លោក ជូង ជូងី ស្នើ​តុលាការ​ម្ដង​ទៀត​ដើម្បី​ឲ្យ​លោក គឹម សុខ បាន​នៅ​ក្រៅ​ឃុំ

ដោយ ម៉ម មុនីរតន៍
2017-07-13
អ៊ីម៉ែល
មតិ
ចែករំលែក
បោះពុម្ព
  • បោះពុម្ព
  • ចែករំលែក
  • មតិ
  • អ៊ីម៉ែល
លោក​មេធាវី ជូង ជូងី ថ្លែង​នៅ​មុខ​សាលាដំបូង​រាជធានី​ភ្នំពេញ នៅ​ថ្ងៃ​ទី​១៣ ខែ​កក្កដា ឆ្នាំ​២០១៧។
លោក​មេធាវី ជូង ជូងី ថ្លែង​នៅ​មុខ​សាលាដំបូង​រាជធានី​ភ្នំពេញ នៅ​ថ្ងៃ​ទី​១៣ ខែ​កក្កដា ឆ្នាំ​២០១៧។
RFA/Morm Moniroth

មេធាវី​ការពារ​​ក្ដី​ឲ្យ​លោក គឹម សុខ បាន​ស្នើ​សុំ​តុលាការ​ក្រុង​ភ្នំពេញ ជា​ថ្មី​ទៀត សូម​ឲ្យ​តុលាការ​ដោះលែង​អ្នក​ឃ្លាំមើល​ពី​បញ្ហា​សង្គម និង​នយោបាយ​រូប​នេះ​បាន​នៅ​ក្រៅ​ឃុំ​បណ្ដោះអាសន្ន។

សំណើ​សុំ​ឲ្យ​តុលាការ​ដោះលែង​លើក​ទី​២​នេះ ធ្វើ​ឡើង​នៅ​មុន​សវនាការ​លើ​អង្គ​សេចក្ដី​ប្រឆាំង​លោក គឹម សុខ ដែល​គ្រោង​នឹង​ដំណើរ​ការ​នៅ​រសៀល​ថ្ងៃ​ទី​២៦ ខែ​កក្កដា ខាង​មុខ​នេះ។

ថ្លែង​ប្រាប់​ក្រុម​អ្នក​កាសែត​នៅ​ខាង​មុខ​របង​តុលាការ​ក្រុង​ភ្នំពេញ កាល​ពី​ព្រឹក​ថ្ងៃ​ទី​១៣ កក្កដា លោក ជូង ជូងី លើក​ឡើង​ថា មូលហេតុ​ដែល​លោក​ដាក់​សំណើ​ជា​ថ្មី​ទៀត​នៅ​ពេល​នេះ​ដើម្បី​សុំ​​ឲ្យ​តុលាការ​ពិចារណា​ក្នុង​ការ​ដោះលែង​កូន​ក្តី​របស់​ខ្លួន ព្រោះ​លោក គឹម សុខ ពុំ​មាន​ភាព​ចាំបាច់​ក្នុង​ការ​បន្ត​ឃុំ​ខ្លួន​ទៀត​ទេ។

លោក​បន្ត​ថា៖ «ក្នុង​រឿង​នេះ លោក គឹម សុខ ក៏​ដូច​ជា​ខ្ញុំ​ដែរ មើល​ឃើញ​ថា វា​អត់​មាន​ភាព​ចាំបាច់​អី​ត្រូវ​ឃុំ​ខ្លួន​គាត់​ទេ ហើយ​ម្យ៉ាង​ទៀត​តុលាការ​បាន​បញ្ចប់​ការ​ស៊ើបអង្កេត​ចប់​សព្វគ្រប់​អស់​ហើយ នៅ​រង់ចាំ​តែ​ជំនុំជម្រះ​លើ​អង្គសេចក្ដី​ប៉ុណ្ណោះ។ ប្រសិន​បើ​រក​ទៅ​អត់​ឃើញ​លោក គឹម សុខ ប្រព្រឹត្ត​បទល្មើស​ត្រូវ​ឲ្យ​គាត់​រួច​ផុត​ពី​បទ​ចោទ។ ប៉ុន្តែ​បើ​រក​ឃើញ​ថា មាន​បទល្មើស​ពេល​ដែល​សាលក្រម​ស្ថាពរ​នឹង​អនុវត្ត​ទៅ​តាម​សេចក្ដី​សម្រេច​របស់​តុលាការ​ទៅ»

កាល​ពី​ខែ​កុម្ភៈ ឆ្នាំ​២០១៧ ចៅក្រម​ស៊ើបសួរ​នៃ​តុលាការ​ក្រុង​ភ្នំពេញ បាន​បដិសេធ​សំណើ​សុំ​នៅ​ក្រៅ​ឃុំ​នេះ​ម្ដង​រួច​មក​ហើយ។ លោក គឹម សុខ អ្នក​ឃ្លាំមើល​បញ្ហា​សង្គម និង​នយោបាយ ត្រូវ​បាន​តុលាការ​ក្រុង​ភ្នំពេញ ចោទ​ប្រកាន់ និង​ឃុំ​ខ្លួន កាល​ពី​ថ្ងៃ​ទី​១៧ ខែ​កុម្ភៈ ជុំវិញ​បទ​ចោទ​ញុះញង់​ឲ្យ​ប្រព្រឹត្ត​ឧក្រិដ្ឋ​ជាអាទិ៍ និង​រឿង​ក្ដី​មួយ​ទៀត បរិហារកេរ្តិ៍​ជា​សាធារណៈ។

បទ​ចោទ​ទាំង​២​សំណុំរឿង​នេះ ដើម​បណ្ដឹង​គឺ​ជា​មនុស្ស​តែមួយ គឺ​លោក ហ៊ុន សែន តាម​រយៈ​លោក គី តិច ដែល​ជា​មេធាវី​តំណាង​ដោយ​អាណត្តិ​របស់​លោក​នាយករដ្ឋមន្ត្រី៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (0)
  • បោះពុម្ព
  • ចែករំលែក
  • អ៊ីម៉ែល
គេហទំព័រ​ទាំងមូល