នី នៅ​ព្រឹក​ថ្ងៃ​ទី​២០ ខែ​កក្កដា។

មេធាវី​ការពារ​ក្ដី​របស់​ព្រះសង្ឃ ហន សុផាន្នី គឺ​លោក​មេធាវី ជូង ជូងី បាន​ចាត់​ទុក​ការ​បន្ត​ឃុំ​ព្រះ​កាយ​កូន​ក្ដី​របស់​លោក ដែល​ប្រើប្រាស់​កាំភ្លើង​ជ័រ​ទៅ​ជា​បទល្មើស​កាន់កាប់​អាវុធ​ដោយ​គ្មាន​ការ​អនុញ្ញាត​នេះ គឺ​ជា​រឿង​រំលោភ​ទៅ​នឹង​ច្បាប់៖ «ច្បាប់​យើង​អត់​មាន​ហាម​កុំ​ឲ្យ​កាន់កាប់​កាំភ្លើង​ជ័រ​ផង​ហ្នឹង ហើយ​គាត់​មាន​កាន់​ដាវ​បង្ហោះ​តាម​ហ្វេសប៊ុក (facebook) មែន​ទែន គាត់​មិន​មាន​ដាវ​ហ្នឹង​ទេ គឺ​ខ្ចី​គេ​ថត​បង្ហោះ ហើយ​ច្បាប់​អត់​មាន​ហាមឃាត់​មិន​ឲ្យ​កាន់កាប់​ដាវ​ផង​ហ្នឹង បែរ​ជា​ចោទ​ប្រកាន់​ថា​កាន់កាប់​អាវុធ​ដោយ​គ្មាន​ការ​អនុញ្ញាត។ ហើយ​ចោទ​ប្រកាន់​មួយ​ករណី​ទៀត​ពី​បទ​ញុះញង់ ដោយសារ ហន សុផាន្នី យក​រូបថត​ដែល​បង្ហាញ​ពី​ការ​ដេក​កាន់​កាំភ្លើង​ជ័រ​តម្រង់ និង​កាន់​កាំបិត​មួយ និង​ដាវ​មួយ បង្ហោះ​តាម​ហ្វេសប៊ុក ហើយ​សរសេរ​រិះគន់​រដ្ឋាភិបាល»

កាល​ពី​ថ្ងៃ​ទី​២២ ខែ​មិថុនា តុលាការ​ខេត្ត​បាត់ដំបង បាន​សម្រេច​បញ្ជូន​ព្រះសង្ឃ​ដែល​ជា​សមាជិក​ព្រះសង្ឃ​ឯករាជ្យ ព្រះនាម ហន សុផាន្នី ទៅ​ឃុំ​នៅ​ពន្ធនាគារ ដោយ​ចោទ​ប្រកាន់​ពីរ​ករណី គឺ​ពី​បទ​ដឹក​ជញ្ជូន​អាវុធ កាន់កាប់​ដោយ​ខុស​ច្បាប់ និង​ញុះញង់​ឲ្យ​ប្រព្រឹត្ត​បទឧក្រិដ្ឋ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (0)
  • បោះពុម្ព
  • ចែករំលែក
  • អ៊ីម៉ែល
គេហទំព័រ​ទាំងមូល